Korito daidi 12:28 - Deoso-ka Yama Hani

²⁸ Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 12:28 ပူးပေါင်းရင်းမြစ်များ

Maroko 16:17

Deoso ati amosabote ati‑ya mai nofa owati ihi mai ihi kitaboneni. Mai ihi‑ya mai one awiya, ‘Deoso‑ka mai amani.’ Mai ati naboneni. Fara mai ati ihi madi towe mai kana, mai one ati‑ya mai hiyara naboneni.

Roka 6:14

Mai‑ya kadike: i‑di Simaho tohe, Yeso ati ene Simaho oni Bedoro tohawahene. Simaho sohori i‑di Anidere‑ya fama, i‑di Tiyako, i‑di Yowaho, i‑di Firibi, i‑di Batoromeho,

Yeso‑ka yo‑yose mai tamine 11:27

Yerosare‑ka mai one Deoso ati‑ya mai mi‑mita, Atioki‑ya mai tokawaha,

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Korito daidi 10:32

Yodeo mai toha, Kereko mai toha, Deoso‑ka mai toha na, dai ene‑ya mai awiya, Yeso hawine‑ya mai taratokariyahi.

Korito daidi 12:18

Hibayata Deoso ene ai abano kobobona dama, hini ati‑nima ai abano kobobona teni.

Korito daidi 12:29

Yeso‑ka yo‑yose ai nafi toharihi, Deoso ati‑ya ai ka‑kamina ai nafi toharihi, mai‑ya ai ka‑kanawato ai nafi toharihi, mai ihi ki‑kita ai nafi toharihi, teni.

Korito daidi 12:30

Mai‑ya ai na‑nakitama, ai nafi toharihi, mai one ati‑ya ai nafi hiyararihi, mai one ati‑ya ai owa hiri, ai ati‑ya ai nafi kamini awirihi teni.

Korito daidi 14:2

Mai one ati‑ya dai hiyara, mai ati‑ya dai watora, dai ati‑ya mai mita mai hiwatora, hini dai atibodi ati toha, dai atibodi ati‑ya Deoso watobisebonane.

Korito daidi 14:4

Mai one ati‑ya dai hiyara, hini dai‑ya dai ya‑yainibisa, mai dai kasomi awiraboneni. Deoso ati‑ya dai kamina, Kirisito‑ka mai dai kasomaboneni.

Korito daidi 14:5

Mai one ati‑ya dai ati toha, dai sibarineni. Owatibodi ati nineni. Mai one ati‑ya tiwati yanani dai toha, makobote ai ati‑ya tiwati yananamatasiya, ai‑ya tikasomaba awineni. Deoso ati tikamine, ai nafi‑ya kasomatene.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Efesiyo 3:5

Hibati‑ya yama tamine‑ya mai watora, hibayata Deoso ati‑ya mai mi‑mita mai toha, Yeso‑ka yo‑yose oda toha, oda na, fara tamine‑ya Deoso‑ka Doni oda‑ya kaminawahemarine.

Timoti daidi 5:17

Dai‑ya mai ka‑kanawato mai ihi amosa mai dai kasomahi. Deoso ati‑ya dai‑ya mai ka‑kanawato, mai dai kasoma, mai dai nofa, mai ati dai tokadaba, dai nahi.

Ebereo 13:17

Dai ene tamine‑ya dai‑ka webote‑ya Deoso hiyaratene. Dai ene amosa dai‑ka webote‑ya Deoso kahiyara, dai ene amosara dai‑ka webote‑ya Deoso weenebonane. Dai‑ka webote‑ya Deoso weerebona, ati dai nofaho. Dai ene dai‑ka webote‑ya Deoso kahiyare, dai‑ya dai‑ka webote kasome, dai ene amosara, dai‑ka webote‑ya Deoso weene, dai‑ya dai‑ka webote weenamakiya, yama amosaraboneni.

Ebereo 13:24

Dai‑ka webote mai toha, Deoso‑ka mai one toha na, mai‑ya oda tamine dai hiyarahi. Itariya‑ya mai wi‑wina dai tamine‑ya mai hiyarateni.