Karatiya 2:2 - Deoso-ka Yama Hani

² Yerosare‑ya kobo·ona, Yeso ati‑ya mai no‑nofa mai webote‑ta mai‑ya ohiyarineni. Bara mai‑ya Deoso Ati Amosabote okamina, tamine mai‑ya ohiyarineni. Owatibodi yama‑ya dika, “Owati‑ya mai mitiya, owati‑ya mai nofaba awineni. Owa‑ya mai weenaba awineni. Owa‑ya mai one ati barinaba awineni.” Owatibodi ati namaroni. Webote mai‑ya ohiyara, “Bara mai‑ya Deoso Ati Amosabote okaminateni.” Onamaroni. “Sibarini, tiwa ene amosini. Bara mai‑ya Yeso tamine tikaminiyahi.” Mai ati namaroni.

Karatiya 2:2 ပူးပေါင်းရင်းမြစ်များ

Mateo 10:16

Owati dai mitahi. Kaneiro mai‑nima dai nahi. Dai hamariyahi. Yome hame‑nima mai teni. Mai‑ya dai‑ya oyose, dai noko wadiyahi. Maka mai noki wadi‑nima dai noko wadiyahi. Wayomata mai hamaterani. Wayomata mai‑nima dai nahi. Dai hamariyahi.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Yeso‑ka yo‑yose mai tamine 15:2

I‑di Baoro, i‑di Banabe mai fama mai‑ya mai weena, “Yama dai watora, dai ati fawanahi. Yodeo mai toha, mai sowiri tati atori aba sibarihi, Bara mai sowiri tati atori abara sibarihi nineni.” Baoro mai ati na. “Yama dai watora, Mose ati‑ya mai tokadabara, mai sowiri tati atori‑ya mai nanahabi awiriya, Deoso mai‑ya ati somawami awirebonane.” Yodeya‑ya mai kama, mai ati na, mai ibi weenademoneni. Mai ibi weena mai ihi Baoro mai‑ya Kirisito‑ka mai yose, “Baoro, Banabe, Yerosare‑ya dai tokahi. Oda‑ka mai one dai‑ya mai dababone, Yeso‑ka yo‑yose mai toha, Kirisito‑ka bote mai toha na, mai ati dai mitahi. Fai‑ya tamine dai mita, yama ai watowahaboneni.” Kirisito‑ka mai ati namoneni.

Yeso‑ka yo‑yose mai tamine 15:4

Yerosare‑ya mai kobona, Kirisito‑ka mai‑ya mai hiyara, Yeso‑ka yo‑yose mai toha, bote mai toha na, mai‑ya mai hiyara, “Deoso oda‑ya kasome, oda ati ene Yeso ati‑ya Bara mai nofawahineni.” Mai ati na.

Yeso‑ka yo‑yose mai tamine 18:9

Makobote yama soki‑ya Baoro Deoso ati wadarine‑ya mite, “Baoro, tiwa habo kitahi. Owa tamine hibati‑ya tikaminamaro, tikaminamatasahi. Tiwati fawariyahi.

Yeso‑ka yo‑yose mai tamine 23:11

Yama soki‑ya Yeso kaki, Baoro fowari‑kaya wai, Baoro‑ya hiyare, “Baoro, tiwa habo kitahi. Yerosare‑ya owa tamine tihiyaramaro, makobote Homa‑kaya owa tamine tihiyaramakeboneni.” Yeso ati nemonane.

Yeso‑ka yo‑yose mai tamine 5:34

Mai‑ka hidi owa, i‑di Kamari·eo waamisane, mai‑ya hiyarebonaha. I‑di Kamari·eo fariseo tohe, Mose‑ka yama hani ati‑ya ka‑kanawato tohahari, ati‑ya mai dami nofateni. “Ahi‑kaya mai tokahi, oda ati‑ya mai mitarabonehe. Mai naho bide tohiya, mai kamaboneni.

Homa 9:16

Deoso kitabote tohe, ai owa‑ya kasomebona ati ne, ai owa‑ya kasomatene. Deoso‑ya mai yoserihi, Deoso‑ya mai ati baririhi teni. Hini ati koboni‑ka yama‑ya anitene.

Korito daidi 1:23

“Yeso Kirisito awa‑ya mai baahikane, ai manakone‑ya nanahabematane. Ati dai nofeya, Yeso hawine‑ya dai sawi‑bone, Deoso tabaro‑ya dai kobonaboneni.” Oda ati na, Oda ati‑ya Yodeo mai mita, mai atibodi yama‑ya kadika, “Yeso oda manakone‑ya nanahabare, oda manakone oda nanahababisineni.” Mai atibodi ati na, Ai taratokana‑nima mai na, Deoso tabaro‑ya mai koboraboneni. Oda ati‑ya Kereko mai mita, oda‑ya mai hahakana, “Yeso hawine‑mona‑ya oda sawiraboneni.” Kereko mai ati teni.

