Korito daidi 1:11 - Deoso-ka Yama Hani

¹¹ Dai tamine‑ya i‑di Korowe‑ka owa‑ya mai kamina, dai ibi weenamone mai ati naroni.

Korito daidi 1:11 ပူးပေါင်းရင်းမြစ်များ

Korito daidi 1:10

Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 1:12

“I‑di Baoro‑ka oda amani.” Dai one ati nihi, “I‑di Aboro‑ka oda amani.” Dai one ati nihi, “I‑di Bedoro‑ka oda amani.” Dai one ati nihi, “I‑di Kirisito‑ka oda amani.” Dai one ati nihi namone, i‑di Korowe‑ka mai ati naroni.

Korito daidi 11:18

Dai yorotokana, fara hinama dai tohabone Deoso ati ne. Dai‑ya dai ebenawahamone mai ati na, mai ati omitani.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito yoto‑ke 12:20

“Dai tabaro‑ya kobo·oniya, dai ene amosaraba awineni.” Owatibodi ati na. Dai ene amosara‑mani, owa ene dai nofara neni. Dai ibi wee, mai one‑ka yama‑ya dai ati kayafa, dai ibi ati yawa, dai one‑ya dai ati kasomara, keyehe‑ya dai hiri, mai noki beheri‑kaya mai tamine‑mone‑ya dai kamina, dai‑ya dai kahiyarabisa, dai ibi nimani awira, dai ene haa‑nima niya, owa ene‑ya dai awaboneni.

Karatiya 5:15

Dai ibi wee, dai ibi bisi, dai ibi tokatowe na, dai abawahaba awineni. Dai noko wadahi dai nafi abarabonehe. Dai ibi nofabisiyahi.

Karatiya 5:20

Mai‑ka deoso bare‑ya mai kahiyara, madi mai‑ya mai hiyara, mai ibi wee, mai ati yawa, mai ibi kaka, mai yorotokaterani. Hini mai‑ya mai nofabisineni.

Karatiya 5:26

Deoso‑ka Doni ai ene‑ya namose, ai‑ya ai kahiyarariyahi. Ai ibi weerihi, ai one‑ka yama‑ya ai ati koborihi ai nahi.

Firibo 2:14

Dai ibi towe tonirihi, dai ibi ati wararihi, dai nahi.

Timoti daidi 6:4

towe mai amani. Hini mai‑ya mai kahiyarabone mai ati toha, mai ati ihi mai ibi wee, mai ibi yawa, mai ibi kaka, mai yorotokaterani.

Tito 3:9

Yama one tamine‑ya mai hiyara, mai ibi weena, mai‑ya tisawiriyahi. Yama ai watora tamine‑ya ai ibi weerihi, Mose‑ka yama hani tamine‑ya ai ibi weerihi, ai nahi. Yama one tamine‑ya ai ibi weeniya, ai ati‑ya mai one mita, Deoso ati‑ya mai nofaraba awineni.