Korito daidi 1:1 - Deoso-ka Yama Hani

¹ Baoro ama·oni. Deoso ati ene Yeso Kirisito‑ka yo‑yose ama·oni. Ai‑ka soho i‑di Sotenesi owa‑ya sawi, dai‑ka yama hani‑bone oda kanahanoneni.

Korito daidi 1:1 ပူးပေါင်းရင်းမြစ်များ

Roka 6:13

Mahi kaki‑ya hika mai da‑daba mai‑ya haane, mai one 12 kana mai‑ya kadikematane, hika yo‑yose mai bonehe.

Yowaho 15:16

Owa‑ya dai kadikara, dai‑ya okadikabisa, dai‑ya oyosemaroni, dai bonabonehe, dai ene amosa fawarabonehe. Yama onofa‑nima yama na dai nofa, yama dai haana‑ya Okobi daanebonane.

Yowaho 20:21

“‘Deoso dai‑ya kasomayaho.’ Oneni. Okobi owa‑ya yosemari‑nima dai‑ya oyosewahineni.” Yeso ati nemarine.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 1:2

Neme‑ya Yeso tokome tamine okanahano, neme‑ya toki awisareya, Deoso‑ka Doni ene hika yo‑yose mai hikadikamaro, mai‑ya hiyaremonane.

Yeso‑ka yo‑yose mai tamine 18:17

Deoso‑ya Yodeo mai hi‑hiyara‑ke yobe mai‑ka hidi i‑di Sotenesi‑ya mai waratona, Kariyo‑ka yobe‑ya mai hiwakame, Kariyo‑ka yobe‑ya mai kosihineya, hiniya Kariyo mai‑ya kakatomane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 1:10

Dai tabaro‑ya okabone ona, “Abi Deoso, Homa‑ya mai wi‑wina mai tabori‑ya okabone ona, tiwati amosiya, mai tabori‑ya okaboneni.” Oteni.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Korito daidi 15:9

Yeso‑ka yo‑yose mai one amosabisa, owa‑ta towe ama·oni. Hibati‑ya Yeso ati‑ya mai no‑nofa mai‑ya bisi·onamaroni. Owa ene‑maro Deoso owa‑ya yosere‑mana, sibare nane. Owa‑ya yosemarine.

Korito daidi 3:9

Deoso‑ka yama‑ya i‑di Aboro oda fama oda anina, Deoso‑ka fadara‑nima dai nihi, Deoso‑ka yobe‑nima dai nihi, dai nineni.

Korito yoto‑ke 1:1

Yeso‑ka yo‑yose i‑di Baoro ama·oni. Deoso owa‑ya yosemarine, Yeso ati okaminabonehe. Korito‑ya dai wi‑wina, Akaiya nafi‑ya dai wi‑wina dai na, Deoso‑ka dai toha dai‑ka yama hani‑bone i‑di Timoti oda kanahanoneni.

Korito yoto‑ke 11:5

Yeso‑ka yo‑yose amosabote mai‑mone mai ati na, Yeso‑ka yo‑yose ohaharineni. Owa ene‑ya mai ihi fiyakiterani.

Korito yoto‑ke 12:12

Dai tabaro‑ya owina, Deoso ene dame‑ya dai awa, dai habo siitona, “Ka! Haa‑nima ai ene na, oda awaterani. Deoso ene amosabote amane.” Dai ati namaroni. Yeso‑ka yo‑yose ohara‑mani, Deoso ene‑ya dai awara neni.

Korito yoto‑ke 8:5

“Yama bide‑ya mai daanaba amanikani.” Oda ati na, oda ati‑ya mai fiyakana, yama nafi‑ya mai daanineni. Deoso‑ya mai‑ya mai daani baha, Deoso ati ene oda ati‑ya mai tokadababone mai ati nineni.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Efesiyo 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemarine, Yeso Kirisito‑ka yo‑yose ohawahabonehe. Efesiyo‑ya dai wi‑wina Yeso Kirisito ati dai tokadaba, dai‑ka yama hani‑bone okanahanaboneni.

Efesiyo 4:11

Kirisito yama wa‑wato‑ya daanane, Yeso‑ka ai toha ai‑ya kasomebonaha. Hini hika yo‑yose mai‑bone‑ya ai owa‑ya daa, Deoso ati‑ya mi‑mita mai‑bone‑ya ai owa‑ya daa, Deoso ati‑ya hi‑hiyara mai‑bone‑ya ai owa‑ya daa, Deoso ati‑ya ka‑kanawato mai‑bone‑ya ai owa‑ya daa tene.

Koroso 1:1

Baoro ama·oni. Yeso Kirisito‑ka yo‑yose ama·oni. Deoso owa‑ya kadikemari, Yeso Kirisito‑ka yo‑yose ohawahabonehe. Timoti owa‑ya sawi, i‑di Timoti oda fama dai‑ka yama hani‑bone oda kanahanaboneni.

Timoti daidi 1:1

Baoro ama·oni. I‑di Yeso Kirisito‑ka yo‑yose ama·oni. I‑di Deoso owa‑ya kadikemarine, hika ohabonehe. I‑di Yeso Kirisito ai‑ya ka‑kasoma, kamebona ai nimaneni.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:1

Baoro ama·oni. Deoso ene Yeso Kirisito‑ka yo‑yose ama·oni. Hibati‑ya Yeso abe, ai manakone‑ya nanahabe, Yeso ati‑ya mai nofiya, mai abiya, Deoso tabaro‑ya mai winabisabone Deoso ati nane.