Korito daidi 15:14 - Deoso-ka Yama Hani

¹⁴ Yeso kitami awire‑mana, oda ati honita toha neni. Yeso kitamare‑mana, ati dai nofe dai‑ya kasomare nane.

Korito daidi 15:14 ပူးပေါင်းရင်းမြစ်များ

Mateo 15:9

Mai ati omita, ya‑yai·oni awirini. Owati‑ya mai kaminamone mai ati na, mai one ati‑ya mai kaminabisineni.’ Deoso ati ne, ati‑ya i‑di Isa·iya kanahanomatane.” Yeso ati nemarine.

Yeso‑ka yo‑yose mai tamine 17:31

Yeso ai ene‑ya kadikebona‑ke mahi‑ya Deoso wato, hibati‑ya Yeso‑ya kadikemata, Deoso ati‑mata‑nima yama nabone ai wato, Yeso‑ya nakitamebona ati nemata, Yeso‑ya nakitamane.” Baoro ati nemonane.

Korito daidi 15:13

Ai kitamaterabone‑mani, Yeso kitami awire nane.

Korito daidi 15:17

Yeso kitami awire‑mana, dai manakone‑ya nanahabare nane. Yeso kitami awire‑mana, dai manakone towe wadasa na, dai abiya, madi mai tabori‑ya dai ohina neni.

Korito daidi 15:2

Deoso Ati Amosabote ati dai nofa, Deoso tabaro‑ya dai winaboneni. Deoso Ati Amosabote‑ya mai atibodi nofara, hiniya mai ati hinofabise, Deoso tabaro‑ya mai winateraboneni.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Tesaronika daidi 4:14

Hibati‑ya i‑di Yeso abe, kitamemari, Yeso ati‑ya mai no‑nofa‑maro mai kitamahareboneni. Deoso ene Yeso kameya, mai korimari‑ya kakamebonane.

Tiyako 1:26

Deoso ati tinofamone tina, tiwati tinawadi amosara, keyehe‑ya hiritineni. Deoso ati tinofamone tina, tiwatibodi ati tohara, tiwati honita tohani.

Tiyako 2:20

Yama‑ya dai wato awisara awineni. Deoso ati‑ya mai ati nofa, Deoso ati‑ya mai tokadabara, mai ati honita toha, dai awi awiriya, dai ka‑kana naba awineni.