Korito daidi 15:4 - Deoso-ka Yama Hani

⁴ “Yeso abe, mai hikame, amoni fama, amoni ohari ne‑ya Deoso hinakitamane.” Deoso‑ka yama hani ati nineni.

Korito daidi 15:4 ပူးပေါင်းရင်းမြစ်များ

Mateo 12:40

Hibati‑ya aba doro‑ya i‑di Yona foye, mahi, yama soki na 3 kane‑ya aba doro‑ya foye, aba saahinamematane. Fare‑nima onabone, hodi‑ya ofoyabone, mahi 3 kane‑ya okitamaboneni. Dai‑ka Ayo neme‑ke ama·oni.” Yeso ati nemarine.

Mateo 16:21

Yeso abebona, hini tamine‑ya hiyare, “Yerosare‑ya ai tokaboneni. Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya okitamaboneni.” Yeso ati nemarine.

Mateo 20:19

kofeno mai‑ya owa‑ya mai daanabone, owa‑ya mai hahakana, owa‑ya mai bisi, awa‑ya owa‑ya mai baakana naboneni. Mahi 3 kani‑ya dai‑ka Ayo neme‑ke kitamebonane.” Yeso ati nemarine.

Maroko 9:31

Yeso hika mai da‑daba mai‑ya kanawato, mai‑ya hiyare, “Dai‑ka Ayo neme‑ke‑ya ai owa daanebona, owa‑ya mai nanahababoneni. O·abiya, mahi 3 tohe‑ya okitamaboneni.” Yeso ati nematane.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Roka 24:46

“Yama hani ati dai mitahi. ‘Deoso‑ka Ka‑kadika‑ya mai nanahababone, dai amoni 3 kani‑ya kitamebonane.

Roka 9:22

“Yodeo mai‑ka hidi mai bi‑bidi na mai toha, Mose‑ka yama hani ati‑ya mai ka‑kamina mai toha, Deoso‑ka yama‑bone‑ya mai da‑daa mai‑ka hidi mai toha, mai na, dai‑ka Ayo neme‑ke ati‑ya mai nofarabone, mai weeni hikitebona, mai hinahabeya, mahi 3 tohe‑ya okitamaboneni.” Yeso ati nematane.

Yowaho 19:38

Makobote Yose Arimateya‑ke Birato‑ya tokematane. Yeso ati‑ya nofe, oda‑ka hidi mai‑ya nayofine, hini tamine‑ya kamini awiremarine. Fare Yeso abo‑ya haanemarine, hikamebonaha. Birato ati sibare, Yeso abo‑ya towakamemarine.

Yeso‑ka yo‑yose mai tamine 1:3

Yeso abe, kitame, mai‑ya kamatase, amoni 40 kane mai‑ya hiyaranadi, kitame‑ya mai watowahineni. Deoso ai nafi‑ka hidi‑bona tamine‑ya mai‑ya hiyaremonane.

Yeso‑ka yo‑yose mai tamine 17:31

Yeso ai ene‑ya kadikebona‑ke mahi‑ya Deoso wato, hibati‑ya Yeso‑ya kadikemata, Deoso ati‑mata‑nima yama nabone ai wato, Yeso‑ya nakitamebona ati nemata, Yeso‑ya nakitamane.” Baoro ati nemonane.

Homa 6:4

Yeso abe, yati hodi‑ya mai hinafoye, Deoso kitabote ene Yeso kitamatasane. Yeso kitame‑ka hetarato‑nima ai na, ai‑ya mai habanirisa, ai waamisama, hibati‑ka ai‑nima ai namaraboneni.

Koroso 2:12

Dai‑ya mai habanirisa, dai atibodi amosaramaro, dai atibodi bote aba, dai aba‑nima dai namaroni. Deoso ati ene Kirisito ati dai no‑nofa dai atibodi yati tohawaha, dai kitama‑nima dai nawahani. Yeso Kirisito abemari, Deoso hinakitamemarine. Ai atibodi bote amosara, Deoso ene ai atibodi yati tohawahineni.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.