Korito daidi 1:30 - Deoso-ka Yama Hani

³⁰ Deoso ene Yeso Kirisito ai‑ya sawiwahene, ai abarabonehe. Kirisito ene yama‑ya ai watowaha, Deoso‑ka ai toha, Deoso ai‑ya kayawe, Kirisito ene ai ene amosawamaboneni. Ai manakone abawaha, ai abiya, ai kitamateboneni.

Korito daidi 1:30 ပူးပေါင်းရင်းမြစ်များ

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Roka 11:49

Deoso yama‑ya watone. Hibati‑ya dai tamine‑ya hiyare, ‘Owati‑ya mai mi‑mita mai toha, oka yo‑yose mai toha, mai na, mai oyoseboneni. Mai one‑ya mai nanahaba, mai one‑ya mai kananihi naboneni.’ Deoso ati nematane.

Roka 21:15

Owa ene yama‑ya dai watowahaboneni. Dai ati yananiya, mai ati fawanaboneni.

Yowaho 1:18

Deoso ai aware tamine‑ya Bidi kaminemarine. Bidi yokana Badi‑ya famene.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yowaho 17:26

Mai‑ya tiwa yofi·okanamaro, tiwa yofi·okateboneni. Tiwa‑ya mai wato, owa tinofi nafe‑nima mai ibi nofabone, mai‑ya osaweboneni.” Yeso ati nemarine.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 8:12

Mai naha mai‑ya hiyare, “Bofe‑ka mai‑ka yama wahi‑nima ona ama·oni. Deoso hawine yofi·okaneni. Owati‑ya dai tokadaba yama soki‑ya mai ya‑yaka mai‑nima dai ni awira, yama wahi ihi dai abaraboneni.” Yeso ati nemarine.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Homa 11:36

Yama ai kiha‑ya Deoso daanemari, yama nafi‑ka hidi amane. Ai kahiyare, ai kahiyari fawarayaho. Feye amani.

Homa 12:5

Fara‑nima Yeso ati ai no‑nofa Deoso‑ka ai dami toha, ai ene fara hinama tohatera ai abano ohare‑ta ai toha ai nineni.

Homa 16:11

Oka owa i‑di Erodiaho dai hiyara, Narasiso‑ka mai one Yeso ati‑ya mai no‑nofa mai dai hiyara, dai nahi.

Homa 16:7

I‑di Anidironiko, fadi i‑di Yoniya‑ya fame, mai dai hiyarahi, oka mai amani. Owa eyehe kadeya‑ya mai foyamaroni. Yeso ati‑ya mai nofi baha, ati onofamakimarine. Yeso‑ka yo‑yose mai mai hinofa hineni.

Homa 4:25

Yeso‑ya mai nanahabameteni, ai ene amosara ai manakone‑ya nanahabebonaha. Yeso‑ya Deoso nakitamematane, ai‑ya ati somawamebonaha.

Homa 4:6

Deoso mai‑ya ati somawame, hini yamata ihi Deoso mai‑ya ati somawama titi? Mai‑ka yama anina manakone ihi tohara, hiniya Deoso mai‑ya ati somawame, mai ya‑yainawaha, ai‑ka hidi i‑di Dafi tohemata ati hikanahanomatane.

Homa 5:19

Adaho i‑di Deoso ati‑ya tokadabare ene ai nafi ene towe toha, Yeso Kirisito Deoso ati‑ya tokadabe ene Deoso ai nafi‑ya ati somawame, ai‑ya awe, Yeso ene amose‑nima ai ene na ai‑ya awabisane.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:23

Ai komaharineni. Bofe‑ya ai winasa na ai abano komateni. Hibati‑ya Deoso ai‑ya ewe ne, hika tabora‑ya ai koboniya, yama ai kayafaboneni. Hibayata ai abano yati ai nimaniya, Deoso‑ka Doni ai‑ya sawi, makobote ai abano yati ai kayafiya, ai komami awiraboneni.

Homa 8:9

Deoso‑ka Doni dai‑ya sawi, dai‑ka hidi tohawahe, dai atibodi bote dai‑ka hidi tohami awira, ati dai tokadabamaraboneni. Kirisito ene Deoso‑ka Doni dai atibodi yati‑ya sawitene. Deoso‑ka Doni dai‑ya sawire‑mana, Kirisito‑ka dai tohi awira neni.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 1:24

Deoso mai‑ya haanemataya, “Deoso ene Kirisito kitabote amane.” Yodeo mai ati teni. “Deoso ene Kirisito yama nafi‑ya watobisane.” Kereko mai ati teni.

Korito daidi 12:18

Hibayata Deoso ene ai abano kobobona dama, hini ati‑nima ai abano kobobona teni.

Korito daidi 12:27

Kirisito kobobone dame, Kirisito kobobone ai tohineni.

Korito daidi 12:8

Deoso‑ka Doni ene dai owa Deoso ati‑ya wato ba‑basi ne, dai owa Deoso ati kanawato‑ya wato tene.

