Korito daidi 1:10 - Deoso-ka Yama Hani

¹⁰ Oka soho dai amani. Owati dai mitahi. Ai‑ka Ayo i‑di Yeso Kirisito ati ene dai ibi weerihi, dai yorotokana dai ibi eberihi, dai ibi nofabisa, Yeso atibodi ati‑nima dai nafi atibodi ati nahi.

Korito daidi 1:10 ပူးပေါင်းရင်းမြစ်များ

Mateo 9:16

“Ai‑ka bora bote hodeya, bora ibe yati ai nawaana, bora ai sokonawaha, bora ibe yati bi‑bidi nawama ihi bora bote nafi sibitonaboneni. Haa‑nima yama na towe tohateni.

Maroko 2:21

“Ai‑ka bora bote hodeya, bora ibe yati ai nawaana, bora ai sokonawaha, bora ibe yati bi‑bidi nawama ihi bora bote nafi sibitonaboneni. Haa‑nima yama na towe tohateni.

Maroko 3:24

Hidi webote hika mai dama mai ibi bisiniya, hidi webote kiti fawanebonane.

Yowaho 10:19

Yeso ati‑ya oda‑ka hidi mai mita, mai ibi weenamatasa,

Yowaho 17:23

Owa‑ya tisawi mai‑ya osawi ona, mai nafi ohariwamabonehe. Mai ihi‑ya mai one awiya, owa‑ya tiyosemaro, owa‑ya mai watowahaboneni. Owa tinofi‑nima oka mai tinofahare, mai‑ya mai watowahaboneni.

Yowaho 7:43

Yeso ati‑ya mai one nofa, Yeso ati‑ya mai one nofarihi nani.

Yowaho 9:16

“Maki Deoso‑ka tohare awane, Deoso‑ka mai toha sabado‑ya yama‑ya mai aniterani.” Fariseo mai one ati na, “Ati kasiro awire awane, ene kite, Deoso hikasomare‑mana, ene kitare nane.” Fariseo mai one ati na, mai ibi weenameteni.

Yeso‑ka yo‑yose mai tamine 4:32

Yeso ati‑ya mai no‑nofa mai atibodi fara hinama toha, “Owa hare oka yama tohi awirini. Ai nafi‑ka yama amani.” Mai nafi ati teni.

Homa 1:13

Dai tabaro‑ya okabone onamaro, mai tabori‑ya yama aninasa ona, dai tabaro‑ya okara. Bara mai dama mai‑ya ohiyarineni, Yeso ati‑ya mai nofabonehe. Makobote dai‑ya ohiyaramakebone onani, Yeso ati‑ya dai one nofamakebonehe.

Homa 12:1

Yodeo dai toha, Bara dai toha, dai na, oka soho dai amani. Owati dai mitahi. Deoso dai‑ya kasomi nafi ene Deoso‑ya dai‑ya dai daanahi. Hibati‑ya Deoso‑ya mai kahiyarabone, Deoso mai‑ya kayafebona, bani‑ya mai nanahaba, Deoso‑ya bani‑ya mai daanameteni. Deoso dai‑ya kayafemari, fara dai‑ta dai abara, dai hasina, Deoso‑ya dai‑ya dai daanahi, Deoso ati‑ya dai tokadababonehe. Haa‑nima dai ene niya, Deoso ya‑yainebonane.

Homa 12:16

Hini dai‑ka yama‑bone‑ya dai nokotini ohaririyahi. Dai atibodi fara hinama tohahi. Dai one‑ka yama‑bone dai nokotoniharihi. Yama‑ya mai kihara mai‑ya tisawiyahi. Tiwa‑ta tinofabisa tiriyahi.

Homa 15:30

Oka soho dai toha, Yeso Kirisito ai‑ka ayo toha ne, Deoso‑ka Doni ene ai ibi nofa, owa‑ya dai kasoma, owa tamine Deoso‑ya dai hiyarahi.

Homa 16:17

Oka soho dai toha, owati dai mitamakihi. Dai‑ya mai kanawata mai ati ihi dai ebekanabone, mai ati dai nofariyahi. Yeso ati dai mitamaro, ati‑nima mai ati ni awira, mai ati dai nofariyahi.

Korito daidi 1:11

Dai tamine‑ya i‑di Korowe‑ka owa‑ya mai kamina, dai ibi weenamone mai ati naroni.

