Korito daidi 15:45 - Deoso-ka Yama Hani

⁴⁵ Hibati‑ya ai‑ka idi‑bona i‑di Adaho tamine‑ya Deoso hiyare, “I‑di Adaho atabo‑ya wama·one, ai tohawahane.” Deoso‑ka yama hani ati nineni. I‑di Adaho yoto‑ke Kirisito tohe, ai abano yati‑ya daanebonane.

Korito daidi 15:45 ပူးပေါင်းရင်းမြစ်များ

Yowaho 1:4

Deoso‑ya Yo‑yofikana ene ai hasina, ene ai one abaraboneni. Deoso‑ya Yo‑yofikana yama wahi‑nima ne ai‑ya yofikanemarine.

Yowaho 10:10

Yama‑ya mai bo‑boti kaneiro mai tabori‑ya mai kakiya, ‘Awa yara bai onahabiya, kaneiro o·idiya, kaneiro onahababoneni.’ Mai atibodi ati teni. Kaneiro mai abarabone, mai tabori‑ya okemaroni. Mai ya‑yaini nafebone, mai tabori‑ya okemaroni.

Yowaho 10:28

Owa ene oka mai hasinabone, mai abateraboneni. Owa yehe doro‑ya oka mai onawada, mai‑ya mai kahiditeraboneni.

Yowaho 14:19

Ai amoni fa‑famaraba niya owati‑ya mai nofara, owa‑ya mai awamaraboneni. Owa‑ya dai awabisaboneni. Okitama, hasi·oni‑nima dai hasinaboneni.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 4:10

“Owa tiwato awirini. Deoso owa‑ya yosemarine. Owa tiwata‑mani, tika faha‑ba haatina neni. Faha haatiniya, faha daa·ona neni. Oka faha‑ya mai fa‑fawa mai baki hokomarani.” Yeso ati nematane.

Yowaho 4:14

Oka faha‑ya mai fawiya, mai baki hokomarani. Wami hodi‑ka faha kimisa‑nima oka faha kimisabone, tosiyoraboneni. Oka faha‑ya mai fawiya, mai abateraboneni.” Yeso ati nematane.

Yowaho 5:21

Mai aba mai‑ya Okobi nakitame‑nima onabone, mai‑ya owati nakitama mai onakitamabone, owa ene mai abaraboneni.

Yowaho 6:33

Neme‑ya yanane, bofe‑ya kise, ene dai abarabone, fare Deoso‑ka baho amane.” Yeso ati nemarine.

Yowaho 6:54

Owa eme‑ya mai kaba, owa emene‑ya mai fawa na, mai abateraboneni. Yama faina‑bone‑ya mai onakitamaboneni.

Yowaho 6:57

Okobi abarene. Okobi owa‑ya yosemari, Okobi ene o·abaharirani. Owa eme‑ya mai kaba, owa ene mai abahariraboneni.

Yowaho 6:63

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yowaho 6:68

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Homa 5:17

I‑di Adaho ene ai nafi abano ababone ai wato, Deoso ai‑ya nofe, Bidi‑ya daanane, ai manakone‑ya nanahabebonaha. Hibayata Yeso ati ai nofiya, Deoso ai‑ya ati somawameya, Yeso Kirisito ene‑nima ai ene na‑ya Deoso awabisatene. Yeso ene ai abano yati neme‑ya winabone ai wato, Yeso eyehe ai nahabone ai watohari nineni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 8:2

Yeso Kirisito ai manakone‑ya nanahabe ai abamarabone, ai atibodi bote ai‑ya yaditonamaro, Yeso ai‑ya seekane. Yeso‑ka ai tohawaha, ai atibodi yati Deoso daahina, fara‑ya hika Doni sawine, ai ene amosawamawahabonehe. Ai atibodi bote ati ai tokadabarabone, Deoso‑ka Doni ene ai atibodi yati ati ai tokadababoneni.

Korito daidi 15:46

Neme‑ke abano ai kayafi dai tohara, bofe‑ke abano ai kayafi baha, bofe‑ke abano abeya, neme‑ke abano ai kayafawahaboneni.

Firibo 3:21

Hibayata ai kitara, Yeso kameya, ai abano yati tohawahaboneni. Hini abano amosabote‑nima ai abano nawahaboneni. Yeso ene kite, yama nafi‑ya kayafebonane.

Koroso 3:4

Kirisito ene dai atibodi yati tohawahani. Kirisito kamataseya, Kirisito eyehe dai‑ya mai awaboneni. Dai amosi nafeboneni.

Ebereo 9:14

Fare Kirisito emene ai‑ya namosi nafibona, Kirisito ene amose hinama tohe, Deoso‑ka Doni hikasome ene ai manakone aba, hini emene‑ya Deoso‑ya daane ene ai ene amosaramaro, ai‑ya ai atibodi weenamaraboneni. Ai ene amosaramaro tamine‑ya Deoso kadikamaterebonane. Ai ene amosa, ai abamateraboneni. Deoso‑ya ai narifabisaboneni.

Yeso Kirisito ene‑bona 16:3

Deoso‑ka yo‑yose owa 2‑ke barato‑ka yama‑ya faha webote‑ya soronisane. Faha ama tohawaha, ai aba emene tohiya‑nima faha nawahani. Faha webote abe nafi abani.

Yeso Kirisito ene‑bona 21:6

Oka yama a‑ani hawa tohineni. Aofa ama·oni. Omeka ama·oni. Yama yanakani‑ke ama·oni. Faina ama·oni. Mai baki hoka mai‑ya oka faha daa·onabone, manakone haa·orabone, mai hifi‑ya mai abaraboneni.

Yeso Kirisito ene‑bona 22:1

Makobote sidadi‑ka hawi bai‑ya faha kayana‑ya Deoso‑ka yo‑yose owa‑ya yofikanene. Ai abarabone‑ka faha amani. Fara Deoso‑ka kadera toha, Kaneiro Bidi‑ka kadera toha na‑ya faha yanana, noki amosi nafe, kahafa amosabote‑nima na, ai noko‑ya barikani awirani.

Yeso Kirisito ene‑bona 22:17

Deoso‑ka Doni ati toha, Kaneiro Bidi fadi‑bone ati toha na, mai ati, “Yeso, kobotinahi.” Yama hani ati dai mitiya, dai ati yananamatasahi. “Yeso, kobotinahi.” Dai ati nahi. Dai bako hoko‑ya dai kamahi. Ai abarabone‑ka faha dai fawiya, manakone wadaraboneni.