Korito daidi 10:11 - Deoso-ka Yama Hani

¹¹ Deoso ai‑ya kanawatobona, ati ene mai tamine‑ya mai kanahanameteni, mai‑nima ai rabonehe. Yeso koboni nahorebonane.

Korito daidi 10:11 ပူးပေါင်းရင်းမြစ်များ

Mateo 13:39

Yama kabara noki‑ya werene i‑di Diaboro tamine amane. Yobe‑ya yamata‑ya mai nawada, yama towe mai sarikana na, yama faina‑bone tamine amani. Yamata‑ya mai a‑ani Deoso‑ka yo‑yose mai tamine amani.

Mateo 13:40

Yama faina koboniya, yama kabara‑ya mai sarikana‑nima mai ihi towe‑ya mai sarikanaboneni.

Homa 13:11

Owati‑nima dai na, dai dodafi, mai a‑amo‑nima dai riyahi. Hibati‑ya Yeso ati‑ya ai nofa yati tohiya, Yeso ai awabone nahorebona, hibayata ai amoni fa‑famaraba nibisa, Yeso ai awaboneni.

Homa 13:12

Yama soki‑nima mai dama mai ihi tohasa nineni. Dai‑ta yama soki‑ya mai wi‑wina mai ihi‑nima dai ene riyahi. Dai ene amosahi. Yama wahabisari‑ya mahi kaki nahore ai wato, fare‑nima hibayata Yeso koboni nahorebona ai watoharine. Deoso‑ka bora kita dai sakona, Yeso kobonebona dai‑ya dai hawa toniheboneni. Yama wahi yanatoni‑ya Sodado mai‑ka bora kita‑ya mai sakona, mai hawa tohabone, mai‑nima Deoso‑ka bora kita dai sakonahi.

Homa 15:4

Ai‑ya mai kanawatabone, Deoso ati‑ya mai kanahanameteni. Yeso hawine‑ya ai yakana, Deoso ati‑ya ai kadika, Deoso tabaro‑ya ai koboni awisariya, ai kobonabone ai atibodi ati na, ai ya‑yaiteni.

Homa 4:23

Abaraho‑ya Deoso ati somawame, Abaraho‑ya kasome tamine‑ya mai kanahanameteni, Deoso ene ai watowahebonaha.

Korito daidi 10:6

Mai ihi‑nima ai ene rabone, mai tamine‑ya Mose kanahanomatane. Yama amosara‑ya mai atibodi kobonamete‑nima ai atibodi koboriyahi.

Korito daidi 7:29

Yeso ati‑ya dai no‑nofa owati dai mitahi. Yeso koboni nahorebonane. Dai fana, dai‑ka yibote mai‑ya dai nokotoni ohaririyahi. Ai fanara‑nima dai nahi.

Korito daidi 9:10

Ai tamine‑ya hiyaraharimatane. “Yamata‑ya mai kama, yamata yana, kote‑ya mai kayafa, yamata‑ya mai tiina, yamata kote‑ya mai kayafahari teni.” Ati nematane.

Karatiya 4:24

Abaraho fadi mai fama, mai tamine‑ya Deoso hiyaremarine, ai‑ya kanawatobonaha. Hibati‑ya Abaraho‑ya Deoso hiyare, makobote Mose‑ya hiyarane. Ai‑ya kasomebona, hika mai hi‑hiyara mai famamaroni. Sinai adami toha, Arabiya‑ya waaya, hibati‑ya Sinai adami tati‑ya Mose wai‑ya Deoso hiyarematane. Deoso ati‑nima ai nabone ai‑ya Mose hiyaramatasane. Abaraho fadi kanika i‑di Hekara‑nima Mose‑ka yama hani nineni. Mose ati‑ya mai ati tokadaba, ai kanika‑nima mai nineni. Mose mai‑ya yosetene.

Firibo 4:5

Dai‑ya mai weena, dai ati yawariyahi. Yeso kama kanibote nebonane.

Ebereo 10:25

Deoso tamine‑ya ai hiyarabone, mai yorotokana, mai‑ya ai daba, ai ibi kasoma, mai ai ya‑yainihe, mai one yama yorotokani‑ya mai nofara, mai‑nima dai riyahi. Yeso koboni nahore ai yorotokanahi.

Ebereo 10:37

Yeso kamebona ati ne, dai nimanaho, kamebonane. Fawaterebonane.

Yowaho daidi 2:18

Oka dao dai toha, owati dai mitahi. Ai amoni fa‑famaraba ni‑ya Yeso kamebonane. Kirisito‑ya ka‑kako kakibona tamine dai mitemarine. Hibayata Kirisito‑ya mai dama mai kakoneni. Kirisito‑ya mai kaka, mai ai awa, Yeso kami nahore ai watoboneni.