Korito daidi 13:5 - Deoso-ka Yama Hani

⁵ Mai ai nofa mai ai nayawarabone, mai ai nofa mai dai tohiya, ai yota, sibarini. Mai ai nofa ai ati‑nima mai ni awiriya, ai yawamara, mai tamine yama towe‑ya ai atibodi kadikaterani.

Korito daidi 13:5 ပူးပေါင်းရင်းမြစ်များ

Mateo 5:22

Owati dai mitahi. Mai atibodi ati okadikaboneni. Mai one‑ya mai ka‑kako mai atibodi owataboneni. Mai atibodi amosara wara hirini‑ya mai‑ya onasawiteboneni.

Mateo 9:4

Mai atibodi ati‑ya Yeso wato, ati yanane, “Hini yamata ihi dai atibodi yawiti?

Maroko 3:5

Fariseo mai atibodi ati amosara, mai atibodi ati‑ya Yeso mite, yawe, mai nafi hiwakatome, maki‑ya hiyare, “Tiwa yehe feotokanahi.” Yeso ati ne, Yehe feotokaname, yehe amosawamemarine.

Roka 7:39

Fariseo fana ihi‑ya awe, yawe, “Yeso‑ya fana boyona, fana towe amani. Yeso i‑di Deoso ati‑ya mi‑mita tohe‑mana, fana tamine‑ya wato nane.” Atibodi ati nematane.

Korito daidi 10:24

Tiwa ohare tiwa tinofariyahi. Mai nafi tinofabisiya, tiwa ene mai ya‑yainaboneni.

Korito daidi 10:33

Owa‑nima dai nahi. Mai nafi onofa, owa ene‑ya mai awiya, mai ya‑yainiya, Deoso ati‑ya mai nofawahaba awineni. Owa‑ya onofi bi‑bidi ona, mai‑ya onofi nafi neni.

Korito daidi 11:18

Dai yorotokana, fara hinama dai tohabone Deoso ati ne. Dai‑ya dai ebenawahamone mai ati na, mai ati omitani.

Korito daidi 12:25

Ai kobobona hinama‑ya ai nofa, ai kobobona amosara‑ya ai kakoterani.

Korito daidi 7:36

Tika yibote‑bone bo‑boterama naya, tiwati fama, fara tiwa‑ya ati fama na, mai one dai dakorarabone, dai famahi. Sibarini. Dai ene towe tohi awirini.

Korito yoto‑ke 5:19

Deoso ati ene mai nafi manakone‑ya Yeso nanahabe, ati‑ya mai no‑nofa mai ihi‑maro‑ya kadikamaterebona oda ati nabone Deoso ati nane.

Karatiya 5:13

Deoso dai‑ya kadikemari, dai ene towe dai‑ya yaditonamaraboneni. Yeso ati‑ya dai nofa, dai atibodi bote ati‑nima dai namariyahi. “Owa‑ta ya‑yai·obisaboneni. Owatibodi bote ati‑nima onaboneni.” Dai ati riyahi. Deoso dai‑ya seekane, dai atibodi yati ati‑nima dai naboneni. Dai ibi nofiya, dai ibi kasoma niya, dai nafi ya‑yainaboneni.

Firibo 2:21

Hini mai‑ka yama‑ya mai nokotonihe, Yeso Kirisito‑ka yama‑ya mai nokotonirani.

Firibo 4:8

Oka soho dai toha, owati dai mitahi. Owati fawani yanatoni. Yama amosa toha, mai ati amosa, mai ihi amosa toha na, mai tamine‑ya dai atibodi kadikabisahi. Dai‑ya mai kasoma, mai one‑ya mai kasoma na, mai ihi amosa, mai‑ya mai atibodi kahiyara, mai ihi amosi ba‑basi na, mai tamine dai kadika nahi.

Tesaronika yoto‑ke 3:7

“Oda ene‑nima dai ene naboneni.” Oda ati namaroni. Oda ati‑maro dai watoneni. Dai tabaro‑ya oda wina, oda refo tohara, oda hawemaroni.

Timoti yoto‑ke 2:10

Kadeya‑ya ofoya, oyawara, sibaraboneni. Kadeya‑ya owaa, Deoso Ati Amosabote mai one‑ya okamina, Yeso ati‑ya mai nofamakeba awineni. Hibati‑ya Deoso mai‑ya kadikane, Yeso ati‑ya mai nofabonehe. Yeso ati‑ya mai nofamakiya, Deoso tabaro‑ya mai winawahaboneni. Mai ya‑yaini fawateraboneni.

Timoti yoto‑ke 4:16

Hibati‑ya ai‑ka hidi i‑di Sesa owa ene‑ya kadike, owa‑ya mai sawiramaro, mai nafi kanana, mai tamine ohiyarateni, Deoso mai bisihirabonehe.

Tiyako 1:19

Oka dai toha, dai onofa, owati dai mitahi. Dai narabo hawihi. Dai ati yana kanibote rihi, dai yawa kanibote rihi nahi.