Korito daidi 12:12 - Deoso-ka Yama Hani

¹² Ai abano ohare, ai kobobona‑ta damateni. Ai abano kobobona dama, ai abano ohare‑ya wamanineni. Fara ai abano‑nima Yeso Kirisito nane. Yeso ati‑ya ai no‑nofa ai dama, Yeso‑ka ai hinama tohawahani.

Korito daidi 12:12 ပူးပေါင်းရင်းမြစ်များ

Korito daidi 10:17

Hibati‑ya ai one bara toha, ai one bara toha namaro, Yeso ene ai hinama tohawaha, baho ohare‑ya ai ebekana ai nafi kaba, fara‑nima abano ohare kobobone ai nawahani.

Korito daidi 12:20

Deoso ati ene ai kobobona‑nima ai dami toha, ai abano ohari‑nima ai nawahani.

Korito daidi 12:27

Kirisito kobobone dame, Kirisito kobobone ai tohineni.

Korito daidi 12:7

Yama ai aninabone, Deoso‑ka Doni ai‑ya kanawatone, mai nafi ai kasomabonehe.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Efesiyo 1:23

Ai atibodi ati‑nima ai teni. Fare Kirisito ai‑ka Hidi tohe, ati‑nima ai teni. Hibayata ai‑ka Hidi tohe, makobote yama nafi‑ka Hidi tohebonane.

Efesiyo 4:12

Ai‑ya mai kasoma, ai ibi kasomamakeboneni. Yeso‑ka ai toha, ai ibi kasomiya, Yeso ati‑nima ai naboneni.

Efesiyo 4:4

Yeso‑ka ai hinama toha, Deoso‑ka Doni ohari ai‑ya sawitene, Deoso ai‑ya haanemari, Deoso ati‑nima yama nabone‑ya ai nafi nimanineni.

Efesiyo 5:23

I‑di Kirisito ai‑ya yose, ati‑nima ai teni. Fara‑nima dai‑ka yobote dai‑ya mai yose, mai ati‑nima dai nahi. I‑di Yeso‑ka ai toha, ai atibodi ai‑ya yose‑nima i‑di Kirisito ai‑ya yose, ati‑nima ai nahi. Kirisito ai‑ya kasome, ai‑ya nawadatene.

Efesiyo 5:30

Ai‑ya kobobona ai nofi‑nima Kirisito ai‑ya nofa tene.

Koroso 1:18

Yeso ati‑ya mai no‑nofa mai‑ka Hidi i‑di Yeso tohe, hini mai atibodi mai‑ya yose‑nima Kirisito mai‑ya yose, mai teni. Hibati‑ya yama nafi‑ya wamemata, makobote ahi‑ya kobone, mai hinahabe, Deoso hinakitamemari, yama nafi‑ka hidi tohe, Yeso ati‑ya mai no‑nofa mai aba, mai kitamahareboneni.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Koroso 2:19

Yeso Kirisito ati‑ya mai nofarani. Yeso Kirisito ai‑ka hidi amane. Ai atibodi ai‑ya yose, ati ai tokadabateni, Fara‑nima Kirisito ai‑ya yose, ati ai tokadabahareboneni. Kirisito ati ai no‑nofa ai atibodi ati ai tokadaba‑nima Yeso Kirisito ati ai tokadabahi. Madehe yana, tonafe‑nima Kirisito ati ai tokadaba, Deoso ene yama ai wato ba‑basi nawahaboneni.

Koroso 3:15

Yeso Kirisito dai‑ya sawi ene dai atibodi ati somiyahi. Deoso dai‑ya kadikemata, ai ohare‑nima dai na, dai ya‑yainahi.