Karatiya 2:8 - Deoso-ka Yama Hani

⁸ Deoso ati ene Yodeo mai‑ya Yeso ati‑ya i‑di Bedoro kamine, Deoso ati ene Bara mai‑ya Yeso ati okaminahari oneni. Yeso Kirisito‑ka yo‑yose i‑di Bedoro amane. Yeso Kirisito‑ka yo‑yose‑hari ama·oni.

Karatiya 2:8 ပူးပေါင်းရင်းမြစ်များ

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 21:19

Mai nafi‑ya Baoro hiyare, “Bara mai‑ya oka, Deoso tamine okamine, mai‑ya ohiyara, Deoso ene kite damemarine.” Ati ne. Deoso ene kite dame tamine‑ya Baoro kadikemarine.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Korito daidi 15:10

Deoso owa‑ya kasomi nafi, owa‑ya yosemarine, Yeso ati okaminabonehe. Deoso owa‑ya kasome ene honita tohare, owa‑ya kasomi nafi ene mai dami‑ya Yeso ati okaminabisa, mai one ihi‑ya owa ene fiyakanineni. Owa ene yokana tohara, Deoso owa‑ya kasome ene tohabisane.

Korito daidi 9:2

Yeso‑ka yo‑yose oharamone mai ati na, Yeso‑ka yo‑yose oha, owa dai watobisineni. Yeso Kirisito owa‑ya yose, ati ene dai‑ya ohiyara, owati‑nima dai na, Yeso ati‑ya dai nofawahamaroni. Dai‑ya mai awiya, Yeso Kirisito‑ka yo‑yose oha, owa‑ya mai wataboneni.

Yeso‑ka yo‑yose mai tamine 8:17

Mai‑ya mai yahi fore, Deoso‑ka Doni mai‑ya sawiwahemonane.

Yeso‑ka yo‑yose mai tamine 4:4

Bedoro mai ati‑ya mai one mita, Yeso ati‑ya mai nofawaha, maki mai dama 5000 mai kana Yeso ati‑ya mai nofawahamoneni.

Yeso‑ka yo‑yose mai tamine 1:25

I‑di Yoda oda‑ya dabemari, hini ene oda‑ya dabamaterebona, abe, madi mai tabori‑ya tokawahe, ebeni‑ke oda‑ya dabawahabati? Yeso‑ka yo‑yose tohebonaha.” Mai ati namoneni.

Yeso‑ka yo‑yose mai tamine 1:8

Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Koroso 1:29

Fara yama ani·ona, oka yama anini kitateni. Yeso Kirisito owa‑ya sawi, owa‑ya kasome, tamine okaminabonehe.

Karatiya 3:5

Owati dai mitamatasahi. Mose ati‑nima dai namaro, Deoso‑ka Doni dai‑ya sawine? Dai‑ya sawi awirane. Mose ati‑nima dai na, Deoso ene kite dai awane? Ene dai awi awirane. Kirisito tamine oda kamine tamine dai nofabisiya, Deoso ene kite dai awineni.

Yeso‑ka yo‑yose mai tamine 19:26

Baoro ati dai mita, ene dai awane awane. ‘Yama wamani toha‑ya deoso tohaterene.’ Ati tene. Ati mai dama mai himite, ahi‑ya ati mai himita hine, Asiya nafi‑ya ati mai himite, ati mai hinofawahene.

Tesaronika daidi 2:13

Dai tabaro‑ya oda wina, dai‑ya oda hiyara, “Baoro hini mai ati tohi awirani. Deoso ati‑ya mai hiyarabisani.” Dai ati namaroni. Deoso ati oda hiyaremari, ati dai watowahineni. Deoso ati‑ya dai wata, dai ene sibarineni. Dai ene oda ya‑yaineni. Deoso‑ya dai ene oda hiyarineni.