Korito daidi 16:19 - Deoso-ka Yama Hani

¹⁹ Asiya‑ya mai wi‑wina, Deoso ati‑ya mai no‑nofa dai‑ya mai ati foya, i‑di Akira fadi i‑di Birisira‑ya fame dai‑ya mai ati foyahari nineni. Akira tabaro‑ya mai yorotokana, Deoso‑ya mai hiyara, dai tamine‑ya mai hiyarineni.

Korito daidi 16:19 ပူးပေါင်းရင်းမြစ်များ

Yeso‑ka yo‑yose mai tamine 16:6

Tabora webote oni Firikiya‑ya, mai fiyakana, tabora webote one Karatiya‑ya mai fiyakana, tabora webote one Asiya‑ya Yeso ati‑ya mai kaminabone mai atibodi ati na, Deoso‑ka Doni mai‑ya ati barine.

Yeso‑ka yo‑yose mai tamine 18:18

Korito‑ya Baoro wine, amoni ba‑basi namakiya, Senekereya‑ya tokawahane. Senekereya‑ya wine‑ya tati kone nafi‑ya nanahabe, Deoso hikasome ene Baoro ya‑yai, tati kone‑ya nanahabane, Deoso‑ya kahiyarebonaha. Hawa toheya, i‑di Baoro, i‑di Birisira, i‑di Akira mai na, maboro‑ya mai foya, Siriya‑ya mai tokaboneni.

Yeso‑ka yo‑yose mai tamine 18:2

Korito‑ya i‑di Akira wine‑ka yobe‑ya Baoro kobone. Hibati‑ya Boto‑kaya Akira wine, makobote Homa‑ya toke, yara mai‑ka hidi i‑di Karaodio mai‑ya yose, “Yodeo dai toha, dai nafi tokahi, ahi‑ya dai winamaraboneni.” I‑di Karaodio ati ne. Ati ene Korito‑ya Akira fadi i‑di Birisira eyehe tokawahe, mai tabori‑ya Baoro kobonane.

Yeso‑ka yo‑yose mai tamine 18:26

Deoso‑ya Yodeo mai hi‑hiyara‑ke yobe‑ya Deoso‑ka Ka‑kadika tamine‑ya i‑di Aboro hiyare, habo siitore, ati‑ya i‑di Birisira i‑di Akira mai mita, mai tabori‑kaya mai hiwakame, Deoso hawine‑ya mai hikaminawahane.

Yeso‑ka yo‑yose mai tamine 19:10

Faha fowe fama‑ya Baoro mai‑ya hiyaranadi, mai‑ya hiyaranadine. Asiya‑ya mai wi‑wina mai nafi Yeso tamine‑ya mita, Yodeo mai toha, Bara mai toha na, Yeso tamine‑ya mai nafi mitamoneni.

Yeso‑ka yo‑yose mai tamine 2:9

Baratiya‑ka mai ati‑nima ai owa ati nihi, Mediya‑ka mai ati‑nima ai owa ati nihi, Eraho‑ka mai ati‑nima ai owa ati nihi, Mesobotamiya‑ka mai ati‑nima ai owa ati nihi, Yodeya‑ka mai ati‑nima ai owa ati nihi, Kabadosiya‑ka mai ati‑nima ai owa ati nihi, Boto‑ka mai ati‑nima ai owa ati nihi, Asiya‑ka mai ati‑nima ai owa ati nihi,

Homa 16:15

I‑di Firiroko, fadi i‑di Yoriya‑ya fama, i‑di Nereo hika kasima‑ya fama, i‑di Orimibasi, mai na, mai onofa, mai‑ya owa tamine dai hiyara, mai‑ya mai sawe, Deoso‑ka mai toha, mai‑ya dai hiyarahari, dai nahi.

Koroso 4:15

Raodiseya‑ya mai wi‑wina mai‑ya dai hiyara, owa tamine mai‑ya dai hiyarahi. I‑di Nifa tabori‑ya mai yorotokana, Deoso‑ya mai hiyarabone, mai‑ya dai hiyara, owa tamine mai‑ya dai hiyarahi.

Timoti yoto‑ke 4:19

I‑di Birisira, i‑di Akira mai fama, mai tihiyara, i‑di Onesiforo‑ka mai tihiyara tinahi. Owa tamine mai‑ya tihiyariyahi.

Firimo 1:2

Ai‑ka adi i‑di Afiya‑ka yama hani‑bone toha, i‑di Arakibo‑ka yama hani‑bone toha, tiwa tabaro‑ya mai yorotokana, Deoso‑ya mai hiyarabone, mai‑ka yama hani‑bone toha nineni.

Bedoro daidi 1:1

Bedoro ama·oni. Yeso Kirisito‑ka yo‑yose ama·oni. Deoso dai‑ya kadikematane, hika mai dai tohabonehe. Dai tabaro‑ya dai winamara, yama yaki‑ya dai winabisa, dai‑ka yama hani‑bone okanahanoneni. Boto‑ya dai wi‑wina, Karatiya‑ya dai wi‑wina, Kabadosiya‑ya dai wi‑wina, Asiya‑ya dai wi‑wina, Bitiniya‑ya dai wi‑wina, dai na, dai‑ka yama hani boneni.

Yeso Kirisito ene‑bona 1:11

“Yama tiawa tamine tikanahanohi. Sidadi 7 kana‑ya Deoso‑ya mai hi‑hiyara‑ke yobe 7 kane wade, fara sidadi 7 kana oni Efesiyo toha, Esimina toha, Bekamo toha, Tiyatira toha, Sadisi toha, Firadefia toha, Raodiseya toha na, fare yobe nafi‑ka mai‑ka yama hani‑ba daatinahi.” Ati ne, torobeta ati‑nima ati nene.