Korito daidi 16:13 - Deoso-ka Yama Hani

¹³ Dai noko wadahi. Yeso tamine‑ya keyehe‑ya mai hirinabone, Yeso ati‑ya dai nofahi. Dai‑ya mai we‑wee, dai eme kita, dai habo siitoriyahi.

Korito daidi 16:13 ပူးပေါင်းရင်းမြစ်များ

Mateo 25:13

Dai noko wadahi. Dai‑ka Ayo neme‑ke kobonebona, hika amoni, ora ne dai wato awirane.” Yeso ati nemarine.

Mateo 26:41

Dai noko wadahi. Deoso‑ya dai hiyarahi, Satanasi ati‑ya dai tokadabarabonehe. Dai atibodi amosa, dai abano kitarani.” Yeso ati nemarine.

Roka 21:36

Dai noko wadahi. Deoso‑ya dai hiyarahi, yama we‑wee‑ya dai sawirabonehe. Dai‑ka Ayo neme‑ke‑ya dai sawibisaboneni.” Yeso ati nematane.

Korito daidi 14:20

Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito yoto‑ke 1:24

Dai‑ka hidi oda tohara, hiniya dai oda kasomabone, Yeso ati‑ya dai nofi ba‑basi naboneni. Yeso ati dai nofi ba‑basi niya, dai ya‑yaina, dai habo siitoraboneni.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Efesiyo 3:16

Dai tamine‑ya Deoso‑ya ohiyara, “Abi Deoso, amosabote, kitabote amatini. Tika Doni mai‑ya sawi, mai atibodi kitawahaboneni.

Efesiyo 6:10

Yeso Kirisito kitabote tohe, Yeso‑ka dai toha, dai eme kita, dai habo siitoriyahi.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 4:12

Dai‑ka owa i‑di Ebafarasi tohe, Ebafarasi‑ya Yeso Kirisito kadikemari, Yeso ati‑ya kaminebonaha. Dai‑ya Ebafarasi ati foya, dai tamine‑ya hiyaratene, Deoso‑ya. “Deoso, Koroso‑ya mai wi‑wina mai tikasomahi, tiwati‑ya mai nofi nafebonehe. Tiwati mai nofiya, tiwati‑ya mai tokadababoneni.” Ebafarasi ati tene.

Koroso 4:2

Deoso dai hiyaranadiya, dai ya‑yainahi. “Deoso, amosabote amatini.” Dai ati nahi.

Tesaronika daidi 3:8

Yeso ati dai nofasa namone, dai ene oda habo kitamatasani.

Tesaronika daidi 5:6

Mai amona, yama‑ya mai watora, mai‑nima dai riyahi. Dai noko wadahi, yama‑ya dai watabonehe. Kawi‑ya mai fawa, mai towe toha, yama‑ya mai watora, mai‑nima dai riyahi.

Tesaronika yoto‑ke 2:15

Oka soho dai toha, dai‑ya oda hiyara, dai oda kanawato, dai‑ka yama hani‑bone oda kanahano na, ati dai fawaniriyahi.

Timoti daidi 6:12

Deoso ati fawatiniriyahi. Deoso tiwa‑ya haanemari, tabaro‑ya tiwinabone, Deoso ati‑ya tinofamone, mai dami tiwati‑ya mai mita, mai ihi tiwa habo siitoriyahi. Satanasi tiwa‑ya kako, ati‑nima tiriyahi.

Timoti yoto‑ke 2:1

Timoti, oka dao amatini. Tiwa eme kitahi. Deoso ene Yeso Kirisito ai‑ya kasome, ai eme kitateni.

Timoti yoto‑ke 4:5

Timoti, tiwa noko wadahi. Mai‑nima tiriyahi. Tiwa‑ya mai bisina, tiyawariyahi. Deoso Ati Amosabote ati‑ta tihiyarabisahi. Deoso tiwa‑ya yosemari, ati nafi tikaminiyahi.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Bedoro daidi 4:7

Yama nafi tosiyo kanibote nabone, dai atibodi amosabone dai nokotonihi, dai ati‑ya Deoso mitebonaha.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Yeso Kirisito ene‑bona 16:15

Yeso ati yanane, “Yama‑ya bo‑boti kaki‑nima owa kaminaboneni. Kobo·oniya, mai ihi amosa maakani awiriya, mai amosaboneni. Mai ihi amosa fawana, ai bodi‑nima mai nibisaboneni.” Yeso ati nene.