Korito daidi 16:18 - Deoso-ka Yama Hani

¹⁸ Dai tabaro‑ya mai wi‑wina mai ihi dai ya‑yainamone, ya‑yai·onaharineni. I‑di Tefanasi‑nima mai na, mai ati dai tokadabiyahi, mai ihi amosaro.

Korito daidi 16:18 ပူးပေါင်းရင်းမြစ်များ

Homa 15:32

Fara haa‑nima dai ati niya, Deoso owa‑ya kasomeya, dai tabaro‑ya kobo·oniya, dai oawiya, owa‑ya dai kasoma, ya‑yai·onaboneni.

Korito yoto‑ke 7:13

Oda ya‑yainineni. I‑di Tito‑ya dai kasoma, dai ene i‑di Tito ya‑yaine ene oda ya‑yaini ba‑basi nineni.

Koroso 4:8

I‑di Tikiko oyose, dai tabaro‑ya toke ene dai ya‑yainahi. Tikiko oda‑ka soho amane. Oda tamine‑ya kamineya, dai ya‑yainaboneni.

Tesaronika daidi 5:12

Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Firimo 1:20

I‑di Onesimo tiwa tabaro‑ya koboneya, haa‑nima tiwa ene nabone owatibodi ati nofani. Deoso tiwa‑ya kasome‑nima i‑di Onesimo tikasoma, ya‑yai·onaboneni.

Firimo 1:7

Deoso‑ka mai tinofa, mai‑ya tikasomamone, mai atibodi ya‑yainawahamoneni. Soho, tiwa ene ya‑yai·onaharineni.

Ebereo 13:7

Hibati‑ya Deoso tamine‑ya dai‑ya mai kaminamaro, mai tamine dai kadika, mai ihi amosa, mai ihi‑nima dai ene namakiyahi.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.