Karatiya 5:3 - Deoso-ka Yama Hani

³ Owati dai mitahi. I‑di Mose ati ene dai‑ya Deoso ati somawamebona dai ati na, ati nafi dai tokadabaho. Hiniya dai sowiri tati ataro‑ya mai wisinakosa, Mose ati nafi dai tokadabara, Deoso dai‑ya ati somawamarebonane.

Karatiya 5:3 ပူးပေါင်းရင်းမြစ်များ

Mateo 23:16

Ka! Yama‑ya dai watora mai dai kanawatoteni. Dai ene manakone wadani. Deoso‑ka yobe oni‑ya mai hirina, ‘Mai‑ka keyehe hini tohiya.’ Dai ati teni. Deoso‑ka yobe‑ka oro oni‑ya mai hirina, ‘Dai ati‑nima dai nahi.’ Dai ati teni.

Mateo 23:18

Deoso‑ka bani ai da‑daa‑ka mesa oni‑ya mai hirina, ‘Mai‑ka keyehe hini tohiya.’ Dai ati teni. Deoso‑ka bani‑bona mesa‑ya sookari, bani oni‑ya mai hirina, ‘Dai ati‑nima dai nahi.’ Dai ati teni.

Roka 16:28

Yama kome kita‑kaya osawineni. Oka soho mai 5 kana mai‑ya i‑di Rasaro hiyaraho, owa‑kaya mai kamakirabonehe.’ Ati nane.

Yeso‑ka yo‑yose mai tamine 15:1

Yodeya‑ya mai wi‑wina Atioki‑ya mai toka, Kirisito‑ka mai‑ya mai kanawata, “Mose ati‑nima dai sowiri tati ataro abahi. Dai sowiri tati ataro abi awiriya, Deoso dai‑ya ati somawamaterebonane.” Mai ati namoneni.

Yeso‑ka yo‑yose mai tamine 2:40

Bedoro mai‑ya hiyari dame, “Mai dama mai ihi amosara, mai‑nima dai riyahi.” Bedoro ati nemonane.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Homa 2:25

Deoso‑ka dai tohabone, dai sowiri tati ataro‑ya mai wisinakosamaro. Deoso ati dai tokadaba‑mani, Deoso dai‑ya kasome nane. Deoso ati dai tokadabara, Deoso‑ka dai tohi awira. Mai sowiri tati atori abara mai‑nima dai nawahani.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.

Karatiya 5:2

Baoro ama·oni. Owati dai mitahi. Dai sowiri tati ataro‑ya mai wisinakosiya, Deoso dai‑ya ati somawamebona dai atibodi ati na awineni. Dai sowiri tati ataro aba ene Deoso dai‑ya ati somawame‑mana, Yeso Kirisito abe honitabise tohane.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 4:17

Ai‑ka Hidi, i‑di Kirisito ati dai mitahi. Hibati‑ya Bara mai one ihi‑nima dai ene namaro, haa‑nima dai ene namariyahi.

Tesaronika daidi 4:6

Ai owa‑ka yibote dai idiriyahi. Ai owa‑ka yibote dai ahaniya, haa‑nima dai ene niya, Deoso yaweya, dai manakone amosara‑ya daanebonane. Dai manakone dai nofaraboneni. Hibati‑ya oda ati dai mitamaroni, dai oda hiyararo.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.