Korito daidi 11:18

Dai yorotokana, fara hinama dai tohabone Deoso ati ne. Dai‑ya dai ebenawahamone mai ati na, mai ati omitani.

Korito daidi 12:25

Ai kobobona hinama‑ya ai nofa, ai kobobona amosara‑ya ai kakoterani.

Korito daidi 3:3

Deoso ati‑ya dai nofi awisara awineni. Deoso ati‑ya mai nofara, mai ihi‑nima dai ene na, dai ibi wee, dai one‑ka yama‑ya dai atibodi kayafawaha na, mai ihi‑nima dai ene namariyahi.

Korito daidi 4:16

Dai‑ka abi‑nima ona, owa ene‑nima dai ene nahi.

Korito yoto‑ke 10:1

Baoro ama·oni. Owati dai mitahi. Owati hamara, owati somateni. Hibati‑ya Kirisito ati somemata‑nima owati somateni. Dai‑ya osawiya, owati somabisa, yama hani‑ya owati hamatemone dai owa ati nemona mai ati nineni.

Korito yoto‑ke 13:11

Feye amani. Deoso ati‑ya dai tokadabi ohare, oka yama hani dai kadika, ati‑nima dai nahi. Dai one ati dai mita, fara dai atibodi ati kafamiya, dai ibi weeraboneni. I‑di Deoso dai‑ya sawi, dai‑ya nofe, dai atibodi ati‑ya nasomebonane.

Korito yoto‑ke 13:9

Dai ene amosi nafe, oda‑ya ya‑yainihe, oda ene kitaramone mai ati na, sibarineni. Dai ene amosi ba‑basi nabone, dai tamine Deoso‑ya oda hiyarateni.

Korito yoto‑ke 5:20

Deoso oda‑ya yosemarine, Yeso Kirisito ati dai‑ya oda kaminabonehe. “Deoso dai‑ya nofe, dai‑ya nokotonihi. Ati dai nofaho, Deoso‑ka dai tohawahabonehe.” Oda ati teni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 4:12

Oka soho dai amani. Owati dai mitahi. Yodeo mai ati‑nima onami awira, owa‑nima dai nahi. Owatibodi‑ya dai nakomara, dai‑ya mai yaditonamariyahi. Dai owa ama·oni.

Firibo 1:27

Dai ene‑ya mai awa, Kirisito ene‑nima dai ene na‑ya mai awiyahi. Dai tabaro‑ya kobo·ona, kobo·orihi ona, dai tamine omitaboneni. Dai ibi nofiya, Kirisito‑ka yama ani‑ya dai nafi aniniya, mai one Deoso ati‑ya mai nofaboneni.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Tesaronika daidi 5:13

Dai‑ya mai ka‑kanawato mai ihi mai‑ya dai nofi nafiyahi. Dai narabo hawihi, mai ati dai mitabonehe. Dai ibi weeriyahi.

Tesaronika yoto‑ke 2:1

Owati dai mitamakitasahi. Ai‑ka Ayo i‑di Yeso Kirisito kamataseya, ai‑ya towakamebona tamine dai watoyahi.

Timoti daidi 5:21

Owati timitamatasahi. Deoso, Yeso, Deoso‑ka yo‑yose mai toha na, mai ati‑nima owati nineni. Ai owa ene amosare, weetiyaho. Ene amoseya, weetirayaho. Mai ihi amosa, mai ai weeterani. Mai ihi amosariya, mai weetiyahi. Tika no‑nofa ene amosareya, weetiyaho. Ai‑ka no‑nofa‑mare ene amosare, ai weenahariteni.

Timoti yoto‑ke 4:1

Yeso Kirisito kamataseya, ai nafi ene‑ya kadikebonane. Ai hasina, ai ene‑ya kadika, mai abamete mai ihi‑ya kadika nebonane. Ai one‑ya kayafa, ai one‑ya sarikana nebonane. Deoso owati‑ya mite, owati timitaharihi.

Bedoro daidi 2:11

Oka dai amani, dai onofa, owati dai mitahi. Bofe‑ya dai wi‑wina, dai noko wadahi. Bofe‑ya dai tabaro yokana tohara, neme‑ya dai tabaro yokana tohateni. Deoso ati‑nima dai nahi. Yama amosara‑ya dai atibodi bote nokotonihe, dai atibodi yati‑ya weenaditeni, Deoso ati‑ya dai tokadabarabonehe.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.