Karatiya 4:9 - Deoso-ka Yama Hani

⁹ Deoso yokana dai watowaha, Deoso dai‑ya watoharine, hini yama‑bone madi mai‑ya dai ati hiyaramiti? Madi mai ati dai nofamatasiya, dai‑ya mai yosematasaboneni. Dai‑ka hidi mai tohawahaboneni. Madi mai kitara, dai‑ya mai kasomateraboneni.

Karatiya 4:9 ပူးပေါင်းရင်းမြစ်များ

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Yowaho 10:14

Kaneiro mai‑ka hidi amosabote ama·oni. Oka kaneiro mai owato, owa‑ya mai watohari nineni.

Yowaho 10:27

Oka kaneiro mai owatoni. Owati‑ya mai nofa, owa‑ya mai tokomakiteni.

Yowaho 17:3

Deoso yokana amatini. Deoso owa wadaterene. Yeso Kirisito ama·oni. Owa tiyosemaroni. Ai‑ya mai nofiya, mai abateraboneni.

Homa 8:29

Hibati‑ya Deoso ai‑ya awe, ai‑ya kadikematane, Bidi i‑di Yeso‑nima ai nawahabonehe. Deoso Bidi daidi i‑di Yeso tohe, sohori ai damawahaboneni.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Korito daidi 13:12

Hibayata isibiyo towe‑ya ai awi‑nima Deoso‑ya ai awi re‑refona, makobote Deoso noko ai awawahaboneni. Hibayata owato bide oha, makobote Deoso owa‑ya wato‑nima yama owatowahaboneni.

Korito daidi 15:34

Dai amona‑nima dai na, dai dodafiya, dai atibodi dai kadikahi, dai ene amosabonehe. Mai one yama‑ya mai wa‑wato‑mone mai ati na, Deoso‑ya mai nofara dai‑ya keyehe‑ya mai hirikanateni, dai ene amosarabonehe. Yama dai watabone ona, yama dai watora awineni.

Korito daidi 8:3

Deoso ai nofe ai‑ya wato nafitene.

Korito yoto‑ke 11:20

Amosabote mai‑mone mai ati na, dai‑ya mai yose, dai‑ya mai keyehe, dai‑ka yama‑ya mai kayawa, dai‑ya mai bisi na, mai ati dai nofasa nineni.

Korito yoto‑ke 4:6

Hibati‑ya yama soki hinama tohaya, Deoso ati yanane, “Yama wahi tohawahi.” Ati ne. Ati ene yama wahi tohawahameteni. Makobote Bidi i‑di Yeso Kirisito‑ya yose, ai atibodi noko‑ya Bidi noko wehene ai aweya, Deoso amosabote tohe ai watowahaboneni.

Karatiya 3:3

Deoso‑ka Doni ene Deoso‑ka dai tohawaha, hini dai ene dai amosawamabone dai ati na awineni? Dai ka‑kana na awineni. Dai ene amosawamabone dai ati na, dai ene tohi awiraboneni. Deoso‑ka Doni ene tohabisebonane.

Karatiya 4:3

Fara‑nima Kirisito koboni awisareya, madehe‑nima ai na, Mose ati‑ya ai one tokadaba, madi mai ati‑ya ai one tokadaba na, ai ene amosara ai‑ya mai yaditonamaroni. Mai‑ka yo‑yose mai‑nima ai namaroni.

Efesiyo 1:17

“Abi Deoso, Yeso Kirisito‑ka Abi amosabote amatini. Yeso Kirisito‑ka Deoso amatini. Efesiyo‑ya mai wi‑wina mai‑ya tika Doni sawiyaho, tiwa‑ya mai wato ba‑basi nabonehe. Tiwa tamine‑ya mai tikanawatohi.” Oteni.

Timoti yoto‑ke 2:19

I‑di Deoso ati abaterene. Deoso mai‑ya kadikemari, Deoso mai oni‑ya watone. Deoso‑ka ama·oni, ai ati niya, Deoso ati‑nima ai nahi. Ai ene amosahi.

Ebereo 7:18

I‑di Refi‑ka nodi Deoso‑ya dai manakone‑ya mai da‑daa‑mete, dai manakone abara ene dai manakone‑ya mai daanami awiraboneni.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.

Yowaho daidi 5:20

Deoso Bidi hibati‑ya kaki oda awemarine. Yeso ene, Badi, i‑di Deoso yokana ai watowahene. Yeso ene, Deoso ai‑ya bidi nane. Yeso ai‑ya soho ne, Deoso yokana ohari‑ta ene ai abateraboneni.