Korito daidi 14:1 - Deoso-ka Yama Hani

¹ Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Korito daidi 14:1 ပူးပေါင်းရင်းမြစ်များ

Homa 12:6

Ai nafi atibodi‑ya Deoso yofikane, mai ai kasomabonehe. Dai one‑ya Deoso yofikane, Deoso ati‑ya kaminebonaha. “Fara owati tikaminahi!” Deoso ati ne. Ati tikaminaho.

Homa 14:19

Ai ene mai ibi nofi nafe, mai ibi kasomiyahi.

Homa 9:30

Hibati‑ya Deoso ati‑ya Bara mai watora, Deoso‑ya mai sibaramete, Yeso ati‑ya mai mitawaha, Yeso ati‑ya mai one nofawaha, Deoso mai‑ya ati somawame, Deoso‑ka mai tohawahani.

Korito daidi 12:1

Oka mai dai toha, yama‑ya Deoso‑ka Doni ai‑ya daane tamine dai watabone dai okanawataboneni.

Korito daidi 12:31

Deoso‑ka Doni yama daahina, one amosi ba‑basi na toha, one amosi bi‑bidi na toha teni. Yama amosi ba‑basi na Deoso‑ka Doni‑ya dai haanahi. Yama amosabote tamine okanahanowahaboneni.

Korito daidi 13:13

Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 14:22

Mai ati‑ya Deoso mai‑ya hiyari bahe, ati mai hinofareya, mai one ati‑ya mai‑ya hiyaramakimatane. Yeso ati ai nofa, Deoso ati mai ka‑kamina, ai ya‑yaiteni.

Korito daidi 14:37

Deoso ati‑ya dai mi‑mita dai toha, Deoso ati dai wato na, Deoso ati okamine dai watoneni.

Korito daidi 14:39

Oka soho dai amani, owati dai mitahi. Deoso‑ka Doni ene Deoso ati dai kaminabone dai nokotonihi. Deoso‑ka Doni ene mai one ati‑ya dai owa hiyareya, dai ati baririyahi.

Korito daidi 16:14

Dai ibi nofa, dai ibi nofi fawariyahi.

Efesiyo 1:3

Deoso ai kahiyarahi. Yeso Kirisito ai‑ka Hidi‑ka Abi i‑di Deoso amane. Deoso ai‑ya kasome ene Kirisito‑ka ai toha, neme‑ya yama nafi Kirisito hikayaha, fara ai kayafamakeboneni.

Tesaronika daidi 5:20

Deoso ati‑ya mai kaminamone mai ati na, Deoso‑ka yama hani ati‑nima mai ati na, mai ati dai tokadabahi.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 5:10

Fana madehe‑ya na‑nayana, mai one kake mai‑ya natafa, mai wini‑bone‑ka mai‑ka yobe‑bona‑ya yofikana, mai kiyana mai‑ya kasoma namaroni. Timoti, haa‑nima mai na, mai‑ya tikasomanadiyahi.

Timoti daidi 6:11

Timoti, Deoso‑ka amatini, mai‑nima tiriyahi. Deoso ati‑nima tina, tiwa ene amosiyahi, mai‑ya tinofiyahi. Deoso hawine‑ya yakatina, tiwa yakani amosiyahi. Mai‑ya tiwati yawariyahi. Deoso ati tinofiyahi.

Timoti yoto‑ke 2:22

Yetene mai ihi towe‑nima tinirihi, kawi nokotinirihi, mai fanawi nokotinirihi, Yeso‑ta nokotinibisahi. Yeso‑ya mai nofa mai tisawihi. Tiwa ene amosahi, Yeso mai‑ya nofa‑nima mai‑ya tinofahi, mai‑ya tiwatibodi ati somahi, tiwatibodi tiwa‑ya weenamakiraboneni.

Ebereo 12:14

Mai ibi weena, mai dai kasomahi, mai ibi weerabonehe. Yama amosa dai ene‑bone dai nokotonihi. Ai ene amosara, Deoso‑ya ai awateraboneni.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho faina 1:11

Mai ihi amosara, mai‑nima tiriyahi. Mai ihi amosa, mai ihi‑nima tiwa ene nibisahi. Mai ihi amosa, Deoso‑ka mai tohateni. Mai ihi amosara, Deoso‑ya mai watoterani.