Korito daidi 12:18 - Deoso-ka Yama Hani

¹⁸ Hibayata Deoso ene ai abano kobobona dama, hini ati‑nima ai abano kobobona teni.

Korito daidi 12:18 ပူးပေါင်းရင်းမြစ်များ

Roka 10:21

Mai‑ya hiyareya, Deoso‑ka Doni ene Yeso ya‑yaine, ati yanane, “Abi Deoso, bofe‑ka hidi tiha, neme‑ka hidi tiha, tiwa ene ya‑yai·oneni. Yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na, tiwa ene‑ya mai watobisineni. Tiwati‑maro‑nima yama nineni.” Yeso ati nematane.

Roka 12:32

Oka dai amani. Dai habo siitoriyahi. Ai‑ka Abi dai‑ya nofe, dai nafi‑ka hidi kitabote tohawahebona‑ya dai saweboneni.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Homa 12:6

Ai nafi atibodi‑ya Deoso yofikane, mai ai kasomabonehe. Dai one‑ya Deoso yofikane, Deoso ati‑ya kaminebonaha. “Fara owati tikaminahi!” Deoso ati ne. Ati tikaminaho.

Korito daidi 12:11

Deoso‑ka Doni ohari, ene dame, ai‑ya yama‑ya ati daane, yama‑ya ai‑ya daatene.

Korito daidi 12:17

Ai kobobona, ai nokobodi hinama tohiya, mai ati ai mitara neni. Ai kobobona, ai narabo hinama tohiya, yama mahi ai hisira neni.

Korito daidi 12:19

Ai kobobona hinama toha‑mani, ai abano wadara neni.

Korito daidi 12:24

Ai kobobona amosa ai katafaterani, mai hiawabonehe. Deoso ene ai kobobona one amosateni. Ai kobobona amosara ai katafateni.

Korito daidi 12:28

Yeso ati‑ya ai no‑nofa ai ibi kasomaboneni, ai nafi. Deoso ati ene Yeso‑ka yo‑yose ai one toha, Deoso ati‑ya mai ka‑kamina‑bone mai one toha, mai one‑ya mai ka‑kanawato‑bone mai one toha, mai one‑ya mai na‑nakitama‑bone mai one toha, mai ihi ki‑kita‑bone mai one toha, ai one‑ya mai ka‑kasoma‑bone mai one toha, mai one‑ya mai yo‑yofikana‑bone mai one toha, mai one ati‑ya mai hi‑hiyara‑bone mai one toha naboneni.

Korito daidi 15:38

Deoso ene ayawa noki ai kama, ayawa ade yanabisa teni. Yama bara yanaterani. Kimi noko ai kama, kimi ade yana tene. Yama bara yanaterani.

Korito daidi 3:5

I‑di Aboro oda fama, amosabote oda tohara, Yeso oda‑ya yosebise, Deoso ati oda kamine, ati dai nofamaro, ai‑ka Hidi ati‑nima oda nineni.

Efesiyo 1:5

Hibati‑ya yama awiriya, Deoso ai‑ya nofe, ai‑ya kayafebona ati nematane. Yeso Kirisito ene Deoso bidi ai tohawaha, Deoso ya‑yaitene.

Efesiyo 1:9

Hibati‑ya Deoso atibodi yama kobohina‑ya mai watoramete, Kirisito ene Deoso ai‑ya kanawatowahe, yama Deoso hinofa ai watowahineni.

Yeso Kirisito ene‑bona 4:11

“Oda‑ka hidi amatini. Oda‑ka Deoso amatini. Amosabote amatini. Kitabote amatini. Fara ihi tiwa oda kahiyarateni. Yama nafi wamatinamaroni, ya‑yaitinabonehe.” Hidi bi‑bidi mai na mai ati nani.