Korito daidi 1:9 - Deoso-ka Yama Hani

⁹ Deoso dai‑ya haanemarine, Bidi i‑di Yeso Kirisito dai‑ka hidi tohe, dai‑ya sawibonaha. Ati‑nima tene.

Korito daidi 1:9 ပူးပေါင်းရင်းမြစ်များ

Mateo 24:35

Owati‑nima yama naboneni. Neme, bofe na, ababisabone, owati‑ta abateraboneni.” Yeso ati nemarine.

Yowaho 17:21

Abi, tiwati ihi mai nafi oharihi. Ai‑ka mai toha ai ohari‑nima mai oharihi. Ai nafi oharihi. Mai ihi‑ya mai one awiya, owa tiyosemaro owa‑ya mai watowahaboneni.

Homa 11:17

Tabora‑ke orifera ino‑nima Yodeo mai na, Yeso ati‑ya mai nofara hini mai ihi Deoso mai bakahinakosa, yama‑ke orifera ino‑nima Bara dai na, Yeso ati‑ya dai nofawaha, tabora‑ke orifera‑ya Deoso dai‑ya nawaane, orifera amose habo dai‑ya kasomawahane.

Homa 8:28

Deoso ai‑ya kadikematane, Bidi i‑di Yeso‑nima ai nawahabonehe. Deoso‑ya ai nofa yama ai‑ya kobona, ai‑ka awi towe toha, ai‑ka awi amosa toha na, ai‑ya koboniya, Deoso ai‑ya kasome ene ai watoneni.

Homa 8:30

Deoso ai‑ya kadikemata, ai‑ya haane, ai‑ya ati somawamemari, tabaro‑ya ai winiya, yama amosa hinama ai kayafaboneni.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 1:30

Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 10:13

Ai nafi‑ya Satanasi keyehetene. Tiwa‑ya keyehe‑nima mai‑ya keyehetene. Deoso hini ati‑nima ai‑ya kasomatene. Deoso ene ai kiti‑ya Satanasi ati fiyakiterene. Ati tikadabarebona, Deoso tiwa‑ya yofikane, Deoso ati tikadabiya, tiwa ene amosaboneni.

Korito daidi 10:16

Ai yorotokana, awa bono fahi ai fawa, baho ai ebekana, ai na, Yeso abe tamine ai hiyarateni. Awa bono fahi ai fawabone, Deoso‑ya ai hiyara, ai ene Yeso emene tokafodo tamine‑ya ai atibodi kadika, baho‑ya ai ebekanabone, Deoso‑ya ai hiyara, Yeso ai manakone‑ya nanahabemata tamine‑ya ai atibodi kadika teni.

Korito yoto‑ke 1:18

Deoso keyehe‑ya hirire, hini ati‑nima tene. Dai‑ya okayehera. Dai tabaro‑ya okabone ona, owatibodi ati‑nima owati namaroni.

Karatiya 1:15

Deoso owa‑ya nofe, owadi awisari‑ya owa‑ya kadikematane, ati okaminebonaha.

Karatiya 2:20

Yeso abe, owa manakone‑ya nanahabemarine. Yeso abeya, Yeso eyehe o·aba‑nima onamaroni. Owa abano abara, hini owatibodi bote‑ta aba‑nima nineni. Yeso kitame, owatibodi yati‑ya winane. Owatibodi‑ya wine, Yeso ene‑nima owa ene nawahani. Deoso Bidi owa‑ya nofe, owa manakone‑ya nanahabe, ati onofe, ati‑nima owahani.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Koroso 1:24

Deoso Ati Amosabote okamina, owa‑ya mai bisina, owa abano komamaroni. Owa‑ya mai bisina, oyawara, ya‑yai·obisamaroni. Kirisito‑ya mai bisinamaro‑nima ai‑ya mai bisinawaha, Kirisito‑ka ai amani. Kirisito abano‑nima ai nawahaboneni. Kirisito‑ka mai okasoma, Kirisito ati‑ya mai nofara owa‑ya mai bisinamaroni.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Tesaronika yoto‑ke 2:14

Hibati‑ya Deoso Ati Amosabote dai‑ya oda kamina, oda ati‑ya dai nofamaro, makobote ai‑ka Ayo i‑di Yeso Kirisito tabaro amosabote‑ya ai winawahaboneni.

Tesaronika yoto‑ke 3:3

Ai‑ka Ayo i‑di Yeso kitabote tohe, ati‑nima yama naboneni. Yeso dai‑ya nawadebonane, Satanasi ati dai nofarabonehe.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Timoti yoto‑ke 2:13

Ai ati‑nima ai ni awiraba awineni. Yeso hini ati‑nima nebonane. Yeso ati oharitene. Ati abaterene.” Ai ati teni.

Tito 1:2

Ai tabaro wamani awisari‑ya Deoso ati yanane, “Owati‑ya mai nofa, mai abateraboneni.” Ati nematane. Deoso keyehe‑ya hiriterene.

Ebereo 10:23

Deoso tabaro‑ya ai kobonabone ai ati namaro, ai atibodi yama‑ya kadikariyahi. Deoso ati‑nima yama naboneni.

Ebereo 11:11

Deoso ati‑ya Sara nofa, “Bote oha, sibarini. Oka dao tohebona Deoso ati ne, ati‑nima nebonane.” Sara atibodi ati na, bote tohiya, Deoso hikasoma, naba toha, bidi wadawahematane.

Ebereo 2:17

Abaraho‑ka nodi ai toha, ai‑ka Ayo ai‑ya kasomebona, ai‑nima ne. Deoso‑ka yama‑bone‑ya mai da‑daa mai‑ka hidi webote Yeso tohebona, ene amose hinama tohe, ai ene amosara manakone‑ya Deoso‑ya daanebonane.

Ebereo 3:1

Soho, owati dai mitahi. Hibati‑ya Deoso ai‑ya kadike, Yeso‑ya Deoso yosemari, Deoso‑ka yama‑bone‑ya mai da‑daa mai‑ka hidi webote tohe, tamine dai kadikahi.

Ebereo 3:14

Yeso ati ai tokadabamaro, ati ai tokadabanasa neya, Kirisito‑ka yama ai kayafa, tabaro‑ya ai winawahaboneni.

Ebereo 6:18

Deoso ati‑mata ai kadika, ene‑mata ai kadikamaki, Deoso ati‑nima ene ne ai wato, fare ati‑nima nebona ai wato, ai nimane, ai habo siitoraboneni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yowaho daidi 1:7

Yama tehe‑ya Deoso wini‑nima yama tehe‑ya ai wina, ai ibi hiyari nofateni. Ai ene amosara ai atibodi bisa toha, Deoso Bidi i‑di Yeso ai atibodi‑ya sokotene, ai atibodi besene fawanabonehe.

Yowaho daidi 4:13

Deoso ene hika Doni ai atibodi‑ya sawi ene Deoso‑ka ai toha ai watone.

Yeso Kirisito ene‑bona 19:11

Deoso tabaro‑ka nokobi seekani hawa toha oawani. Kafaro sawa kaki, bari‑ya itari oni owa, “Deoso ati‑ya tokadabi ohari, keyehe‑ya hirire.” Mai ihi yokana‑ya wato, fara mai‑ya nanahabeya, yama sibarini, hini mai ihi manakone‑ya daanane.