Karatiya 3:2 - Deoso-ka Yama Hani

² Hibati‑ya Mose ati‑nima dai na, Deoso‑ka Doni dai‑ya sawine? Dai‑ya sawi awiremarine. Yeso Kirisito tamine‑ya oda kamina, Yeso ati dai nofa, Deoso‑ka Doni dai‑ya sawiwahabisane.

Karatiya 3:2 ပူးပေါင်းရင်းမြစ်များ

Yeso‑ka yo‑yose mai tamine 15:8

Ai atibodi‑ya Deoso wato, Yeso ati‑ya mai nofawaha, Deoso‑ka Doni mai‑ya sawi, oda‑ya sawi‑nima mai‑ya sawiwahane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 8:15

Samariya‑ya mai kobokana, Deoso‑ya mai hiyara, “Abi Deoso, Tika Doni mai‑ya sawiyaho.” Mai ati namoneni.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Korito daidi 9:21

Mose ati‑ya mai tokadabara mai‑ya osawe, mai‑nima onihi, Deoso ati‑ya mai nofawahabonehe. Deoso ati‑nima onasa onihi, Yeso Kirisito ati‑nima onasa onihi, oteni.

Korito yoto‑ke 11:4

Deoso Bidi i‑di Yeso ai manakone‑ya nanahabemata tamine dai‑ya oda kaminamaro, mai one dai tabaro‑ya kobona, Yeso oni‑ya mai hirina, Yeso bare tamine‑ya mai kamina, mai ati dai nofamoneni. Doni mai ati‑mone mai ati na, Deoso‑ka Doni ati tohi awire, ati dai nofamoneni. Deoso ati‑mona ati‑ya mai kamina, Deoso Ati Amosabote oda kaminemari, ati‑nima mai ati ni awira, mai ati dai nofamoneni.

Karatiya 3:14

Abaraho‑ya Deoso kasomemarine. Yeso Kirisito ene Abaraho‑ya Deoso kasome‑nima Bara dai toha, Yeso ati dai nofiya, dai‑ya Deoso kasomaharibonane. Deoso‑ka Doni dai‑ya sawiwahebonane.

Karatiya 3:3

Deoso‑ka Doni ene Deoso‑ka dai tohawaha, hini dai ene dai amosawamabone dai ati na awineni? Dai ka‑kana na awineni. Dai ene amosawamabone dai ati na, dai ene tohi awiraboneni. Deoso‑ka Doni ene tohabisebonane.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Ebereo 2:4

Yeso ati‑ya mai kaminiya, Deoso ene ai owa‑ya mai nakitama, mai ihi kita, mai ihi‑ya mai awa, “Ka! Haa‑nima ai ene na, ai awaterani.” Mai one ati namaroni. Deoso ati ene, Deoso‑ka Doni mai‑ya sawi, ati‑nima mai ihi namaroni.

Ebereo 4:2

Deoso tabaro‑ya ai maa tohi fawanabone tamine‑ya mai mita, tamine oda mitahari nemarine. Deoso ati Amosabote‑ya mai mita, ati mai hinofare, mai‑ya kasomare, tabaro‑ya mai koborameteni.

Ebereo 6:4

Deoso ati‑ya mai wa‑wato, Deoso‑ka Doni mai‑ya sawi, yama amosabote‑ya Deoso mai‑ya daane, Deoso ati‑ya mai nofami awiriya, mai ihi Deoso‑ya hini mai tamine‑ya mai kaminamariya, Deoso mai‑ya ati somawamaterebonane.

Bedoro daidi 1:12

“Owati dai kanahanohi. Owati‑ya mai wato kanibote raboneni. Mai amoni dami‑ya dai ati‑ya mai kadikiya, owati‑ya mai watowahaboneni.” Deoso‑ka Doni ati nematane. Fare dai tamine‑ya hiyare, Deoso‑ka Doni neme‑ya kise, dai‑ya kanawatobona, dai‑ya oda kaminamakitasineni. Deoso‑ka yo‑yose neme‑ya mai wi‑wina, dai‑ya Deoso kanawato tamine‑ya mai atibodi kadika, yama‑ya mai watora, ai‑ta Deoso ati ai wato neni.