Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korito daidi 1:18 - Deoso-ka Yama Hani

18 “Awa‑ya Yeso mai baahikane, ai manakone‑ya nanahabemarine.” Ai ati na, Deoso ati‑ya mai nofara ai ati‑ya mai hahakana, mai ababoneni. Deoso ati‑ya ai no‑nofa Yeso abe tamine‑ya ai mita, ai ya‑yaina, Deoso ene kitabote tohe‑ya ai wato, Deoso tabaro‑ya ai winaboneni.

အခန်းကိုကြည့်ပါ။ ကော်ပီ




Korito daidi 1:18
21 ပူးပေါင်းရင်းမြစ်များ  

Dai habo kita, Deoso ati dai mitahi. ‘Owati‑ya mai mita owa ene‑ya mai awa, tiwa‑ya mai kamina, mai ati dai nofaraboneni. Mai ati dai nofara, dai habo siitona, dai abawahaboneni.’ Deoso ati nematane.” Baoro ati nemonane.


Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.


Yeso abe kitame, tamine‑ya mai mita, Baoro‑ya mai one hahakana, “Mahi owa‑ya tiwati oda mitamatasaboneni.” Mai one ati na.


Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.


Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.


Yama dama‑ya mai wa‑wato‑mone mai ati na, yama wato ihi Deoso hawine‑ya mai wasiterani. Deoso ene Yeso abe, ai manakone‑ya nanahabe tamine oda kamine, oda ati‑ya mai nofa, Deoso hawine‑ya mai wasiteni. Oda ati‑ya mai nofara, ka‑kana oda‑mone mai ati na, Deoso hawine‑ya mai wasirani.


Deoso Ati Amosabote ati dai nofa, Deoso tabaro‑ya dai winaboneni. Deoso Ati Amosabote‑ya mai atibodi nofara, hiniya mai ati hinofabise, Deoso tabaro‑ya mai winateraboneni.


Deoso‑ka Doni mai‑ya sawire, Deoso ati‑ya mai watora, “Deoso ati honita tohabisane.” Mai ati teni. Deoso ati‑ya Deoso‑ka Doni mai‑ya kanawato awireya, Deoso ati‑ya mai watoteraboneni.


Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.


Deoso ati‑ya mai nofara, “Yama nafi‑ya oda watoneni.” Mai ati na, yama‑ya mai watora, ka‑kana mai amani. “Hini mai ati mai‑ya kobotonamatasaboneni.” Deoso‑ka yama hani ati nineni.


Kirisito ene yama dai watamone dai ati na, Kirisito ati oda kamina, ka‑kana oda namone mai ati teni. Dai kitamone dai ati na, oda‑ta oda kitaramone mai ati teni. Dai‑ya mai kahiyara, oda‑ta oda‑ya mai kakobisineni.


Deoso ati‑ya mai nofarabone, mai atibodi‑ya keyehe‑ya Satanasi barikane, mai atibodi ba‑barikana‑ya ai ati seekiterani. Deoso ati kitabote tohe, ati oda kamine, mai atibodi ba‑barikana‑ya Deoso ati seekitine.


Deoso ati‑ya mai nofa oda ati‑ya mai mita, oda ati‑ya mai watoneni. Deoso ati‑ya mai nofara oda ati‑ya mai mita, mai atibodi barikana oda ati‑ya mai watora, mai abiya, madi mai‑ya mai dabawahaboneni.


Dai‑ya oda hiyara oda ati tohi awiramaroni. Deoso Ati Amosabote ati oda hiyarabisamaroni. Deoso‑ka Doni ene kite dai awemarine. Deoso ati‑nima oda na, keyehe‑ya oda hiriterani. Oda ene‑ya dai awamaro, dai‑ya oda nofi nafe, oda dai watoneni.


Yeso ati‑ya mai nofara, Satanasi‑ka owa keyehe‑ya mai‑ya hirikane, Satanasi‑ka owa ati‑ya mai nofawahaboneni. Hibati‑ya Deoso mai‑ya kasomebona ati ne, Deoso ati‑ya mai nofaramaro, mai abawahaboneni.


Yeso‑ta ai nokotoni oharibisahi. Yeso ene Deoso ati ai nofa, Deoso tabaro‑ya ai winamakeboneni. Yeso Deoso ati‑ya tokadabe, fare‑nima ai nahi. “Deoso owa‑ya kasomebona, ene ya‑yai·onaboneni.” Yeso ati ne. Yeso mai baahikane, awa‑ya waane, abe, mai hahahikane, mai‑ya yawaremata, hibayata Deoso itari‑ka kanika‑ya itariwahane.


Deoso ati kitabote tohe, yima ini fama, ini inokima‑nima ne. Ai atibodi ai korimari na‑ya kebitene. Ai atibodi ati, ai atibodi yama hinofa hina‑ya kadikatene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