Karatiya 2:9 - Deoso-ka Yama Hani

⁹ I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Karatiya 2:9 ပူးပေါင်းရင်းမြစ်များ

Mateo 16:18

Owati timitahi. Tiwa oni Bedoro toha, yati oni‑ya weyetineni. Okobi yati webote‑nima ne, Okobi ene oka mai damawahabone, mai tosiyoteraboneni.

Roka 22:8

i‑di Bedoro, i‑di Yowaho mai fama mai‑ya Yeso yose, “Tabora‑ya dai towakiya, ai tefe‑ba dai hawa tohiyahi.” Yeso ati nematane.

Yowaho 1:42

Yeso‑ya anidi‑ya towakame, mai kobokana, Simaho‑ya Yeso kakatome, ati yanane, “Yoaho bidi, i‑di Simaho amatini. Tiwa oni one Sefasi tohaboneni.” Yeso ati nemarine. (Sefasi Kereko mai ati‑ya i‑di Bedoro amane.)

Yeso‑ka yo‑yose mai tamine 12:17

Bedoro yehe‑ya mai‑ya ati barine, mai‑ya hiyarawahe, kadeya‑ya wai Deoso hikasome, hini tamine‑ya kamine, i‑di Tiyako toha, Yeso ati‑ya mai no‑nofa mai one‑ya mai hikaminamakebone ati ne, tabora bara‑kaya tokane.

Yeso‑ka yo‑yose mai tamine 15:13

Mai ati fawaniya, Tiyako waamise, mai‑ya hiyare, “Okoyo dai toha, oka soho dai toha na, owati dai mitahi.

Yeso‑ka yo‑yose mai tamine 15:7

Mai dami hiyari hawa tohiya, Bedoro waamise, “Soho, owati dai mitahi. Hibati‑ya Deoso owa‑ya yosemarine, Bara mai‑ya Yeso Ati Amosabote ohiyarabonehe. Bara owati‑ya mai mita, Yeso ati‑ya mai nofawaha, mai dai watoneni.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Homa 1:5

Kirisito ene Deoso owa‑ya kadikemarine, Yeso‑ka yo‑yose ohawahabonehe. Deoso owa‑ya kasomemarine, Bara mai‑ya Deoso Ati Amosabote okaminabonehe. Yeso ati‑ya mai nofiya, ati mai hikadabeya, Yeso Kirisito‑ya mai kahiyaraboneni.

Homa 12:3

Deoso owa‑ya kadikemarine, dai‑ya okanawatabonehe. Owati dai mitahi. “Amosabotebisa ama·oni.” Dai ati riyahi. Yeso ati dai nofa Deoso dai‑ya kasome, dai‑ya kanawato‑nima dai atibodi dai‑ya kadikabisahi. Deoso ene yama‑ya dai wa‑wato, Deoso ene dai ya‑yainibisa, hini dai‑ya dai kahiyarariyahi.

Homa 15:15

Dai‑ka yama hani‑bone okanahana, owati kiti ba‑basi na, yama dai watamaro dai kadikamatasaboneni. Deoso owa‑ya kadike, owa‑ya kasomemarine, dai‑ya okanawatabonehe.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito yoto‑ke 11:5

Yeso‑ka yo‑yose amosabote mai‑mone mai ati na, Yeso‑ka yo‑yose ohaharineni. Owa ene‑ya mai ihi fiyakiterani.

Korito yoto‑ke 12:11

Owa tamine‑mone‑ya mai kamina, mai ati dai nofa, owa ene dai awamaro dai kaminara. Dai ene yama‑ya mai watora mai ati‑nima oka yama hani tohani. Amosabote mai‑mone mai ati na, owa ene‑ya mai ihi fiyakani awira, amosabote ama·ora, Deoso ene‑ta owa ene kitateni.

Korito yoto‑ke 8:4

“Baoro, Yodeya‑ya mai wi‑wina Deoso ati‑ya mai no‑nofa mai‑ka yamata awiramone, mai‑ka yinero‑bona oda daane, dai towakamahi, mai‑ka yamata‑bone‑ya mai kanikabonehe.” Mai ati nineni, mahi‑nima.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Karatiya 1:18

Faha fowe 3 tohamakiya, Yerosare‑ya okawaha, Bedoro‑ka yobe‑ya kobo·ona, owa amoni 15 toha, Bedoro‑ya ohiyarineni.

Karatiya 2:1

Faha fowe 14 tohamakiya, Deoso ati ene Yerosare‑ya okomakitasa, i‑di Banabe i‑di Tito mai fama, owa‑ya mai sawemaroni.

Karatiya 2:2

Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 6:3

Dai‑ta dai amosabisa‑mone dai ati na, dai‑ya dai keyehe, dai amosabisarani.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Timoti daidi 3:15

Okomaki kanibote oni awiriya, yama tiwatowahaboneni. Deoso‑ka mai ai toha, haa‑nima ai ene naboneni. Deoso‑ka mai ai toha, ai ene‑ya mai awiya, Deoso‑ya mai watowahaboneni. Yobe ewene amosare, yobe soneba awane. Fare‑nima ai ene amosara, Deoso Ati Amosabote mai watoraba awineni.

Yowaho daidi 1:3

Yama oda awa, ati oda mitanamaro tamine okanahano, oda wata dai watohareboneni. Ai‑ka Abi i‑di Deoso, Bidi i‑di Yeso Kirisito‑ya fame, ai‑ya mai nofa, mai ai nofa, ai ibi hiyari nofateni.

Yeso Kirisito ene‑bona 3:12

Dai maakani awiriya, Deoso‑ka yobe fowari ewene‑nima dai nabone, Deoso‑ya dai sawiteboneni. Oka Deoso oni‑ya dai‑ya okanahanowahaboneni. Owa oni yati‑ya dai‑ya okanahanowahaboneni. Oka Deoso tabaro oni‑ya dai‑ya okanahanowahaboneni. Deoso tabaro oni Yerosare yati tohineni. Fara oka Deoso tabora‑ya yanana, bofe‑ya kisaboneni.