Korito daidi 15:3 - Deoso-ka Yama Hani

³ Yeso Kirisito yama owa‑ya hikaminamaro, dai‑ya okaminamakitasineni. “Kirisito abe, ai manakone‑ya nanahabematane.” Deoso‑ka yama hani ati na, fara dai‑ya okaminamaroni.

Korito daidi 15:3 ပူးပေါင်းရင်းမြစ်များ

Mateo 26:24

Dai‑ka Ayo neme‑ke abebona yama hani ati na, fara yama hani ati‑nima abebonane. Owa‑ya kahabane‑ka ene towe manakone nafi bonane. Ka! Wadare‑mana, yama amosabisa neni.” Yeso ati nemarine.

Mateo 26:28

Owa emene tamine‑bone amani. Owa emene tokabone, o·ababone, mai dama mai ihi manakone onahababoneni.” Yeso ati nemarine.

Roka 24:25

Yeso mai‑ya hiyare, “Yama‑ya dai watora, Deoso ati‑ya mai mi‑mita‑mete mai ati kote‑ya dai nofa kanibote terani.

Yowaho 1:29

Mahi owa‑ya Yowaho Yeso‑ya awe, mai dami‑ya hiyare, “Kamaki dai awaho. Deoso‑ka Kaneiro Bidi amane. Deoso hiyose, bofe‑ya ai wi‑wina ai manakone‑ya nanahabebonane.

Yeso‑ka yo‑yose mai tamine 17:2

Fare yobe‑ya Baoro tokane, mai‑ya hiyarebonaha. Sabado‑ya Yodeo mai hi‑hiyara‑ke yobe‑ya Baoro tokatene. Sabado fama Sabado one ohari na‑ya mai‑ya hiyare, Deoso‑ka yama hani tamine‑ya hiyarane.

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Yeso‑ka yo‑yose mai tamine 8:32

Deoso‑ka yama hani ati hikadika eya ati na, ‘Kaneiro mai mai hinahababone, mai‑ya mai towakama, mai‑nima mai hiwakamane. Kaneiro bidi mai kone mai seohina, mai ati yanara, mai‑nima mai hinahabe, ati yanarene.

Homa 3:25

Deoso hini Bidi‑ya daane. Yeso abe, emene tokafodo, hini emene‑ya ai manakone‑ya nanahabematane. “Abi Deoso, owa manakone Yeso hinahabamete, owa‑ya tiwati somawamahi.” Ai atibodi ati na, Deoso ai‑ya ati somawamatene. Ai manakone abara‑mani, ai nafi aba neni. Deoso ene amose hinama ai nafi awabone, hini ene tamine‑ya kaminane. Hibati‑ya Yeso abi awisareya, mai one ihi‑ya Deoso kadiki awisareya, Yeso abebona‑ya Deoso nimanematane. Mai manakone‑ya Yeso nanahabaharibona‑ya Deoso watomatane.

Homa 4:25

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

Korito daidi 11:2

Owa ene‑maro dai wato, dai okanawata owati‑nima dai ene namaro, dai ene ya‑yai·oneni.

Korito daidi 11:23

Hibati‑ya ai‑ka Hidi owa‑ya hiyare, dai‑ya ohiyaramakitasamaroni. Yama soki‑ya ai‑ka Ayo i‑di Yeso Yoda daahinebona, baho‑ya damane.

Korito yoto‑ke 5:21

Yeso ene amose hinama tohe, ai ene amosara‑ya kayafe, abematane. Ai ene amosara manakone‑ya nanahabemata, ati ai nofe‑ya Yeso ene amose hinama‑ya ai kayafaboneni. Deoso ai‑ya ati somawamatene.

Karatiya 1:12

Owa‑ya mai kanawato awiramaroni. Yeso Kirisito‑ta owa‑ya kanawatobisemarine.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 5:2

Kirisito ai‑ya nofe, ai manakone‑ya nanahabane, Deoso ai‑ya ati somawamebonaha. Kirisito ene yama mahi amosa‑nima nemona Deoso ati nematane. Kirisito ai‑ya nofi nafi, Kirisito ai‑ya nofi‑nima mai dai nofahi.

Ebereo 5:1

Hibati‑ya Deoso‑ka yama‑bone‑ya mai da‑daa mai‑ka hidi webote‑bona‑ya Deoso kadikematane, ai ene amosara manakone‑ya Deoso‑ya daanebonaha.

Ebereo 5:3

Yama amosara manakone‑ya daanebona, hini hika yama‑ya daani dai tohe, makobote mai‑ka yama‑ya daanamaki ene Deoso mai nafi‑ya ati somawamematane.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Bedoro daidi 2:24

Ai ene amosara, ai ene Yeso Kirisito awa‑ya abemarine, ai manakone‑ya nanahabebonaha. Yeso abe ene ai atibodi bote ati ai tokadabamaraboneni, ai ene amosabisabonehe. Yeso abe ene ai kitamawahani.

Bedoro daidi 3:18

I‑di Yeso Kirisito ene amose hinama tohe, abe, dai manakone‑ya nanahabe, dai‑ya Deoso ati somawamebonaha. Hibati‑ya ai ene amosara, Kirisito amosabote abe, ai abarabonehe. Deoso‑ka Doni ene Yeso kitamemarine.

Yowaho daidi 2:2

Yeso ai manakone‑ya nanahabemari, Yeso ati ene Deoso ai‑ya yawamaterebonane. Ai nafi manakone‑ya Yeso nanahabemarine.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.