Korito daidi 12:3 - Deoso-ka Yama Hani

³ Deoso ati‑mona mai ati na, mai ati dai nofa kanibote riyahi. Mai ati dai mita, mai ati‑ya dai atibodi kadikiya, mai ati dai watowahaboneni. Yeso ati kasiro‑mona mai ati na, Deoso‑ka Doni ati tohi awire, madi mai ati tohabisineni. “Yeso ati amose, ai‑ka Hidi amane.” Mai ati na, Deoso‑ka Doni ati‑ya mai ati tohateni.

Korito daidi 12:3 ပူးပေါင်းရင်းမြစ်များ

Mateo 22:43

“Deoso‑ka Ka‑kadika tamine‑ya i‑di Dafi kanahano, ati dai mitahi. ‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’ Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.” Yeso ati nemarine.

Maroko 9:39

Yeso ati yanane, “Maki‑ya dai ati baririyahi. Owa kiti yananabone ihi owa oni‑ya maki hirinane. Fara haa‑nima maki ati ne, owa‑ya kako kanibote rebonane.

Yowaho 13:13

Owa‑ya dai ayo nineni. Dai‑ya ka‑kanawato owa‑mone dai ati na, dai ati‑nima oneni.

Yowaho 13:14

Dai‑ya okanawata, dai‑ka Ayo ama·oni. Dai teme soko·oni‑nima dai ibi teme sokoniyahi.

Yowaho 15:26

Deoso‑ka Doni Deoso ati yokana‑ya ka‑kamina amane. Okobi‑ya okomiya, dai‑ya kasomebona oyoseya, dai‑ya koboneya, owa tamine‑ya kaminebonane.

Yeso‑ka yo‑yose mai tamine 8:37

“Yeso ati nafi tinofiya, tiwa haba·onirisabani.” Firibi ati ne. “Deoso Bidi i‑di Yeso Kirisito ati onofawahani.” Ati ne.

Homa 10:9

“Yeso oka hidi amane.” Dai ati na, “Deoso ene Yeso kitamematane.” Dai atibodi ati na, Deoso‑ka dai tohawaha, Deoso tabaro‑ya dai winaboneni.

Homa 9:3

Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito daidi 8:6

Bofe‑ka mai‑ka deoso mai dama, Deoso yokana ohari, ai‑ka Abi amane. Yama nafi‑ya Deoso wamanemata, fare ai kahiyarahi. Deoso Bidi yokana i‑di Yeso Kirisito ai‑ka Hidi yokana oharine. Yama nafi‑ya wamanemata ene ai hasinineni.

Korito yoto‑ke 11:4

Deoso Bidi i‑di Yeso ai manakone‑ya nanahabemata tamine dai‑ya oda kaminamaro, mai one dai tabaro‑ya kobona, Yeso oni‑ya mai hirina, Yeso bare tamine‑ya mai kamina, mai ati dai nofamoneni. Doni mai ati‑mone mai ati na, Deoso‑ka Doni ati tohi awire, ati dai nofamoneni. Deoso ati‑mona ati‑ya mai kamina, Deoso Ati Amosabote oda kaminemari, ati‑nima mai ati ni awira, mai ati dai nofamoneni.

Korito yoto‑ke 3:5

Deoso ati dai nofa, oda ene tohi awirani. Deoso ene amane. Deoso oda‑ya kasome, oda ene amosani.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Yeso Kirisito ene‑bona 1:10

Domiko‑ya Deoso ohiyara, Deoso‑ka Doni ene wada‑nima yama na, owa bari‑kaya ati kita yanana, torobeta ati‑nima ati na,