Korito daidi 13:13 - Deoso-ka Yama Hani

¹³ Hibayata Deoso ati ai nofa, ati‑nima yama nabone ai nimanasa nineni. Yeso kobonamebona, koboni ai nimana, koboneya, ai nimani fawanaboneni. Hibayata ai ibi nofa, makobote ai ibi nofi fawarabone, fara amosabisateni.

Korito daidi 13:13 ပူးပေါင်းရင်းမြစ်များ

Roka 10:27

“‘Ai‑ka hidi webote i‑di Deoso dai nofi nafihi. Yama one dai nofi nafiriyahi. Deoso‑ta dai nokotonibisahi. Hini tiwa‑ya tinofi‑nima dai yakari‑ya mai sawe mai tinofiyahi.’ Deoso ati tene.” Mose‑ka yama hani ati‑ya ka‑kanawato ati nematane.

Roka 22:32

Deoso‑ya tiwa tamine ohiyarani, Deoso ati tinofasa tinabonehe. Owati tikadabamatasiya, mai one tikasomiyahi. Owati‑ya mai tokadabawahaboneni.” Yeso ati nematane.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Korito daidi 14:1

Mai dai nofahi. Deoso‑ka Doni‑ka da‑daa dai kayafabone, yama amosa mai‑ya kasomabone dai haa, Deoso ati dai kaminabone dai haa nahi.

Korito daidi 16:14

Dai ibi nofa, dai ibi nofi fawariyahi.

Korito daidi 3:14

Yeso mai‑ka yobe tati mese ewene tohe, mai ihi hatira, Deoso tabaro‑ya mai winabone, mai manakone amosa‑ya mai kayafaboneni.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 8:3

Deoso ai nofe ai‑ya wato nafitene.

Korito yoto‑ke 5:10

Yeso Kirisito noko‑kaya ai waa, ai ene‑ya kadikebonane. Ai ene amosa‑ya kadika, ai ene amosara‑ya kadika nebonane. Ai ene‑nima ai manakone naboneni.

Korito yoto‑ke 5:15

Ai nafi manakone‑ya nanahabe, ai hasina, ai‑ya ai nokotoniriyahi. Ai manakone‑ya nanahabe, kitamemata ai nokotonibisahi.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Firibo 1:9

Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.

Koroso 1:27

Hibati‑ya Deoso Ati Amosabote‑ya mai watoramete, hibayata ai‑ya Deoso kanawato, Bara mai atibodi‑ya Kirisito sawiwahebonane. Yodeo ai toha, Bara dai toha na, ai nafi‑ya sawiwahane. Ai atibodi‑ya Kirisito sawi, Deoso tabaro‑ya ai winawahabone ai watowahini.

Koroso 1:5

Deoso tabaro‑ya ai winabone tamine‑ya dai mita, Deoso Ati Amosabote dai nofamoneni. Yeso kami tamine dai mita, Yeso kamebona‑ya dai nimanawahamoneni.

Koroso 3:14

Dai ibi nofi nafiyahi. Dai ibi nofi nafe, dai hinama tohaboneni.

Tesaronika daidi 1:3

Oda atibodi yama‑ya kadikineni. Deoso ati dai nofa, Deoso‑ka mai‑ya dai kasomineni. Ai‑ka Ayo Yeso Kirisito kamebona, dai nimateni.

Tesaronika daidi 5:8

Yama tehe‑ka ai toha, ai noko wadateni. Sodado mai‑ya mai nawadabone, mai baki‑ya yama kita waana, mai tati‑ya sabewa kita itariteni, wati, yima na, mai‑ya koborabonehe. Sodado mai‑nima ai nawadabone, ai‑ya ai nawada, Yeso, Yeso ati ne, ai nofi nafi, Deoso tabaro‑ya ai kobonabone ai wato, Satanasi ai‑ya keyeheya, ati ai nofaraboneni.

Timoti daidi 1:5

Owati‑nima mai niya, Yeso ati‑ya mai nofi nafiya, mai ibi nofaboneni. Mai atibodi somawama, mai atibodi mai‑ya weeni awiraboneni.

Timoti yoto‑ke 1:7

Deoso‑ka Doni ai‑ya sawi, ai habo siitora, ai habo kitateni. Ai one‑ya ai nofa, ai ati, ai atibodi ati, ai ene na, ai nawada, ai teni.

Ebereo 10:35

Dai habo siitoriyahi. Deoso dai manakone amosabote‑ya daanebonane.

Ebereo 10:39

Deoso ati‑ya mai ati tokadabami nofara, mai ababone‑nima ai ni awira. Deoso ati ai nofe, ati ai tokadabatene. Deoso ai‑ya nofe, tabaro‑ya ai winawahaboneni.

Ebereo 6:11

Yeso kamebona‑ya dai nimana, dai ene amosi fawariyahi. Dai ene amosa toha, dai manakone wadaboneni.

Ebereo 6:19

Ai‑ka kanawa ai yaditoneni, yama hakikini hiwakarabonehe. Fara‑nima Deoso ati‑nima ene ne ai wata, Satanasi ati ene ai tosawariraboneni.

Bedoro daidi 1:21

Hini Bidi‑ya Deoso nakitame, neme‑ya towakame, wehene nafi‑ya daanematane. Bidi ati‑ya dai nofa ene badi‑ya dai watowaha, ati‑ya dai nofa, tabaro‑ya dai tokabone dai nimaneni.

Yowaho daidi 2:10

Yama tehe‑ya ai wina, ai ibi nofa, ai ene amosa, ai ene mai taratokaraboneni.

Yowaho daidi 2:14

Bote dai toha, dai‑ka yama hani‑bone okanahano, Yeso yama nafi‑ya wamanemata dai watoneni. Yetene dai toha, dai‑ka yama hani‑bone okanahano, dai kita, Deoso ati‑ya dai wata, Satanasi ati‑ya dai nofarani.

Yowaho daidi 2:24

Hibati‑ya Yeso tamine dai mitamaro, dai kadamoriyahi. Dai kadamora, Deoso dai‑ya sawi, Bidi dai‑ya sawihari nebonane.

Yowaho daidi 3:3

Yeso‑nima ai nabone ai atibodi ati na, ai ene ai namosateni, Yeso ene amose‑nima ai ene amosabonehe.

Yowaho daidi 3:9

Deoso bidi ai toha, ai ene towe hinama tohateraboneni. Ai‑ka abi ene‑nima ai ene nabone, Deoso bidi ai toha, ai ene amosawamaboneni.