Karatiya 2:4 - Deoso-ka Yama Hani

⁴ Makobote Yodeo mai one mai kobona, Yeso‑ka mai toha‑mone mai ati na, Yeso‑ka mai tohi awiramaroni. I‑di Tito tamine‑ya mai mita, mai ati yawawahamaroni. Oda ati‑ya mai kamita, oda‑ya mai kakatomamaroni. Oda‑ya mai ati barinabone, oda‑ya mai hiyaramaroni. “I‑di Tito sowiri tati ataro abaho. Yeso‑ka ai tohabone, ai sowiri tati ataro abateboneni. I‑di Mose ati‑nima dai ni awiriya, Deoso‑ka dai tohateraboneni.” Mai ati namaroni. Ai yaditona‑nima ai‑ya mai nihebone mai ati amani. Keyehe‑ya ai‑ya mai hirikanaro, Yeso ati‑ya mai nofarani.

Karatiya 2:4 ပူးပေါင်းရင်းမြစ်များ

Yeso‑ka yo‑yose mai tamine 15:1

Yodeya‑ya mai wi‑wina Atioki‑ya mai toka, Kirisito‑ka mai‑ya mai kanawata, “Mose ati‑nima dai sowiri tati ataro abahi. Dai sowiri tati ataro abi awiriya, Deoso dai‑ya ati somawamaterebonane.” Mai ati namoneni.

Yeso‑ka yo‑yose mai tamine 15:24

Oda tabaro‑ya mai sa‑sawi dai tabaro‑ya mai toka, keyehe‑ya mai hirina, mai ati ihi dai atibodi komamoneni. Mai oda yose awiraroni.

Yeso‑ka yo‑yose mai tamine 20:30

Makobote dai owa hini‑ya kahiyarebona, Deoso‑ka‑mona hini‑ya ati tonihi, Yeso‑ka mai hikahiyarebonaha.

Homa 8:15

Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Korito yoto‑ke 11:13

Kirisito‑ka yo‑yose mai tohara, Kirisito‑ka yo‑yose hini mai‑ya mai tonihe, keyehe‑ya mai hiriteni.

Korito yoto‑ke 11:17

Owa ene tamine okaminabone, Deoso ati ene tohi awire, hiniya ka‑kana mai ati‑nima owati nineni, owa ene tamine okaminaro.

Korito yoto‑ke 11:20

Amosabote mai‑mone mai ati na, dai‑ya mai yose, dai‑ya mai keyehe, dai‑ka yama‑ya mai kayawa, dai‑ya mai bisi na, mai ati dai nofasa nineni.

Korito yoto‑ke 11:26

Mai tabori dami‑ya oka, Yeso tamine okaminabonehe. Faha kaki nafe, faha kayana fowe nafe ihi owa abi yanatona, yama‑ya mai bo‑boti owa‑ya mai ati nanahaba, oka mai one owa‑ya mai ati nanahaba, Bara owa‑ya mai one ati nanahaba, mai‑ka yobe dame wadi‑kaya owa‑ya mai ati nanahaba, mai‑ka yobe awira‑kaya owa‑ya mai ati nanahaba, faha webote bai‑ya owa‑ya mai ati nanahaba namaroni. Deoso ati‑ya mai nofa‑mone mai ati na, Deoso ati‑ya mai nofara, owa‑ya mai nanahababone mai ati namaroni.

Korito yoto‑ke 3:17

Ai‑ka Hidi owa Deoso‑ka Doni tohe, ai‑ya sawi, ai atibodi‑ya seekanateni.

Karatiya 1:7

Yeso Ati Amosabote ohari‑ta tohe, ati bare‑ya mai kamina, Kirisito Ati Amosabote tohi awirene. Keyehe‑ya dai‑ya mai hirikanineni, mai ati dai nofabonehe.

Karatiya 4:25

Yerosare bofe‑kaya mai wi‑wina Sinai‑nima mai nihi, i‑di Hekara‑nima mai nihi, mai kanika mai yaditona mai‑nima mai nihi na, mai‑ka hidi mai‑ya yosetene.

Karatiya 4:3

Fara‑nima Kirisito koboni awisareya, madehe‑nima ai na, Mose ati‑ya ai one tokadaba, madi mai ati‑ya ai one tokadaba na, ai ene amosara ai‑ya mai yaditonamaroni. Mai‑ka yo‑yose mai‑nima ai namaroni.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Karatiya 5:10

Deoso ene owati dai nofabone owatibodi ati neni. Dai‑ya mai kanawato a‑arira, mai oni owatora, mai manakone Deoso daahina, amosaraboneni.

Timoti yoto‑ke 3:6

Mai one tabori‑ya mai tokiyoma, mai fanawi‑ya mai keyeheteni. Mai fanawi yama‑ya watora, mai ati‑ya mai tokadabateni. Mai fanawi ihi amosaramaro tamine mai atibodi hini mai‑ya weena, mai atibodi mai‑ya weenamara, keyehe‑ya mai nofawahani.

Tiyako 1:25

Deoso Ati Amosabote ati dai mite, ati dai kadike, ati dai fawani awire, ati dai tokadaba ne, Satanasi dai‑ya yaditonamare, Deoso dai‑ya kasomebonane.

Bedoro daidi 2:16

Mai one‑ka yo‑yose dai tohara, Deoso‑ya na‑narifa dai toha, deoso ati‑nima dai ene amosarariyahi. Dai ene amosabone Deoso nofateni.

Bedoro yoto‑ke 2:19

Mai fanawi dai nokotoniyahi mai ati na, dai‑ya mai barikanabone mai ati amani. “Oda ati dai tokadabiya, oda ati dai‑ya seekanaboneni.” Mai ati na. Satanasi hibati‑ya mai barihikana, mai one‑ya mai seekanabone mai ati na, keyehe‑ya mai hirineni.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.