Korito daidi 14:6 - Deoso-ka Yama Hani

⁶ Dai tabaro‑ya okiya, mai one ati‑ya dai‑ya ohiyariya, owati‑ya dai watoriya, dai‑ya okasomaraboneni. Dai tabaro‑ya okiya, yama‑ya Deoso owa‑ya kanawato, dai ati‑ya dai okanawatomakiya, dai‑ya okasomabisaboneni.

Korito daidi 14:6 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Mateo 16:26

Yama dama‑ya mai kihamaro mai abiya, mai‑ka yama mai‑ya kasomateraboneni. Owati‑ya mai nofara yama hirini‑kaya mai sawiwahaboneni. Yinero‑ya ai atibodi manakone abaterani.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Homa 15:14

Oka soho dai toha, yama dai wata, dai ene amosa, dai ibi kanawata, dai ene ya‑yai·oneni.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Homa 6:17

Deoso ene ya‑yai·oneni. Hibati‑ya dai atibodi bote dai‑ka hidi toha, ati dai tokadabamaroni. Hibayata Deoso ati‑ya dai mita, ati dai nofe, ati dai tokadabawahatene.

Korito daidi 10:33

Owa‑nima dai nahi. Mai nafi onofa, owa ene‑ya mai awiya, mai ya‑yainiya, Deoso ati‑ya mai nofawahaba awineni. Owa‑ya onofi bi‑bidi ona, mai‑ya onofi nafi neni.

Korito daidi 14:1

Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Korito daidi 14:7

Kaida‑ya mai afo, araba‑ya mai deona, mai‑ka yama ati one nafi, ati one i‑isi na, ati ai mitiya, yama ai wataba awineni. Ati ohariya, yama ai watoraboneni.

Korito yoto‑ke 11:6

Owati yanani amosara, Deoso ati owato ba‑basi ona, ati dai‑ya okamine, oka yama wato dai watoneni.

Korito yoto‑ke 12:1

Owa tamine okaminamakitasa, dai‑ya kasomara awineni. Oka Hidi i‑di Yeso ene wada‑nima yama na oawa, owa‑ya kanawatomarine.

Korito yoto‑ke 12:7

Yama amosa dama‑ya Deoso owa‑ya yofikanemarine. Owa onofi ba‑basi oni awirihi, owa‑ya mai nofi na‑nafi ni awirihi nabone, atiwa komene‑nima Satanasi ene owa abano komawahateni.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 3:4

Oka yama hani dai kadikahi. Kirisito tamine mai hiwatoremata tamine Deoso owa hikamine dai watomakeboneni.

Firibo 3:15

Ai hawa toha‑nima dai na, owatibodi ati‑nima dai atibodi ati nahi. Owatibodi ati‑nima dai ni awiriya, Deoso dai‑ya kanawatobonane.

Timoti yoto‑ke 2:14

Timoti, owati timitamatasahi. Tika mai‑ya tihiyarahi. Mai ati‑ya Deoso mite, mai ihi‑ya Deoso kakatomane, mai one hini mai ati‑ya mai hiyara, mai ibi weena, mai ati ihi mai one atibodi koma kita, mai teni. Mai‑ya tiwati barinahi.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Timoti yoto‑ke 3:16

Deoso hini ati‑ya kamine, ati‑ya ai owa mai kanahanomaroni. Ati ai kanawatomaki, Deoso ati‑nima mai ni awiriya, mai ai weenaboneni, Deoso ati‑ya mai tokadababonehe.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 3:8

Owati timitahi. Hini owati‑nima mai‑ya tihiyaramakitasahi. Deoso ati ai nofa, ai ene amosahi. Mai ai kasoma. Ai ene amosiya, mai ai kanawatoya, Deoso ati‑ya mai nofaba awineni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Bedoro yoto‑ke 1:5

Deoso atibodi ati‑nima dai atibodi ati tohabone, Deoso ati‑ya dai nofi baha, dai ene amosawama, Deoso ati wato dai ba‑basi dai nahi.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.