Korito daidi 10:16 - Deoso-ka Yama Hani

¹⁶ Ai yorotokana, awa bono fahi ai fawa, baho ai ebekana, ai na, Yeso abe tamine ai hiyarateni. Awa bono fahi ai fawabone, Deoso‑ya ai hiyara, ai ene Yeso emene tokafodo tamine‑ya ai atibodi kadika, baho‑ya ai ebekanabone, Deoso‑ya ai hiyara, Yeso ai manakone‑ya nanahabemata tamine‑ya ai atibodi kadika teni.

Korito daidi 10:16 ပူးပေါင်းရင်းမြစ်များ

Roka 22:17

Keneko‑ya fino‑ya Yeso damakane, Deoso‑ya hiyare, keneko‑ya mai‑ya daakanematane. “Dai nafi hifihi.” Yeso ati nematane.

Yeso‑ka yo‑yose mai tamine 2:42

Mahi‑nima mai yorotokana, mai‑ya Bedoro mai kanawata, Deoso‑ya mai hiyara, mai tafateni.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 20:11

Baoro tokomisamatase, oda eyehe tafamatase, oda‑ya hiyaramatase, yama wahi‑ya ati fawane tokawahane.

Yeso‑ka yo‑yose mai tamine 20:7

Domiko yama soki bide‑ya oda tafabone, oda yorotokana, oda tafi hawa toha, oda‑ya Baoro hiyarane. Mahi owa‑ya oda tokabone, oda‑ya hiyarama, oda‑ya hiyarama, yama soki bai‑ya oda‑ya hiyaramatasa nane.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 10:15

Yama‑ya dai wa‑wato‑mone ona, owati dai kadikiya, yama owata dai watowahaboneni.

Korito daidi 12:13

Hibati‑ya Yodeo ai one toha, Kereko ai one toha, ai‑ya mai ka‑kanika ai one toha, ai‑ya mai kanikara ai one toha namaroni. Makobote Deoso‑ka Doni ene Yeso kobobone ai tohawaha, fara hinama ai‑ya Deoso‑ka Doni sawiwahane.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.