Korito daidi 14:20 - Deoso-ka Yama Hani

²⁰ Soho, madehe i‑isi na yama towe‑ya mai atibodi kadikaterani. Mai‑nima yama towe‑ya dai kadikariyahi. Madehe yama‑ya watora, mai‑nima dai riyahi. Ai hawa toha, yama‑ya wato‑nima yama dai watobisahi.

Korito daidi 14:20 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 18:3

“Owati amosa dai mitahi. Dai ene amosawahi awiriya, Neme‑ke ai nafi‑ka hidi kitabote tohawahe‑ya dai sawiraboneni. Madehe‑nima dai nawawahiya, dai sawibisaboneni.

Mateo 19:14

“Madehe dai ati baririyahi. Madehe owati‑ya nofa, madehe‑nima mai na, Neme‑ke ai nafi‑ka hidi kitabote tohawahe‑ya mai saweboneni.” Yeso ati nemarine.

Mateo 19:4

“Deoso‑ka yama hani dai kadikara‑mani? Yama yanakani‑ya maki toha, fana toha na‑ya i‑di Deoso wamanematane.

Maroko 10:15

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nemarine.

Roka 18:17

Owati amosa dai mitahi. Madehe owati‑ya nofa, fara‑nima mai ni awiriya, Deoso ai nafi‑ka hidi kitabote tohawahe‑ya mai sawiraboneni.” Yeso ati nematane.

Homa 1:13

Dai tabaro‑ya okabone onamaro, mai tabori‑ya yama aninasa ona, dai tabaro‑ya okara. Bara mai dama mai‑ya ohiyarineni, Yeso ati‑ya mai nofabonehe. Makobote dai‑ya ohiyaramakebone onani, Yeso ati‑ya dai one nofamakebonehe.

Homa 16:19

Dai ene amosa tamine oda dami mita, dai ene ya‑yai·oneni. Dai noko wadahi. Dai ene amosa hinama tohabone, yama towe‑ya dai nofaraboneni.

Korito daidi 13:11

Madehe oha, madehe ati‑ya owati toha, madehe yama hiwata owato, madehe ihi‑nima owa ene nihi namaro, makobote onafiwaha, madehe‑nima onamaterani.

Korito daidi 14:19

Ai yorotokana, Deoso tamine dai‑ya ohiyara, dai ati‑ya owati 5‑ta toha, owati ihi Deoso‑ya dai nofi ba‑basi naba awineni. Mai one ati‑ya owati yanani 10,000 kana, dai‑ya kasomara, Deoso‑ya dai nofi ba‑basi ni awiraboneni.

Korito daidi 2:6

Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Efesiyo 4:13

Ai ibi kasomiya, Deoso Bidi i‑di Yeso tamine‑ya ai nafi wato ba‑basi naboneni, ati ai nofi ba‑basi nebonaha. Mai hawa toha, mai‑nima ai atibodi hawa tohabone, Yeso ene‑nima ai ene nawawahaboneni.

Firibo 1:9

Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.

Firibo 3:15

Ai hawa toha‑nima dai na, owatibodi ati‑nima dai atibodi ati nahi. Owatibodi ati‑nima dai ni awiriya, Deoso dai‑ya kanawatobonane.

Bedoro daidi 2:2

Madehe borehe madi yohari fahi‑ya mai nokotoniteni, mai yanabonehe. Fara‑nima ai‑ka Abi i‑di Deoso ati ai nokotonihe, ai ene amosawama, neme‑ya ai winawahaboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.