Homa 9:3 - Deoso-ka Yama Hani

³ Oka mai one Kirisito ati‑ya mai nofara, mai ihi owatibodi yama‑ya kadikani. “Owa‑ta Deoso tabaro‑ya owinara‑mani, oka mai nafi winabisiya, ya‑yai·ona neni.” Owatibodi ati nineni.

Homa 9:3 ပူးပေါင်းရင်းမြစ်များ

Yeso‑ka yo‑yose mai tamine 13:26

Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.

Yeso‑ka yo‑yose mai tamine 22:5

Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.

Yeso‑ka yo‑yose mai tamine 28:21

Ati‑ya Yodeo‑ka hidi mai mita, mai ati yanana, “Tiwa tamine‑ya mai kanahanoterani. Yodeya‑ya ai‑ka mai kamake, tiwa tamine towe‑ya mai hiyaraterani.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 11:1

Isara·eo‑ka mai dami‑ya Deoso nofami awire‑mona dai ati na awineni. Isara·eo‑ka mai‑ya Deoso kanakiterene. Isara·eo‑ka owa ama·oni. Abaraho‑ka nodi, i‑di Besami tohe, i‑di Besami‑ka nodi ama·oni.

Homa 11:14

Dai‑ya ohiyara, owa‑ya Yodeo mai awiya, mai yawaba awineni. Yeso ati‑ya dai nofa Deoso dai‑ya kasome‑ya mai awiya, Yeso ati‑ya mai one nofamakeba awineni.

Homa 16:11

Oka owa i‑di Erodiaho dai hiyara, Narasiso‑ka mai one Yeso ati‑ya mai no‑nofa mai dai hiyara, dai nahi.

Homa 16:21

I‑di Timoti oda fama Yeso Kirisito‑ka yama oda anina, dai tamine‑ya i‑di Timoti hiyara, i‑di Rosiyo, i‑di Yasoho, i‑di Sosibataro mai na, oka mai toha, dai tamine‑ya mai hiyarateni. Dai‑ya mai nofineni.

Homa 16:7

I‑di Anidironiko, fadi i‑di Yoniya‑ya fame, mai dai hiyarahi, oka mai amani. Owa eyehe kadeya‑ya mai foyamaroni. Yeso ati‑ya mai nofi baha, ati onofamakimarine. Yeso‑ka yo‑yose mai mai hinofa hineni.

Korito daidi 12:3

Deoso ati‑mona mai ati na, mai ati dai nofa kanibote riyahi. Mai ati dai mita, mai ati‑ya dai atibodi kadikiya, mai ati dai watowahaboneni. Yeso ati kasiro‑mona mai ati na, Deoso‑ka Doni ati tohi awire, madi mai ati tohabisineni. “Yeso ati amose, ai‑ka Hidi amane.” Mai ati na, Deoso‑ka Doni ati‑ya mai ati tohateni.

Korito daidi 16:22

Ai‑ka Hidi ati‑ya mai nofara, Deoso mai‑ya nakomebonane. “Yeso, oda‑ka Hidi amatini. Kama kanibote tinahi.” Oteni.

Korito yoto‑ke 12:15

Dai‑ya okasomabone, dai ene oka yinero tosiyoya, dai ene o·abiya, sibaraboneni. Dai‑ya onofi ba‑basi oniya, owa‑ya dai nofi bi‑bidi bana?

Karatiya 1:8

Deoso hawine ohari‑ta tohabisane. Deoso hawine bare‑mona‑ya mai kamina, mai‑ya Deoso yawi fawaterebonane. Deoso hawine bare‑mona oda kamina‑mani, oda‑ya Deoso yawi fawarihi, hawine bare‑mona‑ya Deoso‑ka yo‑yose mai kamina‑mani, mai‑ya Deoso yawi fawarihi ne nane.

Karatiya 1:9

Hibati‑ka owati‑nima owati namatasaboneni. Deoso hawine bare‑mona‑ya mai hiyara, mai‑ya Deoso yawi fawaterebonane.

Karatiya 3:10

I‑di Mose ati dai tokadaba ene Deoso ati somawamebona dai ati na, i‑di Mose ati nafi dai tokadabariya, Deoso ati somawamarebona, ati yawabisebona i‑di Mose‑ka yama hani ati nineni.

Karatiya 3:13

Mai ihi amosara nafe, awa‑ya mai mai nawaanateni, mai ababonehe. “Awa‑ya mai waana, mai aba, mai‑ya Deoso yawatene.” Deoso‑ka yama hani ati neni. Yeso Kirisito ai ene towe‑ya kayafawahe, awa‑ya waane, abemarine. Ai manakone‑ya nanahababisemarine. Yeso Kirisito‑ya Deoso yawemari, ai‑ya yawarebonaha.

Efesiyo 6:5

Dai‑ya mai kanikamaro, owati dai mitahi. Dai‑ka hidi mai ati dai tokadabahi. Mai‑ya dai ya‑yainihebone, yama anini dai kitahi. Yama dai aniniya, dai atibodi yawariyahi. Yeso Kirisito ati‑ya dai tokadabi‑nima dai‑ya mai kanikamaro, mai ati dai tokadabahari nahi.