Korito daidi 10:13 - Deoso-ka Yama Hani

¹³ Ai nafi‑ya Satanasi keyehetene. Tiwa‑ya keyehe‑nima mai‑ya keyehetene. Deoso hini ati‑nima ai‑ya kasomatene. Deoso ene ai kiti‑ya Satanasi ati fiyakiterene. Ati tikadabarebona, Deoso tiwa‑ya yofikane, Deoso ati tikadabiya, tiwa ene amosaboneni.

Korito daidi 10:13 ပူးပေါင်းရင်းမြစ်များ

Mateo 6:13

Tiwa ene yama amosara oda nokotoniriyahi. Oda nafi‑ka hidi tihawahabone, kitabote amatini. Amosabote amatini. Yama maakani awirabone, fara amosineni.’ Dai atiyahi.

Roka 11:4

Oda ene towe tohamaro, oda ene manakone haatinamariyahi. Mai ihi manakone oda haanamaharirani. Tiwa ene yama amosara oda nokotoniriyahi.’ Dai atiyahi, Deoso‑ya dai hiyararo.” Yeso ati nematane.

Roka 16:26

Oda tabaro, dai tabaro na teberi‑ya hodi nafe waineni. Hawi wadaterani. Oda owa tokarihi, dai owa kakirihi, teboneni.’ Abaraho ati nane.

Roka 22:46

“Dai amoriyahi. Dai dodafihi. Deoso‑ya dai hiyarahi, Satanasi ati‑ya dai tokadabarabonehe.” Yeso ati nematane.

Yeso‑ka yo‑yose mai tamine 27:44

Faha diboni‑ya dai watora, awa ibe‑ya dai one towaka, maboro ebe‑ya dai one towaka nahi, dai nafi.” Sodado mai‑ka hidi ati nemarine. Fara faha widi‑ya mai koboneni, mai nafi.

Korito daidi 1:9

Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito yoto‑ke 1:10

Oda ababone oda ati na, oda abi yanatona, Deoso oda‑ya kasome, oda abi yanatonamatasiya, Deoso oda‑ya kasomatasebona oda ati nineni.

Tesaronika daidi 5:24

Deoso ai‑ya kadikemari, hini ati‑nima nebonane.

Tesaronika yoto‑ke 3:3

Ai‑ka Ayo i‑di Yeso kitabote tohe, ati‑nima yama naboneni. Yeso dai‑ya nawadebonane, Satanasi ati dai nofarabonehe.

Timoti yoto‑ke 4:18

Ai‑ka Ayo i‑di Yeso ene yama sibaraboneni. Owa‑ya mai nanahabiya, Yeso owa‑ya nakitamebonane. Deoso tabaro‑ya owinawahaboneni. Deoso ai kahiyari fawateraboneni. Feye amani.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 11:11

Deoso ati‑ya Sara nofa, “Bote oha, sibarini. Oka dao tohebona Deoso ati ne, ati‑nima nebonane.” Sara atibodi ati na, bote tohiya, Deoso hikasoma, naba toha, bidi wadawahematane.

Ebereo 12:4

Dai ene amosabone, dai ene dai‑ya mai nanahabi awisarani.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Bedoro daidi 4:19

Deoso ati‑ya dai tokadaba, dai‑ya mai bisiniya, dai yawariyahi. “Owa‑ya wamanemari ati‑nima ona, owa‑ya kasomebonane.” Dai atibodi ati na. Dai ene amosanasa nahi.

Bedoro yoto‑ke 2:9

I‑di Ro‑ya Deoso kasomemata, Deoso ati ai no‑nofa ai‑ya kasomebona ai watoharitene. Sodoma‑ya mai wi‑wina mai ihi amosara, mai manakone amosara‑ya Deoso daanemata, hibayata mai ihi amosara mai manakone amosara‑ya daani watohari, makobote mai ihi‑ya kadikebonane.

Yowaho daidi 1:9

Ai ene amosara, Deoso‑ya ai hiyara kanibote nahi. “Abi Deoso, owa ene amosara, owa‑ya tiwati somawamahi.” Ai ati nahi. Ai ene amosara tamine Deoso‑ya ai hiyara, Deoso ati somawame, ai ene amosara‑ya kadikamaterebonane.

Yeso Kirisito ene‑bona 19:11

Deoso tabaro‑ka nokobi seekani hawa toha oawani. Kafaro sawa kaki, bari‑ya itari oni owa, “Deoso ati‑ya tokadabi ohari, keyehe‑ya hirire.” Mai ihi yokana‑ya wato, fara mai‑ya nanahabeya, yama sibarini, hini mai ihi manakone‑ya daanane.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 3:10

Yama towe yananabone, bofe‑ya mai wi‑wina mai nafi saweboneni. ‘Deoso‑ka hawi bai‑ya dai maakariyahi.’ Onamaroni. Owati dai dami tokadaba ene dai hasinasa niya, yama towe yanani awiraboneni.