Korito daidi 1:5 - Deoso-ka Yama Hani

⁵ Deoso dai‑ya kanawato ene yama dai wato ba‑basi na, Deoso ati kamini dai wato, Deoso ene yama nafi‑ya dai wato neni.

Korito daidi 1:5 ပူးပေါင်းရင်းမြစ်များ

Yeso‑ka yo‑yose mai tamine 2:4

Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Homa 11:12

Yodeo mai taratokaniya, Bara mai‑ya Deoso kasome, Yeso ati‑ya Yodeo mai nofariya, Bara mai‑ya kasome, Yeso ati‑ya Yodeo mai nofawahiya, ai nafi‑ya kasomi na‑nafi nebonane.

Homa 15:14

Oka soho dai toha, yama dai wata, dai ene amosa, dai ibi kanawata, dai ene ya‑yai·oneni.

Homa 15:4

Ai‑ya mai kanawatabone, Deoso ati‑ya mai kanahanameteni. Yeso hawine‑ya ai yakana, Deoso ati‑ya ai kadika, Deoso tabaro‑ya ai koboni awisariya, ai kobonabone ai atibodi ati na, ai ya‑yaiteni.

Korito daidi 12:10

Deoso‑ka Doni ene dai owa ene kitabote tohe, Deoso‑ka Doni ene dai owa Deoso ati‑ya mite, Deoso ati‑ya kaminatene. Deoso ati‑mona mai one ati na, Deoso‑ka Doni ene mai ati‑ya dai owa mite, Deoso ati tohe, Deoso ati tohare‑ya mai watowahaboneni. Deoso‑ka Doni ene mai one ati‑ya dai owa hiyare, Deoso‑ka Doni ene mai one ati‑ya dai owa dai ati‑ya dai‑ya kaminebonane.

Korito daidi 12:8

Deoso‑ka Doni ene dai owa Deoso ati‑ya wato ba‑basi ne, dai owa Deoso ati kanawato‑ya wato tene.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 13:8

Deoso ai‑ya nofe, Deoso‑nima mai ai nofa, mai nofi ai fawateraboneni. Deoso ati‑ya mai ka‑kamina, Yeso kamataseya, mai ati fawanaboneni. Ai nafi Deoso ati‑ya ai watowahaboneni. Mai one ati‑ya mai hi‑hiyara mai ati fawanabone, ai nafi ati ohariwama naboneni. Hibayata yama‑ya mai one wato ba‑basi na, makobote yama nafi‑ya ai nafi watowahaboneni.

Korito daidi 14:26

Oka soho dai amani. Owati dai mitahi. Dai yorotokana, Deoso‑ya dai kahiyarabone, mai nafi dai kasomabone, Deoso‑ka wayoma‑ya dai owa wayome, dai‑ka wayoma mai‑ya kasomiya, sibarini. Deoso dai‑ya kanawato, mai dai kasomabone, mai dai kanawatohi. Mai one ati‑ya dai owa hiyare, hini dai ati‑ya dai owa mai‑ya kaminamakitaseya, mai‑ya kasome, sibarineni. Dai ati hinama mai‑ya kasomiya, dai sibarihi nineni.

Korito daidi 8:11

Dai ene deoso bare‑ka bani‑ya mai kabiya, mai atibodi hini mai‑ya weeni kitiya, mai ababa awineni. Kirisito mai‑ya nofe, mai manakone‑ya nanahabemata, dai ene mai abariyahi.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Korito yoto‑ke 6:10

Mai ihi oda atibodi koma, oda ya‑yainasa na, yama oda kiharamone mai ati na, oda ati‑ya mai nofa, Deoso tabaro‑ya mai‑ka yama dama toha, tosiyoteraboneni. Yinero oda kihara, Deoso‑ka yama nafi oda kayafabisaboneni.

Korito yoto‑ke 8:7

Masedoni‑ka mai‑ka yama fa‑famaraba nibisa, Korito‑ya dai wi‑wina dai‑ka yama ba‑basi, Yeso ati dai nofi ba‑basi, dai ati amosi ba‑basi, yama dai wato ba‑basi, oda dai nofi ba‑basi na, yama‑ya dai daani nofamone, yama dai daana ba‑basi nahi.

Korito yoto‑ke 9:11

Yama dai daana, oda towakama, mai‑ya kasomaboneni. Dai ene Deoso‑ya mai kahiyaraboneni. Deoso dai‑ya kasome, mai dami‑ya dai kasomamakeboneni.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Efesiyo 2:7

Deoso ene Yeso Kirisito ai manakone‑ya nanahabe, ai‑ya kasome, hibayata ai kasomi tamine nafi ai watosa ni awira, makobote ai watowahaboneni. Fara Deoso ene amosabote‑ya mai nafi awawahaboneni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Efesiyo 6:19

Owa tamine‑ya Deoso‑ya dai hiyaraharihi. Yeso Ati Amosabote ohiyare, Deoso ati‑ya mai watoramete, ati mai hiwatowahebonane. Deoso owa‑ya kasomebona, owa habo siitorabone, owa tamine dai hiyarahi.

Firibo 1:9

Deoso‑ya dai tamine ohiyara, “Abi Deoso, tiwati ihi mai ibi nofi ba‑basi nahi. Tiwati nafi‑ya mai watowaha, yama tiwatibodi kobohina‑nima mai atibodi koboniyahi.” Oteni.

Koroso 2:3

Kirisito yama nafi‑ya watone. Kirisito ene yama‑ya ai wataboneni. Yama amosabote ai watoteboneni.

Koroso 3:10

Dai atibodi yati tohawaha, Deoso dai‑ya mamanemata, dai‑ya kanawatowahe, fare‑nima dai nawahabonehe.

Tiyako 3:13

Yama‑ya dai wa‑wato dai ene amosa tamine‑ya dai hiyari awira, mai‑ya dai kasoma, dai ene amosa‑ya mai awa, yama dai wata dai‑ya mai watowahaboneni.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.