Korito daidi 12:9 - Deoso-ka Yama Hani

⁹ Deoso‑ka Doni ene Deoso ati‑ya dai owa nofi nafi, fare ene kite, Deoso‑ka Doni ene mai‑ya dai owa nakitama tene.

Korito daidi 12:9 ပူးပေါင်းရင်းမြစ်များ

Mateo 10:8

Mai kiyana mai dai kasoma, mai mese towe toha mai mese dai nataminawama, mai aba mai dai nakitama, madi towe mai dai kananihi, dai nahi. Owati ihi dai ene kitawaha, yama manakone dai‑ya haa·ora, mai one dai kasoma, yama manakone dai haariyahi.

Mateo 21:21

Yeso oda‑ya hiyare, “Owati amosa dai mitahi. ‘Deoso kitatene.’ Dai atibodi ati nahi, ‘Deoso kiteba awane.’ Dai atibodi ati riyahi, Deoso ati dai nofabisiya, owa ene kitabote‑nima dai ene naboneni. ‘Adami webote, tibokahi.’ Dai ati niya, dai ati ene adami webote bokaboneni.

Maroko 16:18

Iha‑ya mai fawiya, mai kiyarihi, maka mai‑ya wainiya, komarihi, mai kiyana mai‑ya mai boyoniya, mai ihi mai kitama, mai naboneni.” Yeso ati nematane.

Maroko 6:13

Mai ati ihi madi towe mai kananamaroni. Mai kiyana mai tati‑ya oyo‑ya mai sorokare, mai‑ya mai nakitamamaroni.

Roka 10:9

Mai tabori‑ka mai kiyana, mai‑ya dai nakitamiyahi. ‘Deoso ai nafi‑ka hidi kitabote tohawahebona dai‑ya sawine.’ Dai ati niyahi.

Roka 9:2

Deoso ai nafi‑ka hidi kitabote tohawahebona tamine‑ya mai hiyarabone, mai kiyana mai‑ya mai nakitamabone, mai‑ya yosematane.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 5:15

Bedoro mai ihi tamine‑ya mai mita, mai kiyana, mai‑ya mai kakama, hawi fowari‑ya mai‑ya mai nawiyineni, Bedoro mai‑ya fiyakaneya, korimari mai‑ya boyonebonaha.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 12:30

Mai‑ya ai na‑nakitama, ai nafi toharihi, mai one ati‑ya ai nafi hiyararihi, mai one ati‑ya ai owa hiri, ai ati‑ya ai nafi kamini awirihi teni.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito yoto‑ke 4:13

“Deoso ati onofe ene owati yananineni.” Ai owa ati nane, Deoso‑ka yama hani‑ya. Fare‑nima Deoso ati oda nofa, oda ati yananineni.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Ebereo 11:33

Deoso ati‑ya mai no‑nofa Deoso mai‑ya kasome ene bara mai‑ka tabora‑ya mai kayafawaha, mai ihi amosa, mai‑ya mai kasoma, mai ihi amosara, mai‑ya mai bisi na, Deoso mai‑ya kasomebona ati ne, mai‑ya kasome, Deoso ati ene iriyaho mai hamarameteni.