Korito daidi 14:3 - Deoso-ka Yama Hani

³ Deoso ati dai kamina dai ati‑ya mai mita, mai dai kasomaboneni. Dai ati ene yama‑ya Deoso nofe‑ya mai wata, ati‑nima mai ihi nabone, mai nofaboneni. Mai atibodi koma Deoso ati‑ya mai mita, mai atibodi kome fawanaboneni.

Korito daidi 14:3 ပူးပေါင်းရင်းမြစ်များ

Roka 3:18

Deoso ati amosabote tamine‑ya mai‑ya hiyare, mai‑ya hiyari damematane.

Yeso‑ka yo‑yose mai tamine 13:15

Mose‑ka yama hani‑ya yobe hidi kadike, Deoso ati‑ya mai mi‑mita‑mete mai‑ka yama hani‑ya kadikamaki ne, yama hani kadiki‑ya hawa tohe, Baoro mai‑ya haane, “Ayo, mai dai ati hiyariya, mai dai hiyarahi. Dai ati ene mai ya‑yainaboneni.” Yobe hidi ati ne.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 9:31

Yodeya, Karireya, Samariya na‑ya, mai wi‑wina mai‑ya mai bisinami awira. Yeso ati‑ya mai no‑nofa mai dodamawahani. Deoso‑ka Doni mai‑ya kasome, Deoso ati‑ya mai tokadabamoneni.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Homa 14:19

Ai ene mai ibi nofi nafe, mai ibi kasomiyahi.

Homa 15:2

Ai owa mai ai kasoma, mai ai ya‑yainihe, Deoso ati‑ya mai wato ba‑basi namakeboneni.

Korito daidi 10:23

Deoso ai ene‑ya barire, ai ene one mai‑ya kasomarihi, ai ene one mai‑ya ya‑yaini awirihi nani.

Korito daidi 14:12

Yama‑ya Deoso‑ka Doni dai‑ya daanebona dai nokotonihemone, Kirisito‑ka mai dai kasomabone dai nokotonihari nahi.

Korito daidi 14:17

Mai one ati‑ya dai ati yanana, Deoso‑ya dai ati amosa awineni. Hiniya dai ati‑ya mai mita, dai ati‑ya mai watora, mai‑ya kasomi awiraboneni.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito daidi 14:31

Deoso ati dai mita, dai oharirina Deoso ati dai kamina, dai ati‑ya mai nafi mitiya, yama‑ya mai watabone, mai ya‑yainaboneni.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito yoto‑ke 1:4

Ai‑ya mai kaka, ai‑ya Deoso kasomatene, ai atibodi komene fawanabonehe. Mai mai hikaka mai ai kasomamake, mai atibodi kome bi‑bidi naboneni. Deoso ai‑ya kasomi‑nima mai one ai kasomateni.

Korito yoto‑ke 2:7

Dai ati somawamiyahi. Maki dai‑ya sawimataseya, sibaraboneni. Dai ati somawamariya, dai weenaba neya, atibodi yawi kiteya, abeba awane.

Efesiyo 4:29

Dai ibi hiyara, dai ati towe tohariyahi. Dai ati amosa, dai one‑ya dai kasomaboneni, mai ya‑yainabonehe.

Efesiyo 6:22

I‑di Tikiko oyoseboneni. Dai‑ya owa tamine‑ya kamineya, dai ya‑yainabonehe.

Koroso 4:8

I‑di Tikiko oyose, dai tabaro‑ya toke ene dai ya‑yainahi. Tikiko oda‑ka soho amane. Oda tamine‑ya kamineya, dai ya‑yainaboneni.

Tesaronika daidi 2:11

Ai‑ka abi ai‑ya kanawatotene. Dai‑ka abi‑nima oda na, Deoso ati‑ya dai oda kanawatoteni.

Tesaronika daidi 2:3

Dai‑ya oda hiyara, keyehe‑ya oda hiriterani. Dai‑ka mai fanawi oda siwakarihi, dai‑ka yamata oda botirihi, oda teni. Oda ene amosa, Deoso ati‑ya dai‑ya oda kamina, yama manakone oda haani awiramaroni.

Tesaronika daidi 3:2

Oda‑ka soho, i‑di Timoti oda yose, dai tabaro‑ya tokemarine. I‑di Timoti dai awa, dai habo kitawahabone oda ati namaroni. Kirisito ati‑ya hiyarane, Kirisito ati dai nofi ba‑basi nabonehe.

Tesaronika daidi 4:1

Yeso‑ka dai toha oda ati dai mitamatasahi. Yeso ati oda hiyare, ati dai mitiyahi. Oda ati‑nima dai niya, Deoso ya‑yainebonane. Hibati‑ya oda ati‑nima dai namaroni. Hibati‑ya dai ene amosamaro, dai ene amosi ba‑basi nahi, yama sibaraboneni.

Tesaronika daidi 4:18

Ai abiya, ai kitamabone tamine dai watoyahi. Ai kitamabone tamine mai‑ya dai kamina, mai yawi awirabone, mai ya‑yainaboneni.

Tesaronika yoto‑ke 3:12

Yama‑ya dai anira, oda ati dai mitahi. Ai‑ka Hidi i‑di Yeso Kirisito ati okaminaboneni. “Yama‑ya dai aninahi. Hini dai‑ka yamata‑ta dai kababisahi. Mai‑ka yamata dai nokotoniriyahi.” Oda ati toha, ai‑ka Hidi i‑di Yeso ati toha nane.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.

Timoti daidi 4:13

Okomakebani. Owa nimatiyahi. Owa nimatiniya, Deoso‑ka yama hani tikadikiyahi. Mai narabi‑ya Deoso‑ka yama hani tikadikiyahi. Mai‑ya tikanawata, mai ihi amosara, mai weetiyahi.

Timoti daidi 6:2

Deoso ati‑ya tika hidi nofe ene ya‑yaitiyahi. Tika hidi tikakoriyahi. Tika ayo amane. Tika hidi Deoso ati‑ya nofe, yama anini tikitabisahi. Deoso mai‑ya nofatene.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 1:9

Deoso ati yokana‑ya mitemari, fare mai‑ya kanawatomakibonane. Ati bare‑ya mai one kamina mai‑ya ati barinebonane.

Tito 2:15

Tito, eya tinahi. Mai tikanawata, mai ihi amosara mai weetinahi, mai ihi amosabonehe. Mai tikasomahi, Yeso ati‑ya mai nofawahabonehe. Yeso ati tihiyariya, tiwati‑ya mai mitiyahi.

Tito 2:6

Yetene mai‑ya tihiyariya, “Dai ene amosahi. Yama towe‑ya dai atibodi kadikariyahi.” Tinahi.

Tito 2:9

Mai mai hikanikamaro, mai tihiyariya, “Dai‑ka hidi ati dai nofa, dai‑ka hidi ati‑nima dai niyahi. Dai‑ka hidi dai‑ya haane, dai ati yanara, ati‑nima dai nahi.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 13:22

Oka soho dai amani. Owati dai mitahi. Dai‑ka yama hani nafira okanahanoni.

Ebereo 3:13

Mahi‑nima dai ibi kasomahi. Deoso ati‑ya dai owa tokadabare dai hiyarahi, atibodi tokitarebonaha.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Yoda‑ka yama hani 1:20

Owati dai mitahi. Oka dai toha, Yeso Kirisito ati dai nofa, ati dai nofi nafiyaho, Yeso Kirisito‑nima dai nawahabonehe. Deoso‑ka Doni dai‑ya sawi, ati ene Deoso dai hiyarahi.