Korito daidi 12:10 - Deoso-ka Yama Hani

¹⁰ Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 12:10 ပူးပေါင်းရင်းမြစ်များ

Maroko 16:17

Deoso ati amosabote ati‑ya mai nofa owati ihi mai ihi kitaboneni. Mai ihi‑ya mai one awiya, ‘Deoso‑ka mai amani.’ Mai ati naboneni. Fara mai ati ihi madi towe mai kana, mai one ati‑ya mai hiyara naboneni.

Maroko 16:20

Yeso‑ya mai da‑daba yama nafi‑ya mai yakanaware, mai‑ya mai hiyaramaroni. Ai‑ka Ayo mai‑ya kasome, mai ihi kitamaroni, mai ihi‑ya mai awiya, mai ati mai hinofabonehe.)

Roka 24:49

Okobi yama‑ya daanebona ati ne, yama‑ya dai‑ya daa·onaboneni. Yerosare‑ya yama dai nimanahi. Yama koboniya, dai kitawahiya, dai tokawahaboneni.” Yeso ati nematane.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yowaho 16:13

Deoso‑ka Doni Deoso ati yokana‑ya ka‑kamina koboneya, Deoso ati nafi‑ya yofikanebonane. Hini ati ene ati yanani awirebona, yama himita‑ya kaminabisebonane. Yama nabone tamine‑ya kaminebonane.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 11:27

Yerosare‑ka mai one Deoso ati‑ya mai mi‑mita, Atioki‑ya mai tokawaha,

Yeso‑ka yo‑yose mai tamine 11:28

Deoso ati‑ya mai mi‑mita mai‑ka owa oni i‑di Akabo tohe, waamise, Deoso‑ka Doni ene mai‑ya hiyare, “Ai amoni damariya, bofe nafi‑ya faha kakiriya, yamata yanariya, mai dami fimeboneni.” Akabo ati nemonane. Makobote mai‑ka hidi i‑di Karaodio toheya, i‑di Akabo ati‑nima yama nawaha,

Yeso‑ka yo‑yose mai tamine 19:6

Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.

Yeso‑ka yo‑yose mai tamine 5:3

Ananiya‑ya Bedoro hiyare, “Ananiya, hini yamata ihi keyehe‑ya hiritina? Satanasi ene Deoso‑ka Doni‑ya keyehe‑ya hiritikana, tika fadara manakone kote tikayaha, keyehe‑ya hiritineni.

Homa 12:6

Ai nafi atibodi‑ya Deoso yofikane, mai ai kasomabonehe. Dai one‑ya Deoso yofikane, Deoso ati‑ya kaminebonaha. “Fara owati tikaminahi!” Deoso ati ne. Ati tikaminaho.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Korito daidi 11:4

Mai makidi Deoso‑ya hiyara, Deoso ati‑ya mai kaminabone, mai tati bori‑ya mai sotatoteni. Mai tati bori‑ya mai sotatoni awiriya, “Kirisito‑ya mai nofi awirini.” Mai one ati naboneni. Mai tati bori‑ya mai sotatona, mai‑ya mai awiya, “I‑di Yeso Kirisito mai‑ka hidi amane.” Mai ati naboneni.

Korito daidi 13:8

Deoso ai‑ya nofe, Deoso‑nima mai ai nofa, mai nofi ai fawateraboneni. Deoso ati‑ya mai ka‑kamina, Yeso kamataseya, mai ati fawanaboneni. Ai nafi Deoso ati‑ya ai watowahaboneni. Mai one ati‑ya mai hi‑hiyara mai ati fawanabone, ai nafi ati ohariwama naboneni. Hibayata yama‑ya mai one wato ba‑basi na, makobote yama nafi‑ya ai nafi watowahaboneni.

Korito daidi 14:13

Mai one ati‑ya dai ati yanana, mai ati dai watora, Deoso‑ya dai haana, “Abi Deoso, mai one ati‑ya owati yanana, mai ati owatora, oda ati‑ya hini yamata‑nima owati niti? Owa‑ya tikaminiya, oda ati‑ya mai‑ya okaminamakeboneni.” Dai ati nahi.

Korito daidi 14:39

Oka soho dai amani, owati dai mitahi. Deoso‑ka Doni ene Deoso ati dai kaminabone dai nokotonihi. Deoso‑ka Doni ene mai one ati‑ya dai owa hiyareya, dai ati baririyahi.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Tesaronika daidi 5:20

Deoso ati‑ya mai kaminamone mai ati na, Deoso‑ka yama hani ati‑nima mai ati na, mai ati dai tokadabahi.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yeso Kirisito ene‑bona 2:2

Dai ene nafi owatoneni. Dai‑ka yama anini amosa, Deoso‑ka hawi bai‑ya dai maakani awirani. Mai ati kasira, mai ati dai nofi awirani. ‘Yeso‑ka yo‑yose oda amani.’ Mai one ati na, keyehe‑ya mai hirina. Mai ati dai mita, mai‑ya dai watoneni. Mai ati dai nofarani.