Korito daidi 1:20 - Deoso-ka Yama Hani

²⁰ Yama‑ya mai wa‑wato‑mone mai toha, Mose‑ka yama hani ati‑ya mai ka‑kamina mai toha, mai ibi ati wa‑wara mai toha na, Deoso ati‑ya mai nofara Deoso ene ka‑kana mai‑nima mai nawahani.

Korito daidi 1:20 ပူးပေါင်းရင်းမြစ်များ

Mateo 13:22

Atiwa mete‑ya yamata noki sona, fara Deoso ati‑ya mai mita, makobote yamataha, bora, yinero na‑ya mai nokotonihe, Deoso ati‑ya mai nokotonimara, yamata atiwa‑ya daba, bonora‑nima mai na, mai ihi amosa‑ba wadarani.

Yowaho 12:31

“Hibayata bofe‑ke mai ene Deoso kadikebonane. Hibayata bofe‑ke mai‑ka hidi‑ya Deoso kananebonane.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Homa 1:20

Bofe‑ya Deoso ene‑ya mai nafi awa, neme‑ya ene mai hiawahari hine. Deoso kitabote tohe‑ya mai awateni. Deoso‑ya mai watora, hini mai ihi tohateni.

Homa 1:22

Yama nafi‑ya mai watamone mai ati na, mai atibodi honita toha, hiniya mai ka‑kana nawawahani.

Korito daidi 1:19

“Yama nafi‑ya ai owa watomona mai dami ati na, Deoso ati‑ya mai nofara, Deoso ene yama‑ya mai watora mai‑ya mai dami awawahaboneni. ‘Owa‑ta yama owatobisini.’ Mai one ati na, Deoso ene yama‑ya mai watora mai mai hiwatowahaboneni.” Deoso‑ka yama hani ati nineni.

Korito daidi 1:26

Soho, Deoso dai‑ya haanemari tamine dai kadikahi. Yama nafi dai watorihi, dai kitabote toharihi, mai‑ka hidi dai toharihi na, hiniya Deoso dai‑ya haanemarine.

Korito daidi 1:27

Yama ai watora Deoso ai‑ya haane, yama‑ya mai watamaro mai‑ka yama wato‑ya ai wato fiyakana, ai kitara Deoso ai‑ya haanemari, mai kitamaro, mai kiti‑ya ai kiti fiyakawaha ai teni.

Korito daidi 1:28

Hibayata mai mai hinofara Deoso mai hikadika, mai amosawahaboneni. Hibayata mai mai hinofabisa mai fawanaboneni. Towe mai‑mone mai one ati na, Deoso mai hikadika, mai amosawahaboneni. Mai amosa‑mone mai one mai hina, mai amosi fawanaboneni.

Korito daidi 11:32

Ai ene‑ya Deoso kadikeya, ai‑ka abi bofe‑ke ene‑nima ai‑ya wee, ai‑ya kosi neba awane, Satanasi‑ka mai ababone mai‑nima ai ni awirabonehe.

Korito daidi 2:6

Deoso ati‑ya mai no‑nofa ai hawa toha‑nima mai na, oda ati‑ya mai mita, yama‑ya mai wato ba‑basi naboneni. Yama nafi‑ya mai watamone mai ati na, mai ati‑nima oda ati ni awirini. Yama nafi‑ya mai watamone mai ati na, mai ati fawanaboneni. Deoso ati oda kamine, ati fawaterebonane.

Korito daidi 2:8

Yeso Deoso Bidi tohe tamine‑ya ai‑ka hidi mai one watora, mai baahikanematane. Tamine mai hiwato‑mana, ai‑ka Hidi amosabote mai baahikare namatane.

Korito daidi 3:18

Deoso ati‑ya mai nofara dai tamine‑ya mai hiyariya, yama‑ya dai watamone mai ati na, mai ati dai nofariyahi. Mai ati dai nofa‑mani, hini dai‑ya dai keyehe neni. Ka‑kana dai‑mone mai ati na, fara yama dai wato ba‑basi na awineni.

Korito daidi 3:19

Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.

Korito daidi 6:2

Yeso kamataseya, Yeso ati‑ya ai no‑nofa mai nafi ihi ai kadikabone, hibayata yama bide kadiki dai watokarini?

Tiyako 4:4

Mai dami‑ya mai da‑dakora mai‑nima dai na, yama dai watokarini? Satanasi‑ka yama ai nokotonihe Deoso ai‑ka no‑nofa tohaterebonane. Satanasi‑ka ai‑ya mai nofabone mai ihi‑nima ai ene na, Deoso ai ene‑ya kakotebonane.