Korito daidi 11:16 - Deoso-ka Yama Hani

¹⁶ Haa‑nima owati na dai nofara, hiniya dai ati yawa, owa hare owati tohi awira, mai tabori dami‑ya Deoso‑ya mai kahiyarabone, mai yorotokana, mai ati toha nineni.

Korito daidi 11:16 ပူးပေါင်းရင်းမြစ်များ

Yeso‑ka yo‑yose mai tamine 21:21

Tiwa tamine‑mone‑ya mai mita, Bara mai tabori‑ya tisawiya, Yodeo mai one‑ya tihiyaramone, ‘Dai‑ka madehe sowiri tati atori dai wisinakosariyahi. Mose ati‑nima dai riyahi.’ Titemone mai ati teni.

Yeso‑ka yo‑yose mai tamine 21:24

Mose ati‑mata‑nima mai afinaboneni. Mai tati kone nafi ababone, mai‑nima tiyahi. Tiwa tati kone aba, mai tati kone aba na, manakone tinahaba tiyahi. Tiwa ene‑ya mai awiya, ‘Mose ati‑nima i‑di Baoro ene nane.’ Mai ati naboneni. Tiwa ene‑ya mai awiya, yama‑ya mai watowahaboneni.

Korito daidi 11:15

Mai fanawi‑ta tati kone yaba, mai amosateni. Mai tati kone yaba ihi mai ya‑yaiteni. Deoso ene mai fanawi tati kone yaboteni, mai tati bodi ai awarabonehe.

Korito daidi 16:1

“Yodeya‑ya mai wi‑wina, Deoso ati‑ya mai no‑nofa mai‑ka yinero‑bona oda yorotokaniheboneni.” Dai‑ka yama hani ati na. Fara dai‑ka yama hani ati‑nima dai nahi. Karatiya‑ya mai wi‑wina mai oyosehare, mai‑ka yinero‑bona‑ya mai yorotokanaharebonehe.

Korito daidi 4:5

Dai owa ene‑ya dai kadikariyahi. Yeso kamataseya, ai nafi ai ene‑ya kadikebonane. Yama ai kemamaro‑ya kadika, ai atibodi ati‑ya kadika neya, ai manakone‑ya Deoso daanebonane.

Korito daidi 7:17

Deoso‑ya mai hiyarabone, mai yorotokana, mai‑ya ohiyariya, haa‑nima owati teni. “Hibati‑ya Deoso ati dai nofawahiya, hini dai abano tohamaro, tohasa niya, dai sibaraboneni.” Oteni.

Korito daidi 9:1

Kirisito‑ka yo‑yose oharamone mai ati na, bare‑ka yo‑yose ohara, Kirisito‑ka yo‑yose ohabisani. Yeso kitame‑ya oawara‑mone mai ati na, Yeso kitame‑ya oawamaroni. Ai‑ka Hidi i‑di Yeso Kirisito ati dai‑ya okamina, owati ihi Yeso ati dai nofawahamaroni.

Korito daidi 9:6

Mai one dai‑ya kanawata, yama one‑ya mai anira, dai ati sibarineni. I‑di Banabe oda fama dai‑ya oda kanawata, yama one‑ya oda aninaharebone dai ati na awineni. Yama one‑ya oda anira oda sibakarini? Hehe, oda sibarini.

Tesaronika daidi 2:14

Deoso‑ka mai toha Yodeya‑ya mai wina mai‑nima dai nawahani. Yeso Kirisito ati‑ya Yodeo mai nofa mai‑ya Yodeo mai one bisina, fara mai‑nima Yeso ati‑ya dai nofa dai‑ya dai one bisineni.