Korito daidi 10:23 - Deoso-ka Yama Hani

²³ Deoso ai ene‑ya barire, ai ene one mai‑ya kasomarihi, ai ene one mai‑ya ya‑yaini awirihi nani.

Korito daidi 10:23 ပူးပေါင်းရင်းမြစ်များ

Homa 14:15

Dai owa yama kabi mai hinofara, mai noki‑ya tikabariyahi. Yama tikaba‑ya mai awiya, mai atibodi mai‑ya weenaboneni. Ai owa mai ai nofa, ai ene mai atibodi mai‑ya weeriyahi. Kirisito mai manakone‑ya nanahabemata, ai ene mai atibodi tosawaririyahi.

Korito daidi 14:12

Yama‑ya Deoso‑ka Doni dai‑ya daanebona dai nokotonihemone, Kirisito‑ka mai dai kasomabone dai nokotonihari nahi.

Korito daidi 14:17

Mai one ati‑ya dai ati yanana, Deoso‑ya dai ati amosa awineni. Hiniya dai ati‑ya mai mita, dai ati‑ya mai watora, mai‑ya kasomi awiraboneni.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito daidi 6:12

Deoso owa‑ya ati barirene. Hiniya owa ene amosara‑mani, ai‑ya kasomara neni. Owa ene ai‑ya kasomabone‑ya owatibodi nofineni. Deoso owa‑ya ati barire, hiniya owa ene amosara, owa‑ya yaditonamatasaba awineni. Owa ene owa‑ya yaditonamatasa‑ya owatibodi nofi awirini.

Korito daidi 8:1

Mai‑ka deoso wamane‑ka bani‑bona mai daahine, kabi tamine dai watobisamone dai‑ka yama hani ati na, yama‑ya dai watamone dai ati na, hini dai‑ya dai tonanafebone dai ati amani. Mai ai nofa, mai ai tonanafibisa, ai‑ya ai tonanafiterani.

Korito daidi 8:9

Dai noko wadahi. Dai‑ka soho yama‑ya wato bi‑bidi ne, dai ene‑ya aweya, atibodi hini‑ya weerayaho.

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Efesiyo 4:29

Dai ibi hiyara, dai ati towe tohariyahi. Dai ati amosa, dai one‑ya dai kasomaboneni, mai ya‑yainabonehe.

Tesaronika daidi 5:11

Dai one abamaro, ai nafi kitamabone tamine dai wata, dai ibi hiyara, dai ya‑yainahi. “Ai one aba, mai ihi ai yawi kitariyahi. Ai one Deoso tabaro‑ya toha, ai ya‑yainahi.” Dai ati nahi. Hibayata dai ene hini toha, tohaboneni. Mai‑ya dai kasoma, mai‑ya dai kasomi na‑nafi niyahi.

Timoti daidi 1:4

Hiyara bote‑ya mai hiyari nafiriyahi. Mai‑ka idi mai tamine‑mete‑ya mai kadikanadiriyahi. Haa‑nima mai niya, Deoso ati‑ya mai watoraboneni. Hiniya mai ibi weenaboneni. Yeso ati ai nofa, Yeso ati ai kadikiya, yama ai watobisaboneni.