Korito daidi 15:2 - Deoso-ka Yama Hani

² Deoso Ati Amosabote ati dai nofa, Deoso tabaro‑ya dai winaboneni. Deoso Ati Amosabote‑ya mai atibodi nofara, hiniya mai ati hinofabise, Deoso tabaro‑ya mai winateraboneni.

Korito daidi 15:2 ပူးပေါင်းရင်းမြစ်များ

Roka 8:13

Yati iti‑kaya noki one sona, Deoso ati‑ya mai mita, ati mai nofa, mai ya‑yaina, makobote mai mai weehiniya, mai maakana kanibote na, Deoso ati‑ya mai tokadabamarani.

Yeso‑ka yo‑yose mai tamine 2:47

Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.

Yeso‑ka yo‑yose mai tamine 8:13

Makobote i‑di Simaho, Yeso ati‑ya nofawahe, i‑di Firibi habahinirise, i‑di Firibi‑ya sawiwahe, i‑di Firibi ene‑ya awe, “Ka!” Ati ne, awatokawahemonane.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 11:22

Deoso ene ai one ya‑yai, ai one ohiteni. Orifera ede amose‑ya dai‑ya nawaane ene dai ya‑yainineni. Orifera amose ede‑ya Yodeo mai waanamaro, Deoso mai‑ya bakanakose, mai ya‑yainamara, mai ohinibisaboneni. Fara‑nima Yeso ati‑ya dai nofami awiriya, dai‑ya bakanakosamakibonane.

Korito daidi 1:18

“Awa‑ya Yeso mai baahikane, ai manakone‑ya nanahabemarine.” Ai ati na, Deoso ati‑ya mai nofara ai ati‑ya mai hahakana, mai ababoneni. Deoso ati‑ya ai no‑nofa Yeso abe tamine‑ya ai mita, ai ya‑yaina, Deoso ene kitabote tohe‑ya ai wato, Deoso tabaro‑ya ai winaboneni.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 11:2

Owa ene‑maro dai wato, dai okanawata owati‑nima dai ene namaro, dai ene ya‑yai·oneni.

Korito daidi 15:14

Yeso kitami awire‑mana, oda ati honita toha neni. Yeso kitamare‑mana, ati dai nofe dai‑ya kasomare nane.

Korito yoto‑ke 2:15

Mai‑ya Kirisito ati oda kamina, oda ati‑ya Deoso mite, yama mahi amosa mahi‑nima oda ati toha, Deoso ya‑yainane.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 3:4

Hibati‑ya Yeso ati dai nofa, dai‑ya mai bisina, dai eme komamaroni. Yeso ati dai nofami awira‑mani, dai eme komene honita toha neni. “Dai eme komene honita tohi awirani.” Owatibodi ati neni.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Tesaronika yoto‑ke 2:15

Oka soho dai toha, dai‑ya oda hiyara, dai oda kanawato, dai‑ka yama hani‑bone oda kanahano na, ati dai fawaniriyahi.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 2:1

Deoso ati dai mitemari, ati dai tokadabebona dai ati na, dai ati kadamowamariya, ati‑nima dai naboneni.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 3:6

Yeso‑ta Deoso Bidi tohe, Deoso‑ka yobe hidi amane. Deoso ati ai no‑nofa, Deoso ene ai habo siitora, Deoso‑ka yobe ai tohateni. Mai ihi‑maro‑nima dai ene riyahi.

Ebereo 4:14

I‑di Yeso, Deoso‑ka yama‑bone‑ya mai da‑daa mai‑ka hidi webote neme‑ya tokome, Deoso Bidi yokana amane. Deoso ati ai tokadababone ai ati na, Deoso ati ai tokadabahi.

Tiyako 2:14

Soho, Deoso ati‑ya mai ati nofa, ati mai hikadabare, mai‑ya kasomarebonane. Ati mai hikadabare, mai ati‑ya Deoso nofabana? Mai ati‑ya nofarebonane.

Tiyako 2:17

Fara‑nima Deoso ati‑ya ai ati nofa, Deoso ati ai tokadabara, ai ati honita tohateni.

Tiyako 2:26

Ai abano toha, ai korimari wadamara, ai abano abateni. Fara‑nima Deoso ati‑ya ai ati nofa, Deoso ati ai tokadabara, ai ati abateni.