Korito daidi 10:14 - Deoso-ka Yama Hani

¹⁴ Dai onofa, owati dai mitahi. Mai‑ka deoso bare dai kahiyarariyahi.

Korito daidi 10:14 ပူးပေါင်းရင်းမြစ်များ

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Homa 12:19

Oka soho dai toha, dai‑ya onofi nafe, dai‑ya mai ihi amosara, mai‑ya dai ene amosabisahi. Deoso‑ka yama hani ati dai awahi. “Mai manakone amosara‑ya daa·onaboneni.” Deoso ati ne, fare mai manakone‑ya daanebonane.

Korito daidi 10:15

Yama‑ya dai wa‑wato‑mone ona, owati dai kadikiya, yama owata dai watowahaboneni.

Korito daidi 10:19

Owati dai mitahi. Yama‑ya dai watowahaboneni. Mai‑ka deoso bare wadaterene. Mai‑ka deoso hiniya wamane‑ka bani‑bona mai daahineya, towe tonire, hika bani kote ai kabiya, ai‑ya nakomaterene.

Korito daidi 10:7

Yama hiniya mai wamahina mai‑ka deoso‑mona mai ati na, fara‑ya mai nokotonihe. Mai yorotokana, mai‑ka deoso‑mona‑ya bani‑ya mai daa, mai tafa, kawi‑ya mai fawa, noko‑ya mai ibi siwakana namone Deoso‑ka yama hani ati na, mai‑nima ai riyahi.

Korito daidi 5:11

Yeso ati‑ya mai nofa‑mone mai ati na, mai ihi amosara, dai yorotokana, Deoso dai hiyarabone, dai‑ya mai dabarihi. Mai fanawi one‑ya mai a‑aha, mai makidi one‑ka mai a‑aha, kawi ihi mai towe toha, mai one‑ka yama‑ya mai kayafa, mai one tamine‑mone‑ya keyehe‑ya mai hiri, deoso bare‑ya mai ka‑kahiyara, yama‑ya mai boti mai na, dai‑ya mai dabarihi, mai tabori‑ya dai tafarihi nahi.

Korito yoto‑ke 11:11

“Oda‑ka yamata‑ya i‑di Baoro haare, oda‑ya nofare awane.” Dai ati namone. Dai onofi nafe owa‑ya Deoso watone.

Korito yoto‑ke 12:15

Dai‑ya okasomabone, dai ene oka yinero tosiyoya, dai ene o·abiya, sibaraboneni. Dai‑ya onofi ba‑basi oniya, owa‑ya dai nofi bi‑bidi bana?

Korito yoto‑ke 12:19

Hiniya owa dai nofabone owati toha‑mone dai one ati na awineni. Deoso oda‑ya awe, oda ati‑ya mite, Kirisito ene dai‑ya oda kasomabone, oda ati tohabisa Deoso watone.

Korito yoto‑ke 6:17

“Owati‑ya mai nofara mai ati dai tokadabarihi, mai‑ka yama towe dai boyorihi na, dai okayahaboneni.” Deoso ati nematane.

Korito yoto‑ke 7:1

Dai onofa, owati dai mitahi. Deoso ai‑ya kasome ene ai atibodi amosa, ai abano ene amosa nahi. Deoso ai nayawarabone, Deoso ai ya‑yainihebone, ai ene amosahi.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Firimo 1:1

Baoro ama·oni. Yeso Kirisito ati okamina, kadeya‑ya owa‑ya mai nawaani. Ai‑ka soho i‑di Timoti oda fama, yama hani oda kanahanoneni. Firimo, tika yama hani‑bone okanahanaboneni. Oka owa amatini. Deoso‑ka yama‑ya anititeni.

Ebereo 6:9

Mai ati kasira mai tamine oda hiyarani. Dai‑ta dai tamine oda hiyari awirani. Dai ene amosa, dai‑ya oda atibodi watoneni. Deoso ati‑ya dai tokadabamaro, ati dai tokadabanasa nebona oda ati teni.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Yowaho daidi 5:21

Deoso yokana dai nokotonibisahi. Bara mai dai nokotoniriyahi. Feye amani.

Yeso Kirisito ene‑bona 13:8

Bofe‑ya mai wi‑wina Bani Hame‑ya mai nafi kahiyarabone, fare Kaneiro Bidi‑ka yama hani‑ya mai oni sawi awiriya, Bani Hame‑ya mai nafi kahiyaraboneni. Hibati‑ya wami awisari‑ya Kaneiro Bidi ati‑ya mai to‑tokadababone mai oni‑ya Deoso wato, mai oni‑ya kanahanomatamonane. Kaneiro Bidi abemari, kitamemarine.

Yeso Kirisito ene‑bona 2:14

Dai ene amosa hinama tohi awirani. Baraho ati‑mari‑nima dai one ene tohanineni. Baraki‑ya i‑di Baraho kanawato, Yodeo mai‑ya Baraki kanawatomakimarine. Baraki ati ene deoso bara mai‑ka bani mai‑ya Yodeo mai kabamaro, fana bara mai‑ya Yodeo mai idiwaha namaroni.

Yeso Kirisito ene‑bona 21:8

Mai habi siitona ihi oka hawi‑ya mai sawira mai toha, owati‑ya mai tokadabara mai toha, mai ihi towe mai toha, mai one‑ya mai nanahaba mai toha, mai si‑siwa mai toha, madi mai‑ya mai ha‑haa mai toha, deoso bara mai‑ya mai ka‑kahiyara mai toha, keyehe‑ya mai hi‑hiri mai toha, mai na, wara hirini yati hirini sawi‑kaya mai sawibisaboneni. Mai abi oharimatasa‑nima mai na, mai kome fawaraboneni.” Hidi Webote ati nene.

Yeso Kirisito ene‑bona 22:15

Mai ihi towe mai toha, madi towe mai‑ya mai ha‑haa mai toha, mai si‑siwa mai toha, ai one‑ya mai na‑nanahaba mai toha, deoso bara mai‑ya mai ka‑kahiyara mai toha, keyehe‑ya mai no‑nofa mai toha, keyehe‑ya mai hi‑hiri mai toha, mai na, sidadi‑ya mai tokiyomateraboneni.