Homa 9:4 - Deoso-ka Yama Hani

⁴ Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Homa 9:4 ပူးပေါင်းရင်းမြစ်များ

Mateo 21:33

Yeso mai‑ya kanawatobona mai‑ya hiyare, “Ofa tabori‑bone‑ya hidi hawa tonihi, ofa noki‑ya kamane, yama ba‑barikana‑ya wamane, ofa ta‑tai‑ka hodi‑ya wamane, ofa‑ya mai na‑nawada‑bone mai tabori nemehe‑bone‑ya wamanamaki, yama yaki‑ya tokebona mai‑ya hiyare, ‘Oka awa bono dai nawadahi, hadiya, one okayafa, one dai kayafa naboneni.’ Ofa hidi ati ne, ‘Hehe, sibarini.’ Mai ati nani. Fara yama yaki‑ya ofa hidi tokawahemarine.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 1:47

Mai towakama, Yeso‑ya mai kobokana, Natanaeo‑ya Yeso hiyare, “Isara·eo‑ka nodi yokana amatini. Tiwa ene amosa hinama tohani.” Yeso ati ne,

Yeso‑ka yo‑yose mai tamine 2:39

Fare oda‑ya sawi‑nima dai‑ya sawi, dai‑ka madehe‑ya sawi, yama yaki‑ya mai wi‑wina mai‑ya sawi nebonane. Ai‑ka Hidi i‑di Deoso dai‑ya haane, dai‑ya haani‑nima mai‑ya haaneya, Deoso‑ka Doni mai‑ya sawibona ati nane.” Bedoro ati nemonane.

Homa 3:2

Yodeo ai toha yama dama‑ya ai kayafa, Deoso ai‑ya kasomi nafitene. Hibati‑ya ai‑ka idi mai‑ya Deoso hini ati‑ya hiyarematane. Deoso ati yokana mai hikanahano, ati‑ya ai‑ka idi mai kayafameteni.

Homa 8:15

Mai mai hikanikamaro mai‑ka hidi mai‑ya nofare awane. Mai‑ka hidi‑nima ai‑ka hidi re, Deoso ai‑ya nofe, hika Doni‑ya ai‑ya daane, ai‑ya ewe ne, ati ene ai kakomehera, ai ya‑yainibisa, “Abi Deoso” ai ati teni.

Homa 9:6

Deoso ati fawaterebonane. Ati‑nima yama teni. Isara·eo‑ka nodi mai one hika nodi yokana mai tohi awirihi,

Korito yoto‑ke 11:22

Ebereo mai toha, fara ebereo ama·oni. Isara·eo‑ka nodi mai toha, fara Isara·eo‑ka nodi ama·oni. Abaraho‑ka nodi mai toha, fara Abaraho‑ka nodi ama·oni.

Karatiya 3:16

Abaraho‑ya Deoso hiyare, “Tiwa okasomaboneni, tika nodi eyehe.” Deoso ati nemarine. Ati dai mitamatasaho. Abaraho‑ka nodi mai dami tamine‑ya hiyari awirane. Hika nodi ohari tamine‑ya hiyarabisemarine. Abaraho‑ka nodi i‑di Yeso Kirisito tohe, fare‑ya Deoso kasomebonane.

Efesiyo 2:12

Hibati‑ya Kirisito‑ya dai watorihi, Isara·eo‑ka mai‑ya dai dabarihi na, Deoso‑ka yama‑ya Yodeo mai one kayafabone, dai kayafi awirabone. Fara hibati‑ya dai aba‑mani, Deoso tabaro‑ya dai tokara neni.

Ebereo 9:1

Hibati‑ya Deoso ene Deoso‑ya mai kahiyarabone, ati‑nima mai nabone ati ne, bofe‑ya Deoso‑ka yobe toheya, yama towe sawirabone ati nematane.

Ebereo 9:10

Yama‑ya mai kaba, yama‑ya mai fawa, yama‑ya mai soko na, mai atibodi‑ya namosaterani. Mai atibodi namosabone tamine‑ya Deoso mai‑ya kaminamakimatane.

Ebereo 9:3

Deoso‑ka yobe kote barikane‑ya bora kita wina‑ya Deoso kayawi ba‑basi nematane.

Ebereo 9:5

Kasaho noki mese‑ya Deoso‑ka yo‑yose mai afe wadikima mai demenare, mai afe bofe‑ya Deoso ati yananane, mai‑ya ati somawamebonaha. Yama wamani tamine ohiyaramaraboneni.

Ebereo 9:6

Yobe, yobe doro‑ka yama toha na nafi hawa toha, Deoso‑ka yama‑bone‑ya mai da‑daa yobe kote kayawi bi‑bidi ne‑ya mahi‑nima mai tokiyoma, mai‑ka yama anini‑ya mai aniteni.