Korito daidi 13:4 - Deoso-ka Yama Hani

⁴ Mai ai nofa mai ai kasoma, mai‑ka yama ai kayafarihi, ai yawa kanibote rihi, ai‑ya ai tonanafirihi, ai teni.

Korito daidi 13:4 ပူးပေါင်းရင်းမြစ်များ

Mateo 27:18

Mai‑ka hidi mai atibodi ati‑ya i‑di Birato wato, Yeso‑ya mai dama mai nofa, mai ihi Yeso‑ya hidi mai kakoteni.

Yeso‑ka yo‑yose mai tamine 7:9

I‑di Yako bidi mai‑ka soho i‑di Yose‑ya mai kaka, yara mai‑ya sori‑ya mai daana, Eyito‑kaya i‑di Yose‑ya yara mai towakama, Deoso i‑di Yose‑ya kasomabisematane.

Homa 1:29

Yama towe‑ya mai atibodi nokotonihe, hini mai atibodi ati koboni‑ka yama‑ya mai nokotoni teni. Mahi‑nima mai ihi amosara, mai one‑ka yama‑ya mai nokotonihe, mai one‑ka yama‑ya mai kayafara, mai yawateni. Mai one‑ya mai kako, mai one‑ya mai nanahaba, mai ibi wee, keyehe‑ya mai hiri na, hini mai‑ya mai kahiyara, mai one noki‑ya mai one‑ya mai kahiyara, mai one noki beheri‑kaya mai one‑ya mai towe tonihi teni. Mai one tamine‑mone‑ya mai ibi narabi basateni.

Homa 13:13

Yama tehe‑ka ai toha, ai ene amosa, Yeso koboni hawa tohe‑nima ai ene nahi. Mai ai weerihi, ai yawarihi, kawi ihi ai towe toharihi, ai‑ka yibote mai awira mai‑ya ai dakorarihi, mai‑ka yibote mai ai aharihi, ai‑ka yibote‑ta ai famabisa, ai nahi.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito daidi 4:18

Dai one hini mai‑ya mai kahiyara, “Yama oda watobisa, oda ene Baoro kakomehe, oda tabaro‑ya kamarebonane.” Mai ati namoneni.

Korito daidi 4:6

Oka soho dai toha, yama‑ya dai watabone, i‑di Aboro oda fama oda tamine okanahanoneni. Deoso ati dai fiyakariyahi. Ai owa ohari dai nokotoniriyahi. Ai owa ene‑ya ai owa ene ai katomiriyahi.

Korito daidi 5:2

Dai‑ya dai kahiyarariyahi. Dai‑ka owa ene dai ya‑yairiyahi. Dai ohinibisahi. Ene amosare, dai‑ya dabamarayaho.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Korito yoto‑ke 6:6

Oda ene amosa dai awa, Deoso ene yama oda wata, oda yawa kanibote ra, oda‑ya mai kaka mai oda kasomabisa, Deoso‑ka Doni oda‑ya sawi, dai‑ya oda nofi nafineni. Deoso ati yokana oda kamina, oda‑ya dai watowahaboneni.

Karatiya 5:26

Deoso‑ka Doni ai ene‑ya namose, ai‑ya ai kahiyarariyahi. Ai ibi weerihi, ai one‑ka yama‑ya ai ati koborihi ai nahi.

Efesiyo 4:2

Hini tiwa‑ya tikahiyarariyahi. Dai owa dai kahiyarabisahi. Dai owa ene amosare, dai ati yawa kanibote ra, mai dai nofa, mai dai kasomabone, mai dai hiyarabisahi.

Efesiyo 4:32

Mai dai nofa, mai dai kasoma, mai ihi amosara mai‑ya dai ati somawamahi. Yeso‑ka dai toha, Deoso dai‑ya ati somawame‑nima mai one‑ya dai ati somawamaharihi.

Firibo 1:15

Mai one owa‑ya nofara, owa noko‑ya mai yorinabone, Kirisito ati‑ya mai kamina, “I‑di Baoro yaweba awane.” Mai ati namoneni. Mai one owa‑ya mai nofa, Kirisito ati‑ya mai kamineni, owa‑ya mai kasomabonehe.

