Korito daidi 15:10 - Deoso-ka Yama Hani

¹⁰ Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 15:10 ပူးပေါင်းရင်းမြစ်များ

Mateo 10:20

Fara dai ati yokana toharabone, ai‑ka Abi neme‑ke‑ka Doni ati nebonane.

Mateo 25:16

Yinero webote 5 kane‑ya kayafe yama‑ya kanike, yama‑ya daanamaki, haa‑nima ne hika yinero webote 5 kanamaki‑ya kayafane.

Homa 11:1

Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Korito daidi 15:11

“Yeso Kirisito abe, kitamematane.” Yeso‑ka yo‑yose mai one ati toha, fara owati toha na, oda ati dai mita, oda ati dai nofamaroni.

Korito daidi 15:2

Deoso Ati Amosabote ati dai nofa, Deoso tabaro‑ya dai winaboneni. Deoso Ati Amosabote‑ya mai atibodi nofara, hiniya mai ati hinofabise, Deoso tabaro‑ya mai winateraboneni.

Korito daidi 3:10

Deoso owa‑ya kasome ene Deoso‑ka yobe dai tohawaha, Yeso Kirisito dai‑ka yobe tati mese ewene tohawahene. Yeso abe, ai manakone‑ya nanahabe, kitame tamine dai‑ya okaminamaroni. Yobe wamani‑ya mai wata, mai ihi‑nima owa ene na. Mai‑ka yobe‑bona tati mese ewene hodone‑ya mai nakowe, yobe tati mese ewene kite‑ya mai nawaa, yobe tati mese ewene‑bona‑ya mai ibariteni. Fara mai ihi‑nima owa ene na, Kirisito tamine dai‑ya okamina, dai‑ya okanawata ene Yeso Kirisito dai‑ka yobe tati mese ewene tohawahene. Owa nowati‑ya dai‑ya mai kanawata, dai‑ka yobe‑ya mai aniniya, mai noki wadiyahi, mai ihi amosabonehe.

Korito daidi 3:6

Yamata‑ya mai ka‑kama mai‑nima ona, Deoso ati dai‑ya ohiyari bahamaroni. Yamata kami hawa tohaya, faha‑ya mai sorona mai‑nima i‑di Aboro ne, dai‑ya Deoso ati‑ya hiyaramatasane. Deoso ene yamata yana, Deoso ene Deoso ati‑ya dai nofahariteni.

Korito daidi 4:7

Yama dai kiha Deoso dai‑ya daanemarine. Hiniya honita‑ya dai‑ya daane. Hini yamata ihi dai‑ya dai kahiyariti? Dai ene tohi awirini.

Korito yoto‑ke 12:11

Owa tamine‑mone‑ya mai kamina, mai ati dai nofa, owa ene dai awamaro dai kaminara. Dai ene yama‑ya mai watora mai ati‑nima oka yama hani tohani. Amosabote mai‑mone mai ati na, owa ene‑ya mai ihi fiyakani awira, amosabote ama·ora, Deoso ene‑ta owa ene kitateni.

Korito yoto‑ke 3:5

Deoso ati dai nofa, oda ene tohi awirani. Deoso ene amane. Deoso oda‑ya kasome, oda ene amosani.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 2:8

Deoso ati ene Yodeo mai‑ya Yeso ati‑ya i‑di Bedoro kamine, Deoso ati ene Bara mai‑ya Yeso ati okaminahari oneni. Yeso Kirisito‑ka yo‑yose i‑di Bedoro amane. Yeso Kirisito‑ka yo‑yose‑hari ama·oni.

Firibo 2:13

Deoso dai‑ya sawi ene yama hinofa dai nofawaha, ati dai tokadabe, ya‑yainebonane.

Firibo 4:13

Yeso Kirisito kite ene owa kiti toha, Yeso ene yama anini dami owatowahineni.

Tesaronika daidi 5:12

Oda ati dai mitamakihi. Yeso ati‑ya dai‑ka mai wato ba‑basi na, dai‑ya mai kanawata, mai dai nofiyahi. Yeso ati‑ya dai tokadabara dai‑ya mai weena, mai dai nofahi. Dai ene amosara, mai‑ya dai weeriyahi. “Hehe, fara amani. Owa ene amosara, Deoso‑ya owa‑ya okaminaboneni.” Dai ati nahi. Dai‑ya mai kanawata, mai‑ya dai nofabisahi.

Timoti daidi 4:10

Ai‑ka Hidi i‑di Yeso Kirisito abemari, kitame, abamaterebonane. Ai‑ka Hidi ati ai nofa ene yama‑ya ai ani, ai‑ya mai bisiteni. Ai‑ya Yeso nakitamebona ati ne, fara ai nimaneni.