Korito daidi 13:2 - Deoso-ka Yama Hani

² Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 13:2 ပူးပေါင်းရင်းမြစ်များ

Mateo 13:11

“Neme‑ke ai nafi‑ka hidi kitabote tohawahebona tamine dai watobisaboneni. Mai hiwatorebonane.

Mateo 17:20

“Owati dai nofi nafira ihi madi towe kanarene. Owati amosa dai mitahi. Deoso ati‑ya dai nofi i‑isi niya, dai ene kitaboneni. Adami webote‑ya dai hiyariya, dai ati‑nima adami nawahaboneni.

Mateo 21:19

Hawi fowari bodi‑ya fiko ohare waa‑ya Yeso awe, toke, fiko bonora, afe hinama tohamaroni. “Tibonomateraboneni.” Yeso ati ne, Ati ene fiko wayatonamaroni.

Mateo 21:21

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Homa 11:25

“Yodeo mai ati kasira oda‑ta oda amosabisineni.” Dai ati riyahi. Yama‑ya mai watoramete yama dai watowahi. Hibayata Isara·eo‑ka mai one atibodi kita, Deoso ati‑ya mai nofara, Bara dai one‑ya Deoso kadikemata, ati dai nafi hinofeya, yama hawa tohawahaboneni.

Homa 15:14

Oka soho dai toha, yama dai wata, dai ene amosa, dai ibi kanawata, dai ene ya‑yai·oneni.

Homa 16:25

Hibati‑ya yama mai hiwatoramete tamine‑ya Yeso owa‑ya kamine, fara dai‑ya okamina, dai‑ya Yeso kasoma, dai atibodi‑ya nakita, dai habo‑ya nakita nebonane.

Korito daidi 11:4

Mai makidi Deoso‑ya hiyara, Deoso ati‑ya mai kaminabone, mai tati bori‑ya mai sotatoteni. Mai tati bori‑ya mai sotatoni awiriya, “Kirisito‑ya mai nofi awirini.” Mai one ati naboneni. Mai tati bori‑ya mai sotatona, mai‑ya mai awiya, “I‑di Yeso Kirisito mai‑ka hidi amane.” Mai ati naboneni.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 13:1

Mai one ati dami‑ya owati yana, Deoso‑ka yo‑yose mai ati‑ya owati yana na, dai‑ya onofara‑mani, dai‑ya okasomara neni. Metaho‑ya mai ba‑baa mai moni‑nima owati tohaneni.

Korito daidi 13:3

Mai‑ka yamata wadara mai‑ya oka yamata nafi daa·ona, mai onofara‑mani, Deoso‑ya owa manakone wadara neni. Ai owa‑ya mai sarikanabone, owati ihi owa‑ya mai sarikibisa, ai owa onofara‑mani, Deoso‑ya owa manakone wadara neni.

Korito daidi 13:8

Deoso ai‑ya nofe, Deoso‑nima mai ai nofa, mai nofi ai fawateraboneni. Deoso ati‑ya mai ka‑kamina, Yeso kamataseya, mai ati fawanaboneni. Ai nafi Deoso ati‑ya ai watowahaboneni. Mai one ati‑ya mai hi‑hiyara mai ati fawanabone, ai nafi ati ohariwama naboneni. Hibayata yama‑ya mai one wato ba‑basi na, makobote yama nafi‑ya ai nafi watowahaboneni.

Korito daidi 14:29

Deoso ati‑ya mai mi‑mita mai kaminabone mai damariyahi. Mai fama owa oharineya, sibaraboneni. Mai ati dai mita, mai ati dai kadikiyahi.

Korito daidi 14:39

Oka soho dai amani, owati dai mitahi. Deoso‑ka Doni ene Deoso ati dai kaminabone dai nokotonihi. Deoso‑ka Doni ene mai one ati‑ya dai owa hiyareya, dai ati baririyahi.

Korito daidi 14:4

Mai one ati‑ya dai hiyara, hini dai‑ya dai ya‑yainibisa, mai dai kasomi awiraboneni. Deoso ati‑ya dai kamina, Kirisito‑ka mai dai kasomaboneni.

Korito daidi 15:51

Ai nafi abaraboneni. Ai one aba, ai one hasi na, ai nafi tohiyaboneni. Deoso ati ene ai tohiya, neme‑ke abano ai weyenaboneni. Ai tohiyabone, hibati‑ya tamine mai himitara, hibayata tamine ai mitawahineni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito daidi 4:1

Owa, i‑di Aboro, i‑di Bedoro oda na, oda tamine dai kadika, haa‑nima dai atibodi ati nibisahi. “Yeso Kirisito‑ka yo‑yose i‑di Baoro, i‑di Aboro, i‑di Bedoro mai toha, Deoso ati ene Yeso ati‑ya mai hiyarateni. Deoso tamine ai mitaremata, tamine mai himitawahe, tamine‑ya ai‑ya mai kaminateni.” Dai atibodi ati nahi.

Korito daidi 7:19

Hibayata ai sowiri tati ataro wisina‑ya Deoso nokotoni awire, hini ati‑nima ai niya, ya‑yainebonane.

Korito daidi 8:4

“Mai‑ka deoso bare‑ka bani‑bona oda kabakaribana?” Dai‑ka yama hani ati nani. Mai‑ka deoso hiniya wamane, deoso tohaterene. Deoso yokana oharibisatene.

Korito yoto‑ke 12:11

Owa tamine‑mone‑ya mai kamina, mai ati dai nofa, owa ene dai awamaro dai kaminara. Dai ene yama‑ya mai watora mai ati‑nima oka yama hani tohani. Amosabote mai‑mone mai ati na, owa ene‑ya mai ihi fiyakani awira, amosabote ama·ora, Deoso ene‑ta owa ene kitateni.

Karatiya 5:16

Owati dai mitahi. Deoso‑ka Doni ati dai tokadaba, dai ene amosaboneni. Yama towe‑ya dai atibodi koboraboneni.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Efesiyo 3:4

Oka yama hani dai kadikahi. Kirisito tamine mai hiwatoremata tamine Deoso owa hikamine dai watomakeboneni.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Koroso 1:26

Hibati‑ya Deoso Ati Amosabote‑ya mai dami mitaramete, hibayata Yeso ati ai no‑nofa Deoso ati nafi ai mitawahini.

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Yowaho daidi 4:8

Mai ai nofara, Deoso ai watoterani. Deoso ai nafi‑ya nofatene.