Korito daidi 1:21 - Deoso-ka Yama Hani

²¹ Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.

Korito daidi 1:21 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Roka 10:21

Mai‑ya hiyareya, Deoso‑ka Doni ene Yeso ya‑yaine, ati yanane, “Abi Deoso, bofe‑ka hidi tiha, neme‑ka hidi tiha, tiwa ene ya‑yai·oneni. Yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na, tiwa ene‑ya mai watobisineni. Tiwati‑maro‑nima yama nineni.” Yeso ati nematane.

Roka 12:32

Oka dai amani. Dai habo siitoriyahi. Ai‑ka Abi dai‑ya nofe, dai nafi‑ka hidi kitabote tohawahebona‑ya dai saweboneni.

Yowaho 12:31

“Hibayata bofe‑ke mai ene Deoso kadikebonane. Hibayata bofe‑ke mai‑ka hidi‑ya Deoso kananebonane.

Homa 1:28

Deoso ati‑ya mai nofara, Deoso mai‑ya saatokase, hini mai ihi Deoso mai‑ya hiyarami awirane. Mai atibodi yama towe kobohina, hini mai atibodi ati‑nima mai ihi nawahani. Haa‑nima mai ihi rabone Deoso ati ne, haa‑nima mai ihi teni.

Homa 11:33

Ka! Yama nafi‑ya Deoso wato, ene nafi ai watorihi, ati nafi ai watorihi ne, yama ai wata‑ya Deoso‑ka yama wato fiyakani nafineni.

Korito daidi 1:18

“Awa‑ya Yeso mai baahikane, ai manakone‑ya nanahabemarine.” Ai ati na, Deoso ati‑ya mai nofara ai ati‑ya mai hahakana, mai ababoneni. Deoso ati‑ya ai no‑nofa Yeso abe tamine‑ya ai mita, ai ya‑yaina, Deoso ene kitabote tohe‑ya ai wato, Deoso tabaro‑ya ai winaboneni.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Korito daidi 1:24

Deoso mai‑ya haanemataya, “Deoso ene Kirisito kitabote amane.” Yodeo mai ati teni. “Deoso ene Kirisito yama nafi‑ya watobisane.” Kereko mai ati teni.

Korito daidi 1:25

Yama ai wato bi‑bidi nibisa, Deoso yama nafi‑ya watobise, ai nafi‑ka yama wato‑ya Deoso‑ka yama wato fiyakana, ai nafi kiti‑ya Deoso yehe bidi ohari kiti fiyakana nane.

Korito daidi 1:27

Yama ai watora Deoso ai‑ya haane, yama‑ya mai watamaro mai‑ka yama wato‑ya ai wato fiyakana, ai kitara Deoso ai‑ya haanemari, mai kitamaro, mai kiti‑ya ai kiti fiyakawaha ai teni.

Korito daidi 11:32

Ai ene‑ya Deoso kadikeya, ai‑ka abi bofe‑ke ene‑nima ai‑ya wee, ai‑ya kosi neba awane, Satanasi‑ka mai ababone mai‑nima ai ni awirabonehe.

Korito daidi 2:14

Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.

Korito daidi 4:10

Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.

Korito daidi 6:2

Yeso kamataseya, Yeso ati‑ya ai no‑nofa mai nafi ihi ai kadikabone, hibayata yama bide kadiki dai watokarini?

Karatiya 1:15

Deoso owa‑ya nofe, owadi awisari‑ya owa‑ya kadikematane, ati okaminebonaha.

Karatiya 4:8

Hibati‑ya Deoso yokana dai watora, madi mai ati dai nofamaro, deoso mai amanikani dai ati na, mai ati‑ya dai tokadabamaroni.

Efesiyo 1:9

Hibati‑ya Deoso atibodi yama kobohina‑ya mai watoramete, Kirisito ene Deoso ai‑ya kanawatowahe, yama Deoso hinofa ai watowahineni.

Efesiyo 3:10

Kirisito‑ka ai hinama toha ai‑ya Deoso‑ka yo‑yose mai awa, madi ai‑ya mai awa, mai na, yama nafi‑ya Deoso wato, yama ati kobohina amosabote toha‑ya mai awawahaboneni.

Koroso 1:19

Deoso hini‑ya hiyare, “Owa‑nima oka dao nane.” Ati nane. Deoso‑nima Bidi, i‑di Yeso Kirisito nane. Yeso ai toha Deoso toha nane.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Ebereo 2:3

Deoso Bidi Badi ati‑ya kamine, ati ai tokadabare, ai manakone amosara ba‑basi nibisaboneni. Deoso Ati Amosabote‑ya Bidi mai‑ya kamine, Yeso ati‑ya mai mita, ati mai hikaminamaki, ati oda mitane.

Ebereo 7:25

Yeso ati ai nofa, Deoso‑ka ai tohawaha, Yeso ai‑ya kasomatene. Ai aba, Deoso tabaro‑ya ai‑ya towakamebonane. Yeso abamatere, ai tamine‑ya kaminatene Deoso‑ya. “Abi, owati‑ya mai no‑nofa mai tikasomahi. Mai ihi amosariya, mai manakone onahabamaroni. Mai‑ya tiwati yawariyahi.” Yeso ati tene.

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.

Tiyako 5:15

Deoso‑ya mai hiyariya, mai ati‑ya Deoso nofebona mai atibodi ati na, Deoso dai‑ya nakitamebonane. Dai ene amosaramaro, Deoso dai‑ya ati somawamebonane.

Tiyako 5:20

dai ene dai owa abarebona, Deoso ati somawame, ene amosare Deoso hikadikami awirebonane.