Korito daidi 2:2

Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.

Korito daidi 9:24

Mai ibi kanakanabone mai nafi kanani toka, ohari koboni dai tohe, mai ati‑nima ne kanane, hini kanani manakone‑ya kayafebonane. Dai‑ta Deoso tabaro‑ya dai tokabone, Deoso ati dai tokadabiya, dai manakone amosa‑ya dai kayafaboneni.

Korito daidi 9:26

Mai ibi kanakanabone mai kanana, mai koboni‑bone‑ka hawi boni tati‑ya mai kakatoma, mai‑nima Deoso tabaro‑ya okabone ona, Deoso tabaro koboni‑ya noko·oni ohariteni. Mai ibi koona yama honita‑ya mai koonisarabone mai ati teni. Mai‑nima owati yananiya, owati honita toharabone owatibodi ati teni.

Korito yoto‑ke 12:1

Owa tamine okaminamakitasa, dai‑ya kasomara awineni. Oka Hidi i‑di Yeso ene wada‑nima yama na oawa, owa‑ya kanawatomarine.

Karatiya 1:12

Owa‑ya mai kanawato awiramaroni. Yeso Kirisito‑ta owa‑ya kanawatobisemarine.

Karatiya 1:16

Deoso hini Bidi‑ya owa‑ya yofikanemarine. “Bara mai‑ya Oka dao tamine tikaminawahaboneni.” Deoso ati nemarine. Deoso ati‑ya omita, mai one ati omitaramaroni. Deoso ati‑ta omitabisamaroni.

Karatiya 1:6

Hibati‑ya Kirisito ene Deoso dai‑ya haane, Ati Amosabote dai nofemari, ati dai nofami awire, mai one ati‑ta dai nofawahamoneni. Ka! Hini yamata‑bone mai ati dai nofawahiti? Mai ati amosabisa‑mone dai ati na awineni.

Karatiya 2:6

Yerosare‑ya mai wi‑wina Yeso ati‑ya mai no‑nofa mai‑ka webote owa‑ya mai weeni awirani. Owati‑nima mai ati namaroni. Ai‑ka webote mai‑mone mai ati na, hini ai owa mai amani. Deoso‑ka ai nafi toha, Deoso ai‑ya nofi nafitene.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Karatiya 5:7

Hibati‑ya Yeso ati dai nofamaro, ebeni‑ke ati ene ati dai tokadabamarati?

Firibo 2:16

Deoso ati dai nofa, mai ihi amosara mai dai hiyarahi. “Yeso dai‑ya nofe, dai manakone‑ya nanahabemata, ati dai nofeya, dai abaraboneni.” Dai ati nahi. Haa‑nima dai ene niya, Kirisito kamataseya, dai ene ya‑yai·ona, oka yama anini honita tohara owatowahaboneni.

Firibo 2:29

Bafodito dai tabaro‑ya koboneya, dai ya‑yainahi. Bafodito ene‑nima mai ihi na, mai dai nofi ba‑basi nahi.

Tesaronika daidi 3:5

Tesaronika‑ya dai wi‑wina Yeso ati‑ya dai nofamaro, Yeso ati‑ya dai nofasa na awineni, oda ati na, i‑di Timoti oda yosemaroni, dai tamine‑ya mitebonaha. Satanasi dai‑ya keyeheya, Satanasi ati dai nofarabone oda atibodi ati nofani. Satanasi ati dai nofa‑mani, oda ati aba neni.

Timoti yoto‑ke 4:7

Owa ene sibarani. Sodado‑ka yama anini kiti‑nima oka yama anini kitani. Owa kanani hawa tohi yanatoni. Deoso ati‑nima onani.

Ebereo 12:1

Deoso ati‑ya mai no‑nofa‑mete mai ihi ai awa, mai‑nima ai nahi. Deoso ati ai tokadaba, yama one ai nokotonira. Ai‑ya mai one awaboneni. Ai kananabone, yama kanaha‑ya ai weyeterani. Yama kanaha ai korotowitiya, ai honita kanateni. Ai ene amosara yama kanaha‑ya ai weyena‑nima teni, Satanasi‑ka keyehe ai tokadabamaro, ati ai nofami awireya, Deoso hawine‑ya ai yakaniya, ai kiti fawaraboneni.