Korito daidi 4:15

Yeso Kirisito tamine dai‑ya okamini baha, dai‑ka abi‑nima ona. Owati dai mita, Kirisito ati dai nofamaro, Deoso‑ka dai tohawaha, Yeso Kirisito tamine‑ya 10.000 mai toha dai‑ya mai kanawatomakeba awineni. Fara dai‑ka abi‑nima mai ni awiraboneni.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Korito yoto‑ke 12:2

Hibati‑ya faha fowe 14 tohi‑ya Kirisito ene neme‑ya maki tokemari owato, korimari toha, abano toha ne awane. Yama owatora, Deoso‑ta hiwatobisane.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Karatiya 1:4

Ai ene amosara, tabora nafi‑nima ai ene towe namaro, ai manakone wada, ai ababoneni. Yeso ai manakone‑ya nanahabebona, ababisemarine. Hibati‑ya ai ene towe toha, Deoso ati ene ai manakone‑ya Yeso nanahabemari, Yeso ene ai ene amosawahaboneni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 1:14

Deoso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso tabaro‑ya ai winabone ai watoneni. Makobote Deoso tabaro‑ya ai koboniya, yama‑ya daanebona ati ne, ai‑ya yama‑ya daanebonane. Deoso amosabote‑ya ai kahiyarahi.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Efesiyo 2:10

Yeso Kirisito‑ka ai toha, ai atibodi yati‑bone‑ya Deoso wamane, ai‑ya daahina, ai ene amosawamabonehe. Ai ene amosa‑ya Deoso ati kobonemata, fara ai ene amosahi.

Efesiyo 4:30

Deoso‑ka Doni dai‑ya sawi, dai ene Deoso‑ka Doni yawarayaho. Deoso‑ka Doni dai‑ya sawi, Deoso tabaro‑ya dai winabone dai watoneni.

Efesiyo 5:26

Yeso‑ka ai toha, ai atibodi‑ya Kirisito namosebona, abematane. Bora bisa toha, ai sokona, amosawamabone‑nima Yeso ati ai nofa ai‑ya namosane.

Firibo 3:9

Yeso Kirisito ati onofe ene Kirisito owa‑ya sawi, Deoso owa‑ya aweya, Kirisito ene amose‑ya awebonane. Mose ati kote ai tokadababone ai ati na, Deoso ai‑ya aweya, ai ene amosara‑ya awatene. Yeso Kirisito ati ai nofa, ai ene‑ya Deoso aware, Yeso ene amose hinama‑ya awabisatene.

Koroso 1:14

Yeso ai manakone‑ya nanahabe, ene Deoso ai‑ya ati somawamane.

Koroso 3:16

Kirisito ati dai kadiki nafiyahi. Dai‑ka mai‑ya ati nafi dai kanawatohi. Mai ihi amosabone, mai‑ya dai kamina, Deoso‑ka wayoma dai hirina, dai ya‑yaina, Deoso‑ya dai kahiyarahi.

Tesaronika daidi 5:23

Deoso ati ene ai ati somateni. I‑di Deoso‑ya dai tamine ohiyarateni. “Abi Deoso, mai atibodi, mai aboni, mai korimari na tinamosahi.” Oteni. Yeso kameya, dai‑ya weeni awirebonane. Dai ene amosabisaboneni.

Tito 2:14

Hibati‑ya ai manakone‑ya Yeso nanahabe, ai‑ya kanikemarine. Hibati‑ya ai ati kasira, ai manakone‑ya nanahabe, ai ene towe tohamarabone, Hika mai ai toha, ai ene amosabone, yama amosa‑ya ai nokotoniheboneni.

Ebereo 9:12

Ai manakone‑ya nanahabebona, bodi, bowi bidi mai na mai emene‑ya towakamare, hini emene‑ya towakamabise, yama manakone abi ohariwahabone, ai manakone‑ya wadamaterabonehe.

Tiyako 1:5

Yama dai watora, Deoso dai hiyariya, Deoso ati ene yama dai watowahaboneni. Deoso‑ya yama wa‑wato dai haaniya, Deoso yawaterebona, yama‑ya daanebonane.

Bedoro daidi 1:2

Hibati‑ya yama nafi‑ya ai‑ka Abi i‑di Deoso wato, dai‑ya kadikemata, Hika Doni dai‑ya sawiwahebonane. Yeso Kirisito emene‑ya dai atibodi‑ya wisane, dai atibodi besene fawanani, Yeso Kirisito ati dai tokadababonehe. Deoso‑ya dai tamine‑ya ohiyara, “Abi Deoso, mai‑ya tikasoma, mai atibodi mai‑ya ati soma ba‑basi naboneni.” Oteni.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Yowaho daidi 5:6

Hibati‑ya Yeso‑ya Yowaho habanirise, Yeso tamine‑ya Deoso ati yanane. Yeso abebona‑ya ati yananamatase, “Yeso, Oka Dao amane.” Ati nemarine. Deoso‑ka Doni Yeso tamine‑ya kaminaharitene. Deoso‑ka Doni keyehe‑ya hiriterene. Faha‑ya Yeso habanise‑ya ati toha, emene tokafodobona‑ya ati toha nemarine.

Yeso Kirisito ene‑bona 14:4

144.000 mai kana fana bara‑ya mai famarani. Kaneiro Bidi‑ya mai sawiteboneni. Hibati‑ya bofe‑ka mai toha, Kaneiro Bidi hini emene‑ya mai hikanika, Deoso Kaneiro Bidi mai fama mai‑ka mai bonehe. Mai‑ya kayafe, Deoso Kaneiro Bidi eyehe ya‑yainane.

Yeso Kirisito ene‑bona 5:9

Wayoma yati‑ya mai hirina, “Bebeo seetikanahi, yama barikani 7 kana‑ya wakatikanahi. Kitabote yokana amatini. Tiwa‑ya mai nanahabamaro, tabora nafi‑ka mai one tiwa emene‑ya mai tikanikamaro, Deoso‑ka mai tohabonehe. Tabora nafi‑nima mai‑ka mai one tikanikamaroni.