Korito daidi 1:27 - Deoso-ka Yama Hani

²⁷ Yama ai watora Deoso ai‑ya haane, yama‑ya mai watamaro mai‑ka yama wato‑ya ai wato fiyakana, ai kitara Deoso ai‑ya haanemari, mai kitamaro, mai kiti‑ya ai kiti fiyakawaha ai teni.

Korito daidi 1:27 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 21:16

“Yeso, madehe ati timitineni?” Mai ati na, “Mai ati omitani. Deoso‑ka yama hani dai kadikaterini? ‘Madehe, madehe borehe, mai na, Deoso ene Deoso‑ya mai kahiyaraboneni.’” Yeso ati nemarine.

Mateo 9:9

Yeso yananamatase, owa‑ya awe, owa‑ya himanemarine. Mateo ama·oni. Kofeno‑ka yinero‑bona‑ya ha‑haa ohamaroni. Kofeno‑ka yobe bidi‑ya owitare, Yeso owa‑ya haane, “Owa‑ya tisawihi.” Yeso ati ne, ati omita, Yeso‑ya osawiwahamaroni.

Roka 21:15

Owa ene yama‑ya dai watowahaboneni. Dai ati yananiya, mai ati fawanaboneni.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 7:35

Hibati‑ya Mose‑ya Isara·eo‑ka nodi mai nofara, ‘Oda‑ka hidi tihara, oda ene tikadikariyahi!’ Mai ati namete. Fare Deoso ati ene mai‑ka hidi tohawahebonane. Deoso‑ka yo‑yose awa hirini‑kaya i‑di Mose awe, ati ene Isara·eo‑ka nodi mai‑ya i‑di Mose kasomebona mai‑ya seekanebonane.

Yeso‑ka yo‑yose mai tamine 7:54

Tefaho ati‑ya mai mita, mai yawi kita, mai nafi ini kawakosa,

Korito daidi 1:20

Yama‑ya mai wa‑wato‑mone mai toha, Mose‑ka yama hani ati‑ya mai ka‑kamina mai toha, mai ibi ati wa‑wara mai toha na, Deoso ati‑ya mai nofara Deoso ene ka‑kana mai‑nima mai nawahani.

Korito daidi 1:21

Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 2:12

Deoso‑ka Doni ai atibodi‑ya sawi ene Deoso atibodi ati ai watowaha, Deoso ati‑ya mai nofara mai atibodi ati‑nima ai atibodi ati ni awira, Deoso yama‑ya daanebona tamine‑ya ai watoneni.

Korito yoto‑ke 10:10

“Yama hani‑ya i‑di Baoro oda‑ya weene. Oda tabaro‑ya koboneya, ati yanani amosare, habo siitone, oda‑ya weeterene. Yama‑ya mai watora mai ati‑nima ati nane.” Dai one ati namoneni.

Korito yoto‑ke 4:7

Atabo‑ya Deoso ai‑ya wamanemata, ai kitara, Deoso kitabote ai‑ya sawi, ati yokana ai kamine, ai ene kitara, Deoso‑ta ene kitabote tohe‑ya mai watowahaboneni.

Tiyako 2:5

Oka soho dai toha, owati dai mitahi. Yama dama‑ya mai kihara Deoso mai‑ya kadikemata, Deoso ati‑ya mai nofi ba‑basi na, mai tabori‑bone‑ya wamane, “Owati‑ya dai no‑nofa owa tabaro‑ya dai winaboneni.” Deoso ati nematane.