Koroso 1:11

“Abi Deoso, tiwa ene kitabisa, tiwati ihi mai habi siitoriyahi. Mai‑ya mai bisi, mai‑ya mai we‑wee, mai na, mai habi siitoriyahi. Mai habi siitoriya, mai ya‑yainibisahi.” Oteni.

Koroso 2:18

Dai‑ya mai keyeheriyahi. “Wada owa ihi yama owatowahani.” Mai ati na, mai ati dai nofariyahi. “Deoso‑ka yo‑yose mai dai kahiyara, dai abano dai nofara, dai abano dai nakomahi, Deoso dai‑ya nofi ba‑basi nebonane. Owa abano onofara‑nima dai abano dai nofara, hini owa ene Deoso wadarine oawateni.” Mai ati na, mai ati dai nofariyahi.

Koroso 3:12

Deoso‑ka dai toha, dai‑ya nofe, dai‑ya kadikemata, hika dai tohawahaboneni. Mai atibodi koma mai‑ya kasoma, dai ene amosa, dai‑ya dai kahiyarariyahi. Yama‑ya dai nimana, dai yawariyahi.

Tesaronika daidi 5:14

Yama anini‑ya dai one mai ati nofara, mai dai weeniyahi, yama‑ya mai aninabonehe. Dai one hi‑hiyana mai dai kasomahi. Mai habi siitona, mai dai kasomiya, mai ya‑yainaboneni. Dai yawa kanibote riyahi.

Timoti daidi 6:4

towe mai amani. Hini mai‑ya mai kahiyarabone mai ati toha, mai ati ihi mai ibi wee, mai ibi yawa, mai ibi kaka, mai yorotokaterani.

Timoti yoto‑ke 2:25

Tiwa‑ya mai nofara, mai‑ya tinofa, Deoso ati yokana mai‑ya tikanawatonadihi. Deoso ati ene Yeso ati‑ya mai nofawahaba awineni. Mai ihi amosaramaro‑ya Deoso‑ya mai‑ya mai kaminawahaba awineni. Mai ihi amosaramaro‑ya mai nofami awiraboneni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Timoti yoto‑ke 4:2

Deoso ati tihiyara, tiwati fawariyahi. Deoso ati‑nima mai ni awiriya, mai weetiyahi, Deoso ati‑nima mai nabonehe. Tiyawariyahi. Hiniya mai tikanawatobisahi, Deoso ati‑ya mai nofabonehe.

Tito 3:3

Hibati‑ya yama‑ya oda watora, Deoso ati‑ya oda nofara, keyehe‑ya mai hirina, mai ati oda nofa, yama amosara‑ya oda nokotonihe. Yama amosa oda watora, mai oda kako, oda‑ya mai kakohari namaroni.

Tiyako 4:5

Deoso ene hika Doni ai‑ya sawi, ai‑ya kayawi kitebona Deoso‑ka yama hani ati na, ati honita toha‑mone dai ati na awineni. Deoso ati honita tohaterene.

Bedoro daidi 2:1

Deoso ati‑nima dai na, dai ene‑maro‑nima dai ene namariyahi. Keyehe‑ya dai ibi hirikariyahi. Hini dai atibodi ati yokana‑nima dai ati nahi. Mai‑ka yama‑ya dai atibodi kayafarihi, dai ibi tairihi nahi.

Bedoro daidi 3:8

Owati hawa tohi yanatoneni. Owati dai nafi mitahi. Dai nafi atibodi ati fara hinama tohahi. Ai‑ka ayo ai nofi‑nima dai ibi nofiyahi. Mai atibodi koma mai dai kasomahi. “Yama dai watora, owa‑ta yama owatobisineni.” Dai ati riyahi.

Bedoro daidi 4:8

Dai ibi nofi nafihi. Ai ibi nofa, ai ene Deoso ya‑yainebonane. Mai ihi amosara mai dai nofa, mai ihi dai kadikara, mai dai nofaboneni.

Bedoro yoto‑ke 1:7

Deoso yama hinofa‑nima yama na dai nofa, dai ibi nofiyahi. Dai ibi nofa, dai ibi nofi na‑nafi nahi.

Yowaho daidi 4:11

Deoso ai‑ya nofe, ai ibi nofahariyahi.