Homa 9:11 - Deoso-ka Yama Hani

¹¹ Mai wadi awisariya, mai ihi amosi awisarihi, mai ihi towe tohi awisarihi niya, Deoso ati‑nima yama nabone ai watabone mai tamine‑bone‑ya Deoso hiyarematane.

Homa 9:11 ပူးပေါင်းရင်းမြစ်များ

Homa 4:17

Abaraho‑ka nodi mai tamine‑bone‑ya Deoso wato, mai tamine‑ya Abaraho‑ya hiyarematane. “Abaraho, owa ene tika nodi mai damawahatebone, mai tabori damateboneni.” Deoso ati nematane. Abaraho bidi awisareya, Deoso ati‑ya nofe, atibodi yama‑ya kadike, “Deoso kitabote tohe, ai aba, ai‑ya nakitamatene.” Abaraho atibodi ati nematane.

Efesiyo 2:3

Fara mai ihi‑nima ai nafi ene namaro, ai atibodi bote ati ai tokadaba, mai ihi‑nima ai ene na, ai ene amosara ene ai‑ya Deoso yawematane.

Efesiyo 2:9

Hini ai ene tohi awira, ai‑ya ai kahiyari awiraboneni.

Efesiyo 3:11

Yama nafi‑ya wamani awireya, Yeso‑ka ai tohabone, ai tamine nafi‑ya Deoso wato, ai‑ka Hidi Yeso Kirisito tohebona‑ya wato, ai hinama tohabone, ai tamine‑ya wato nematane.

Tesaronika daidi 1:4

Hibati‑ya Deoso dai‑ya kadike oda wato, “Oka dao dai tohabone, dai onofini.” Ati nemarine.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Timoti yoto‑ke 1:9

Hibati‑ya ai awisari‑ya Deoso ai‑ya kadike, ai ene tohara, Deoso ai‑ya nofe, Yeso Kirisito ati ai nofabone ai‑ya wato, ai‑ya kasomematane.

Tito 3:5

Ai ene tohara. Deoso ai‑ya nofi nafi, ai‑ya kasome, ai ene amosaramaro, ai atibodi‑ya Deoso awe, ai bisa toha‑nima ai atibodi na, Deoso ene ai atibodi yati tohawaha, ai bisa toha, ai‑ya ai sokona‑nima ai atibodi yati tohawaha nineni. Deoso ene‑nima ai ene nawahabone, Deoso‑ka Doni ai‑ya sawi, yama amosa ai watoni.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro yoto‑ke 1:10

Oka soho dai toha, Deoso dai‑ya kadike, dai‑ya haane. Tabaro‑ya dai winawahaboneni. Owati‑nima dai ene niya, Deoso tabaro hawine dai fawaniteraboneni.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.