Korito daidi 11:17 - Deoso-ka Yama Hani

¹⁷ Dai yorotokana, Deoso tamine‑ya dai hiyarabone, dai ibi kasomi awira, dai ibi tokatowemone mai ati na, dai ene ya‑yai·oni awirani.

Korito daidi 11:17 ပူးပေါင်းရင်းမြစ်များ

Homa 13:3

Dai ene amosa, dai‑ya kofeno‑ka mai nofateni. Kofeno‑ka mai ihi dai habo siitorabone dai ati na, dai ene amosahi. Dai ene amosara, dai habo siitobisahi. Dai tamine‑ya kofeno‑ka mai mitiya, dai‑ya mai wataboneni. Dai ene amosiya, dai‑ya kofeno‑ka mai kahiyaraboneni.

Korito daidi 11:2

Owa ene‑maro dai wato, dai okanawata owati‑nima dai ene namaro, dai ene ya‑yai·oneni.

Korito daidi 11:20

Dai yorotokana, dai tafiya, ai‑ka Hidi i‑di Yeso Kirisito abe tamine‑ya dai kadikabone dai ati na, Kirisito ati‑nima dai ni awirini.

Korito daidi 11:22

Yobe dai kihi awirini? Yobe dai kihani. Fare dai‑ka yobe‑ya dai tafa, fino dai fawa na, Deoso‑ka yobe‑ya dai toka, yama‑ya mai kihara, mai dai nimanahi, mai atibodi hini mai‑ya weerabonehe. Mai dai nimani awiramone mai ati na, dai ene amosara, dai ene ya‑yai·ona‑mani, dai ene ya‑yai·ora neni.

Korito daidi 11:34

Dai fime, dai‑ka yobe‑ya dai tafahi. Dai yorotokana, dai ene amosahi, Deoso dai‑ya nakomarayaho. Dai tabaro‑ya kobo·oniya, yama one tamine okaminaboneni.

Korito daidi 14:23

Kirisito‑ka dai toha, dai yorotokana, Deoso‑ya dai kahiyarabone, mai one ati‑ya dai ati yananiya, Deoso ati‑ya mai nofara, dai ati‑ya mai mita, dai ati‑ya mai watora, “Ka‑kana mai amani.” Mai atibodi ati naboneni.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Bedoro daidi 2:14

Kofenado ati dai tokadabaharihi. Kofeno‑ka hidi bi‑bidi ne tohe, kofenado ati‑ya dai tokadabara, ati ene dai‑ya mai bisinaba awineni. Ati dai tokadabe, dai‑ya kasomatene.